شیروان — ایندیکی آذربایجان جومهوریتینین شرقینده، خزر دنیزینین غرب ساحلی ایله کر (قفقاز) چایی آراسیندا یئرلشن تاریخی اراضی.
قدیمده شیروان دربند (روسیه)دن کر (قفقاز) چایینا دۇغرو خزر دنیزی ساحللرینده یئرلشن کیچیک بیر ویلایتین آدی ایدی. قدیم شیروان شهری بۇ ویلایتین مرکزی روْلونو اوْیناییردی. شیروانشاهلار زامانی اوْنلارا تابع اوْلان داها گئنیش اراضیلر ده "شیروان" آدلانماغا باشلادی.
شیروان اراضیسینده ۸-جی – ۱۶-جی عصرلرده آذربایجان جومهوریتیین ان مؤهوم دؤولت قۇروملاریندان بیری- باشکندی شاماخی شهرینده یئرلشن شیروانشاهلار دؤولتی مؤوجود اوْلموشدور. اوْرتا عصرلرین شرق تاریخینده بۇ ان اۇزون مدت مؤوجود اوْلموش دؤولت ایدی.
اوْرتا عصرلرده شیروان ویلایتینین سرحدلری ایستیلالار نتیجهسینده اؤلکهنین اینضیباطی بؤلگوسونون دَییشمهسی ایله تئز-تئز دَییشیکلییه اۇغراییردی. بللی دؤورلرده شیروانین بیر حیصّه سی آتورپاتکاننین ترکییبنه داخیل اوْلموشدور. بیر چوْخ حاللاردا اوْنون سرحدلری گونئی داغیستانین شهر و کندلرینه قدر گئدیب چاتیردی.
آنتیک مؤلفلر شیروانین آدینی چکمیرلر. بۇ آد ساسانیلر دؤوروندن معلومدور.
This article uses material from the Wikipedia تۆرکجه article شیروان تاریخی ویلایتی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.