دییشدیرمه سیاستی
ویکی‌پدیا مین‌لر دییشدیریجی‌نین امگی‌نین نتیجه‌سی‌دیر.
 | بۇ صفحه ویکی‌پدیا سیاستلریندن بیری ساییلیر. بۇ سیاست چوخلو ایشلدنلر طرفیندن قبول اوْلونماقدادیر و بۆتون ایشلدنلر اونو رعایت ائتمه‌لیدیر. بۇ سیاستلرده هر دییشیک‌لیک اۆچون اؤنجه اوْنون اۆستونده ایجماع اوْلمالیدیر. |
 | بۇ صفحه بیر باخیش‌دا: صفحه‌لری اوْلدوقجا دییشدیریب، گئنیشلندیرین و ناقص اوْلماق‌لاریندان قوْرخمایین! |
| ویکی‌پدیا سیاستلری |
|---|
| روباتلار مقاله‌لرین یییه‌لیگی دییشدیرمه سیاستی اۆچ قایتاریش پوْزونتوسو قانونی قورخوتماق نیزاکت ویکی‌پدیا:شخصی حمله‌لر ممنوع اختلاف حلی ایشلدن حسابی یدک حساب واندالیزم |
اوْن‌لار هر گۆن اۆز آراشدیرما، ایطلاعات ایله باشاریق‌لارینا گؤره مقاله‌لره بیلگی آرتیریرلار. سئچیلمیش مقاله‌لری ده بۆتؤو ایله دییشیلمز سانماق اوْلماز، چۆنکو هر گۆن بیر یئنی ایشلدن، یئنی ایله گئچرلی مطلب‌لرله اوْنو یاخشیلاشدیرا بیلر.
ویکی‌پدیادا ایش‌لر تدریج ایله گؤرولور: کامل اوْلماق گرک دئییل
بیر کامل و بۆتؤو مطلب بیلیک‌لیکه آرتیرماق چوْخ یاخشی‌دیر، آنجاق گرک دئییل. ایلک آددیم‌‌دا مقاله قیسا آنجاق گئچرلی مطلب‌لره باشلانیر، سوْنرا زمان گئچرکن چوْخلو ایشلدنلر دییشدیرمه‌سی ایله گلیشیب یاخشی دۇروما چاتیر. اؤنا گؤره قارالاما مقاله‌لر یاراتماق‌دان قوْرخمایین آنجاق اوْن‌لاری گلیشدیرمگی ده اۇنوتمایینǃ
دییشدیرمه ایله دانیشیق
مقاله‌لری دییشدیرمه‌ده جسور اوْلون، مخصوصا کیچیک دییشدیرمه‌لرده. دییشدیرمه‌دن قاباق، مقاله‌نین قاباقکی دییشدیریجی‌لر ایله دانیشماق گرک دئییل. هئچ کیمسه ویکی‌پدیانین یییه‌سی دئییل. بیر موشکول گؤروب اوْنو دۆزلتمگی باشارساز، اوْ ایشی گؤرون. آنجاق سیزین دییشدیرمه‌نیز مخالفت ایله بحث یارادان اوْلورسا، اوْندان قاباق بیر دانیشیق ایله مباجثه سالمالیسینیز. جسارت، قایتاریش، دانیشیق دؤنگه‌سی دییشدیرمه‌لری دؤیوش یاردان صفحه‌لرین چوْخوندا ایشلنیر.
جسارت اجماع یا دا طرفسیزلیک ایله یوْخلانیلابیلرلیک کیمی اصلی سیاست‌لرین ترسینه زورلاماق‌لا اؤز اینانجیمیزی آیریلارینا تحمیل ائتمک معناسیندا دئییل. قرار دادن آیریلارینی گؤرولموش ایش قاباغیندا قوْیماق پیس بیر ایش‌دیر.
