یئنی ایشلدنلری اینجیتمه‌یین

بۇ صفحه ویکی‌پدیا اۆچون بیر تاپشیرمادیر. تاپشیریقلار٬ رعایت اوْلونماسی لازیم اوْلان بیر ایستاندارد اوْلاراق ویکی‌پدیاچیلار طرفیندن قبول اوْلونماقدادیر. آنجاق دییشدیریلمه‌سی مۆمکوندور و ساغلام دۆشونجه ایله اله آلینماسی گرکدیر. صفحه‌ده دییشیک‌لیک ائتمه‌دن قاباق٬ بۇ دییشیک‌لیک‌لرین ویکی‌پدیاچیلاردان تأیید آلدیغینا امین اوْلون. اۇیغون گؤرمه‌دیگینیز بیر مادّه وارسا٬ دانیشیق صفحه‌سینده سببلری ایله آچیقجا یازین.

قیسایول‌لار وپ:اینجیتمه وپ:چوْماق

بۇ صفحه بیر باخیش‌دا: یئنی ایشلدنلرله نزاکتلی و دؤزوملو داورانمالی‌ییق. مؤحتمل چیخارلی اوْلا بیله‌جک ایشلدنلری سۆرعتله بۇرادان قاچیراجاق دۆشمنجه و کیچیلدیجی داورانیشلاردان اۇزاق دۇرمالی‌ییق. یئنی گلنلر ویکی‌پدیایا اؤیرنمه‌یه چالیشارکن٬ اوْنلارا یوْل گؤسترمه‌لی‌ییک.

بیز هامیمیز بیر گۆن یئنی و تجروبه سیز ایشلدن ایدیک!

• ویکی‌پدیانین توسعه و طرفسیزلیگینی قوْرماق اۆچون، یئنی ایشلدنلره احتیاجی اوْلدوغونو آنلایین.
• بیر یئنی ایشلدن‌دن بیر سهو گؤرسز، چالیشین اوْلدوقجا اؤزونوز اوْنو دۆزلدین، یئنی گلنلری دانلامایین. یاددا ساخلایین، ویکی‌پدیادا چالیشماق آزاددیر و هئچ کیمسه‌نین مسئولیتی دئییل.
• بیر یئنی ایشلدنه تذکور وئرمک گرک اوْلورسا، گۆلر اؤزله بۇ ایشی گؤرون. سؤزونوزو بیر خوش گلدین له باشلاییب، سوْنرا مولایمت‌له تذکورونوزو وئرین. بئله یوموشاق دیلینیز اوْلمازسا، دانیشمایین. هئچ کیمسه سیزی لال سایماز!
• یئنی ایشلدنلر قاباغیندا یاخشی نیتینیز اوْلسون. یئنی گلنلرین چوْخونون هدفی خارابکارلیق یوْخ کؤمکدیر.
• بیرینجی آددیمدا یئنی ایشلدنلری باغلامایین، اول اوْنلارلا دانیشین.