رضا براهنی (۲۱ آذر ۱۳۱۴)، رومان یازیچیسی، ادبی اینتیقادچی، بشر حوقوقو ساوونجوسو.
رضا براهنی گونئی آذربایجان قلم انجومنینین داییمی فخری باشچیسی، ایرانین یازیچیلار انجومنینین تملداشی قویانلاریندان و ۲۰۰۰-دن ۲۰۰۲-ه قدر کانادا قلمینین باشچیسی اولوبدور. تهران بیلیمیوردونون اؤیرتمنی اولوبدور و تورنتو بیلیمیوردونون اوستادی اولاراق اَمَکلی(مۆتقاعید، بازنیشسته) اولوبدور. اوشاقلیقدا آذربایجان تورکجهسینده یازیسین یالاماغا مجبور اولماغینا. باخمایاراق ۶۰ دان چوخ کیتاب یازیبدادیر.
رضا براهنی | |
---|---|
دوْغوم تاریخی | 13 دسامبر 1935 تبریز ، شرقی آذربایجان اوستانی، ایران |
اؤلوم تاریخی | 25 مارس 2022 (86 یاشیندا) تورونتو، اونتاریو، کانادا |
میلیت | آذربایجان تورکو |
پئشه | یازیچی |
حیات یولداشی | ساناز صحتی |
اوُشاقلاری | اوختای براهنی ؛ ارسلان براهنی |
تاثیر قویموش | {{{تاثیر قویموش}}} |
۱۳۱۴-جو ایلیده، آذر آیینین ۲۱-جی گونونده تبریز شهرینده، یوخسول بیر عاییلهده دونیایا گؤز آچدی. آتاسی ایشچیایدی و اؤزوده ۱۸ یاشیناجان کارخانالاردا ایش گوروردو. تحصیلاتین یوخسوللوقلا ایرهلی آپاریب، تبریز بیلیمیوردونا گیردی. اینگیلیسجه ادبیاتی لیسانسین آلاندان سوْنرا، ۲۲ یاشیندا ایستانبول شهرینه گئدیر و اینگیلیسجه ادبیاتدا دوکتورا مدرکی ایله ایرانا قاییدیر.
براهنی ۱۳۳۸-جی ایلده، ایلک دفعه، بیر یونان کوکلو قادینلا ائولنیر. بۇ ائولنمک «الکا» آدلی بیر قیزین دونیایا گلمهسی ایله سونوجلانیر. «الکا» خانیم ایندی آمریکادا یاشاییر. براهنی ایکینجی دؤنه «ساناز صحتی» ایله ائولنیر. براهنی ایکینجی ائولنمهسیندن ایکی اوغلو واردیر.
براهنی ۱۳۵۱-جی ایلده آمریکایا گئتدی و تگزاس بیلیمیوردوندا اینگیلیسجه تدریسیایله مشغول اوْلدو. ۱۳۵۲-جی ایلده، آمریکادان ایرانا قاییداندان سوْنرا ساواک توسط ایله توتوقلانیب و دوستاغا یوللاندی. ۱۳۵۳-جو ایلده، دوستاقدان بوراخیلاندان سوْنرا، یئنیدن آمریکایا گئدیب، ایندیانا بیلیمیوردوندا ایشه باشلادی. ۱۳۵۷-جی بهمن آییندا ایرانا قاییتدی و ۱۳۶۰-جی ایلهجن تهران بیلیمیوردوندا تدریس ایله مشغول اوْلدو.
براهنینی یازیلار موختلیف دیللره چئوریلیبدیر. آلمانجا، رۇسجا، ایسپانجا، سوئدجه، آنادولو تۆرکجهسی، عربجه، هوْللاندجه، اینگیلیسجه و فرانسهجه بونلارداندیرلار. فرانسهجهیه اولموش چئویرمهلردن اؤرنک:
This article uses material from the Wikipedia تۆرکجه article رضا براهنی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.