ساغلاملیق اینسانین تکجه خسته اوْلماماسی ایله اؤلچولمور، هم ده اوْنون فیزیکی، سایکولوژی و سوسیال ریفاهینین اؤز قایداسیندا اوْلماسی ایله بللی اوْلونور.
ساغلاملیغی اؤیرهنن علملره آشاغیداکیلار عاییددیر: دیتولوژی، فارماکولوژی ، جانلی بیلیم و دیگریلری.
ساغلام اوْلماق اۆچون توصیهلر
ایدمانلا مشقول اوْلون. گۆنده ۱ کیلومتر پیادا گزمک و یا هفتهده ۳ دفعه یونگول ایدمانلا مشغول اوْلماق اۆرک دامار نوخوشلوقلرینین قارشیسینی آلیر. کپکلی محصوللار سرطاندن قورویور. هفتهده ۴ دفعه کپکلی چؤرک ، ماکارون و یا قابیقلی دۆیو یئمک سرطان احتیمالینی ۴۰% آزالدیر. میوه نی سوفرهنیزدن اسکیک ائتمیین. فست فود یئمکلرینی بیردفهلیک اۇنودون. اۆرک-دامار نوخوشلوقلرینین ۳/۱-ی سبب اوْلان هامبورگر، یئرآلما قیزارتماسی و .. کیمی یئیجکلاردیر. گۆنده ان آزی ۱ ساعات فعّال اوْلاراق ایدمانلا مشغول اوْلون!! بل آغریسینا قارشی حرکت ائدین. آراشدیرمالار گؤستریر کی بل آغریسیندان اذیّت چکنلر یاتماق عوضینه نورمال فعالیّتلرینه داوام ائتملیدیرلر. یئمهاینیزه نظارت ائدین. بالیق یئمک اینفارکت احتیمالینی آزالدیر. وندان باشقا،بالیقدا اوْلان یاغلار ایمنی سیستمینی ده مؤحکملندیریر. دوزو آزالدین حَددیندن آرتیق دۇز ایفلیجه و اورک دامار نوخوشلوقلرینه سبب اوْلور. اوْنا گؤره ده گۆنده ۵ قر دۇز یئمک کیفایتدیر. آراشدیرمالار گۆنده ۲ جام قهوهنین باغیرساق سرطانی احتیمالینی ۲۵%، اؤد کیسهسیندهکی داش احتیمالینی ۴۵% آزالتدیغینی گؤستریر. آنجاق قهوهدن چوْخ ایستیفاده ائتمک یۆکسک تضییقه سبب اوْلور. متخصصلر چوْخ چای ایچنلرده اینفارکت احتیمالینین یاریبایاری آزالدیغینی بیلدیریرلر. چایا بیراز موالیجه اهمیتلی اوْتلاردان علاوه ائدین - کهلیکاوتو، میخک و ...
هر پرهیزه آلدانمایین. هفتهده ۲-۳ کیلوگرم آریقلاماغی ود ائدن پرهیزلردن اۇزاق اوْلون. آریقلاماق ایستیییرسینیزسه بونو هفته -هفته یوْخ،اۇزون مدت اۆچون حیاتا کئچیرمهیه چالیشین. آرتیق چکیلره دیقّت. یئنی بیر آراشدیرمایا گؤره چکینین اۆزرینه گلن هر یئنی کیلوگرم اینسانین اؤمرونو ۲۰ هفته قیسالدیر. آرتیق چکیلردن خلاص اوْلماق اۆرک،سرطان،اوْیناق ایلتیهابی و ... نوخوشلوقلردن ده خلاص اوْلماق دئمکدیر. ایدمانلا مشغول اوْلماق یاغی،دۇزو آزالتماق کلسترولو آشاغی سالیر. بۇ دا اینفارکت و ایفلیجدن قورویور. ایسترسه قارشی موباریزه آپارین. سوسیال فعالیّتلر، هوببیلر ایسترسه قارشی موباریزه اۆچون ان یاخشی واسطهدیر. سیقاره یوْخ. سیقاری آتماق آرتیق چوْخ آساندیر.ایندی بۇنون اۆچون سایسیز حسابسیز واسطهلر وار.مثلاً نیکوتین لنتلری،ساققیزلار،اینه ایله مۆالیجه و ... یوخوسوز قالمایین. یوخو ایمنی سیستمینین داها یاخشی فعالیّت گؤسترمهسینه کؤمک ائدیر. هر گۆن ویتامین قبول ائدین. ترکیبینده فول تورشوسو اوْلان ویتامین حبلری سرطان و اۆرک دامار نوخوشلوقلریندن قورویور. بیرده باخ
قایناقلار
قارداش پروژهلرده ساغلاملیق گؤره داها آرتیق بیلگیلر تاپابیلرسینیز.
فایللار ویکیآمباردا
This article uses material from the Wikipedia تۆرکجه article ساغلاملیق , which is released under the Creative Commons Attribution-ShareAlike 3.0 license ("CC BY-SA 3.0") ; additional terms may apply (view authors ). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.