صحرا — چوْخ قوراقلیق، ایستی هاوانین گۆندهلیک و ایللیک دما کسکین فرقلهنن، ایللیک یاغینتیسی ۲۵۰میلیمتر-دن آشاغی، بوخارلانما یاغینتیدان چوْخ چوْخ، گۆجلو کولک اَسن، دایمی آخان چایلاری اوْلمایان، چوْخ سئیره ک بیتکی اؤرتویو اوْلان اراضی.
صحرانین عمله گلمهسینین ان باشلیجا سببی یاغینتینین بوخارلانا بیلهجک سۇدان ۷-۳۰ دفعه آز اوْلماسیدیر. صحرانین اؤزون مخصوص ایقلیمی واردیر. گؤی اۆزو آیلارلا بۇلودسوز اوْلور. ماکسیموم دما +۴۹،۵°، +۵۸°-یه چاتیر، گۆن آلتیندا قومون سطحی ۹۰° قیزیر.
شیمالی آفریقا و عربیستان صحرالاریندا بیر نئچه ایل عرضینده یاغیش دوشمیَن یئرلر ده واردیر. صحرالارین ضبط ائتدیی اراضی بۆتون قورونون تقریباً ۳۰%-نی تۇتور. سطح قۇرولوشونا گؤره صحرالار قوملو، داشلی، گیللی و شورانلی صحرالارا بؤلونور. قارلی صحرالار دا مؤوجوددور (جنوبی قوطب و آرکتیکادا). ان مشهور صحرا آفریکانین دئمک اوْلار کی بۆتون شیمالینی ایحاطه ائدن بؤیوک صحرا صحراسیدیر. دۆنیانین ان ایری دۇزلو صحراسی سالار-ده-اۇیونی صحراسیدیر.
ایستی صحرالاردا دما گۆندوز +۵۰ درجه دن یۇخاری، گئجه ایسه ۰ درجه-دن آشاغی اوْلا بیلر.
صحرالاردا ایللیک یاغینتینین میقداری چوْخ آشاغی اوْلور.
آمریکا صحرالاریندا ان چوْخ راست گلینن بیتکی کاکتوسدور.
بؤیوک صحرا
چؤل
This article uses material from the Wikipedia تۆرکجه article صحرا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.