جعفر سلماسی
جعفر سلماسي (دوغوم.
22 سئنتيابر 1918، عراق، کاظمین – اؤلوم. 31 يانوار 2000. ايران، تهران) – آذربايجانلي آغير هالتئر قالدیرما ايدمانچيسي. ايرانين بيرينجي اولمپیک مئداليني قازانميش ايدمانچيدير.
| جعفر سلماسی | |
|---|---|
 | |
| دوْغوم تاریخ | 22 سئنتیابر 1918 کاظمین، عراق |
| اؤلوم تاریخ | 31 یانوار 2000 تهران، ایران |
| ایش | ایدمانچی،موعلیم |
میدال رکوردو
| ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
عراقدا آنادان اولسا دا، اصلاً آذربايجانين سلماس شهريندندير.
یاشاییشی
هالتئر ايله مشغول اولماميشدان اول جعفر سلماسي بغدادداکي مکتبلردن بيرينده موعلّيم کيمي چاليشميشدير. سونرا رسيملي کيتابلاردان ايستيفاده ائده‌رک ژيمناستيک حرکتلري اؤيرنميشدير.
تخميناً، 20 ياشيندا اولارکن ايرانا سفر ائتميش و بو سفر زاماني ايرانلي ايدمان اوستالاري طرفيندن کشف ائديلميشدير. بوندان سونرا، ايران شامپيوناتيندا ايشتيراک ائتمک اۆچون دعوت ائديلميش و غاليب اولموشدور. بو غاليبيتدن سونرا ايراني تمثيل ائتمک اۆچون 1948-جي ايل لندن ياي اولمپیک اويونلارينا گؤندريلميشدير. قئيد ائتمک لازيمدير کي، بو اولمپیک کومانداسي ايرانين ايلک اولمپیک کومانداسي اولموشدور.
اولمپیک اويونلاريندان سونرا بغدادا گئتميشدير. بورادا ايدمانلا ياناشي موعلّيمليکله ده مشغول اولان جعفر سلماسي صدام حسین حاکيميته گلديکدن سونرا عاييله‌سي ايله بيرليکده ايرانا کؤچموشدور.
2000- جي ايلين 31 يانواريندا تهران شهرينده وفات ائتميشدير.
بين الخالق کاريئراسي
1948-جي ايلين 7 اييولوندا لوندون ياي اولمپیک اويونلاريندا 56-60 ک‌ق ايدمانچيلارين آغير هالتئر اوزره ياريشيندا بورونج مئدال قازانميشدير. بو مئدال ايرانين اولمپیک اويونلاريندا قازانديغي ايلک مئدالدير.
1944-1948جي ايللر آراسيندا 5 دفعه ايران شامپيونو اولموشدور.
1951-جي ايلده يئني دهلي ده کئچيريلن آسیا اويونلاريندا قيزيل مئدال قازانميشدير.
| مئداللار | ||
|---|---|---|
| اولمپیک اویونلاری | ||
| بورونج | 1948 لندن | 60 ک.ق |
| آسیا اویونلاری | ||
| قیزیل | 1951 یئنی دهلی | 60 ک.ق |
| ایران شامپیوناتی | ||
| قیزیل | تهران 1944 | 60 ک.ق |
| قیزیل | تهران 1945 | 60 ک.ق |
| قیزیل | تهران1946 | 60 ک.ق |
| قیزیل | تهران 1947 | 60 ک.ق |
| قیزیل | تهران 1948 | 60 ک.ق |
قایناقلار
This article uses material from the Wikipedia تۆرکجه article جعفر سلماسی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.