کؤمک ائدین: آچیقلایین
دییشدیرمه‌لرینیزی آچیقلاماق‌لا فایدالی اوْلون. بیر مقاله‌نین دییشدیرمه‌لری نه قدر گئنیش و فرق‌لی اوْلورسا، آچیقلاماق نیازی اوْ قدر چوخ‌دور. دییشدیرمه‌نیزین نَدَنین یازماغینی اۇنوتمایین. چالیشین بوْ ایش اۆچون بیر اۇیغون دییشدیرمه قیساسی ایشلدین. بؤیوک ایله اهمیتلی دییشدیرمه‌لری آچیقلاماق اۆچون دییشدیرمه قیساسی اۇیغون دئییل، بۇ وضعیتده مقاله‌نین دانیشیق صفحه‌سینده ده بیر آچیقلاما یازین. دانیشیق صفحه‌سی‌نین یازغی‌لاری داها چوخ گؤروندوگو اۆچون بۇ ایش سؤتفاهم ایله چیرپیشمالاری آزالدیب دییشدیرمه ساواش‌لارینی دانیشیغا ساری آپاریر.
بؤیوک دییشدیرمه‌لرده محتاط اوْلون: دانیشین
بؤیوک دییشدیرمه‌لرده محتاط اوْلون: چالیشین قاباقجا بۇ موضوعدا دانیشیق سالین. بؤیوک دییشدیرمه‌لرده، دییشدیرمه ساواشی‌نین قاباغینی آلماق اۆچون ان یاخشی یوْل دییشدیرمه‌لری مقاله‌نین دانیشیق صفحه‌سینده آیریلارلا آرادا قوْیماق‌دیر. بوْ ایش‌لر سیزین دییشدیرمه‌لرینیزی آیری ایشلدنلر طرفیندن قایتاریلما احتمالینی آزالدیر.
آنجاق ویکی‌پدیا بیر دانیشیق فوْرومو دئییل
بیر مقاله‌نی جسارت ایله دییشدیرسز یا دا قاباقجا اوْ موضوعدا دانیشیق صفحه‌سینده بیر بحث آرتیرساز، ویکی‌پدیانین دانیشیق فوْرومو اوْلمادیغینی اۇنوتمایین. داها آرتیق ایطلاعات اۆچون معاشرت آدابینا باخین.
سیاستلرله تاپشیریقلار دییشدیرمه‌سی
سیاستلرله تاپشیریقلار، چوْخلو ویکی‌پدیاچی‌لارین اوْنلارین اۆستونده توافق ایله اجماعا چاتدیغی قایدالاری آچیقلاییر. بۇنا گؤره اوْن‌لاری دییشدیرمه‌ده داها محتاط ایله دقیق اوْلمالیسینیز. کیچیک دییشدیرمه‌لر، یازیلیش یانلیشلیق‌لاری دۆزلتمک ایله آیدین‌لاشدیرماق هر زمان ایله هر دییشدیریجی طرفیندن اوْلار، آنجاق بؤیوک دییشدیرمه‌لرده قاباقجا دانیشیق صفحه‌سینده آیریلارین باخیشی یوْخلانیب، عمومی اوْلاراق بیلدیریلملی‌دیر
دانیشیق صفحه‌لرین دییشدیرمه‌سی
بۇ موضوعدا داها آرتیق ایطلاعات اۆچون باخین:
- دانیشیق صفحه‌سی
- صفحه‌لر آرشیولنمه‌سی
بیرده باخ
اتک یازی
| عومومی باخیش | |
|---|---|
| عومومی اصل‌لر | |
| مؤحتوا سیاستلری | |
| آیری مؤحتوا سیاستلری |
|
| مؤحتوا تاپشیریقلاری |
|
| داورانیش سیاستلری | |
| داورانیش تاپشیریقلاری | |
| دییشدیرمه تاپشیریقلاری | |
| ویکی‌مدیا تشکیلاتی | |
| |
This article uses material from the Wikipedia تۆرکجه article ویکی‌پدیا:دییشدیرمه سیاستی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.