ایسترت رِلِی (لورد رئیلی) جان ویلیام (اینگیلیسجه: John William Strutt, 3rd Baron Rayleigh (۱۲ نوامبر، ۱۸۴۲ — ۳۰ ایون، ۱۹۱۹) — اینگیلیس فیزیکی و مکانیکی، فیزیک اوزره نوبل اؤدولی قازانان (۱۹۰۴)
ایسترت رِلِی (لورد رئیلی) جان ویلیام ۱۸۴۲-جی ایلده بؤیوک بریتانیانین اِسِکس قرافلیغینین لئدفورد قروو شهرینده آنادان اوْلموشدور. ۱۸۶۱-جی ایلده جان ویلیام ایسترت کمبریج بیلیم یوردونین ترینیتی کالجینه داخیل اوْلموش و بورادا ریاضیاتی اؤیرنمیشدیر. اونون معلملری ائدوارد جان راوس و جورج قابریل ایستوکس اوْلموشدور.
۱۸۷۹-جو ایلده جاوئندیسه پروْفسورو اولاراق ماکسولی ایزلر؛ دؤرد ایل سوْنرا دا کرال اینستیتوتوندا طبیعت فلسفهسی پروْفسورو اوْلوب. ۱۹۰۵-جی ایلده کرال علم آکادمیسی باشچیلیغینا، ۱۹۰۸ -ده جامبریدگه بیلیم یوردو رکتورلوغونا سئچیلر. گئنیش معلوماتی و فیزیکین فوری هر بؤلمهسیندهکی ایشلریله تانینان رایلئیگهین علمه ان اهمیتلی قاتقیلاری، آکوستیک و اوپتیک ساحهلرینده گؤزه دییر. رِلِی، دقتلی و صبیرلی بیر تجروبهچی ایدی. اونو اوزون مدت مشغول ائدن پروبلم، آتموسفردن تامین ائدیلهن نیتروژنین آتوم کۆتلهسی ایله، کیمیوی تحلیل ائتمکله الده ائدیلهن نیتروژنین آتوم کۆتلهسی آراسینداکی فرقین سببی ایدی. بۇ آراشدیرما چوْخ آز راست گلینهن آرقون قازینی تاپماسینا گتیریب چیخاردی.
رِلِی چوْخ یاییلمیش قازلارین سیخلیغینین تدقیقی نتیجهسینده آرقونون کشفینه گؤره ۱۹۰۴-جو ایلده فیزیک علمی اوزره نوبل اؤدولینا لایق گؤرولموشدور.
بؤیوک اینگیلیس عالیمی جان رِلِی ۱۹۱۹ -جو ایل ۳۰ ایوندا اینگیلیسنین اویتئم شهرینین یاخینلیغینداکی تیرلینق-پلئیسده وفات ائتمیش و اورادا دفن اوْلونموشدور.
This article uses material from the Wikipedia تۆرکجه article جان استرات, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.