چاندرا موْهان راجنیش اوْشو - ۱۱ دسامبر ۱۹۳۱ - ۱۹ ژانویه ۱۹۹۰.
اوشو | |
---|---|
آد | اوْشو |
دوْغوم تاریخ | ۱۱ دسامبر ۱۹۳۱ هیندوستان |
اؤلوم تاریخ | ۱۹ ژانویه ۱۹۹۰ هیندوستان |
آیری آدلار | چاندرا موْهان راجنیش٬ باقوان شِری راجنیش |
تحصیل | فلسفه |
اوْشو ۱۹۳۱-جی ایلین ۱۱ دسامبریندا هیندوستانین مادهیا پرادِش اوستانیندهکی کۇچوادا کندینده آنادان اوْلموشدور. اۇشاقلیق ایللریندن عیبارتاً٬ باشقالاری طرفیندن وئریلن معلوماتلار و اینانجیلاری الده ائتمکدنسه٬ حقیقتی اؤزو آختارماق قرارینا گلمیشدیر. ۲۱ یاشیندا بیلیم یۇرد تحصیلینی تاماملاییب جلالپور بیلیم یۇردوندا اۇزون ایللر فلسفه درسی دئدی.
عئینی زاماندا دا بۆتون هیندوستانی گزیب دانیشمالار ائتدی٬ ایجتیماعی بحثلرده مۆحافیظهکار دینی لیبِرلره مئیدان اوْخودو٬ سۆنّتی اینانجیلاری سوْرغولادی و حیاتین بۆتون صحنهلرینده اینسانلارلا بیر آرایا گلدی. اوْ٬ اؤزونو گرچک بیر واراوْلوشچو اوْلاراق آدلاندیرمیشدیر. اینانج سیستِملرینی و مۆعاصیر اینسان پسیکولوژیاسینی آنلاماق اۆچون اۆفۆقونو گئنیشلندیره بیلهجک تاپا بیلدیگی هر شئیی اوْخودو.
۱۹۶۰-جی ایللرین سوْنو اوْشو آرتیق اؤز دینامیک مِدیتئیشِنینی تکمیللشدیرمگه باشلامیشدی. مِدیتئیشنین اوْ راحات دۆشونجهلرسیز کشف ائده بیلمگی اۇمود ائده بیلمهسی اۆچون اوّلجه کئچمیشین موْداسی کئچمیش اۆصۇللارین و گۆنوموزون مۆعاصیر حیاتین گتیردیگی سیخینتیلارین آغیرلیغی آلتیندا ازیلن اینسانین چوْخ درین بیر روحی تمیزلنمه دؤورهسیندن کئچمهسینین شرط اوْلدوغو دئمیشدیر.
۱۹۷۰-جی ایللرین اوّللرینده ایلک اوْلاراق غربلی گنجلر اوْشودان خبردار اوْلماغا باشلادیلار. ۱۹۷۴-جۆ ایلده هیندوستانین پۇنه شهرینین اطرافیندا بیر «توْپلوم» قۇرولدو. باشلانغیجدا غربدن گلن تک-تۆک گنجلر گئتدیکجه چوْخالدی. اوْشو اینسان شۆعورونون قاباقلاماسینین بۆتون ایستیقامتلری حاقّیندا مۆحاضیرهلر دئدی. مۆعاصیر اینسانین روحی آختاریشلاری اۆچون واجیب اوْلان شئیلرین اساسینی فیکری آنلاییش ایچینده دئییل٬ شخصی واراوْلوش تجرۆبهسی ایله سۆزدو.
«من تمامی ایله یئپ-یئنی مذهبی شۆعورونون باشلانغیجییام»٬ «منی کئچمیشله ایلگیلندیرمهیین اوْنو خاطیرلاماغا حتّی دَیمز» دئمیش. یاخین اؤیرنجیلرینه و دۆنیانین هر یئریندهکی ایزلهیَنلرینه ائدیگی مۆحاضیرهلر ۳۰-دان چۆخ دیله ترجۆمه اوْلونوب٬ ۶۰۰-دن چوْخ کیتاب شکلینده یاییملانیبدیر.
آذربایجان جومهوریتی تۆرکجهسی ویکیپدیاسینین ایشلدنلری طرفیندن یارانمیش«Oşo (Çandra Mohan Racniş)»، مقالهسیندن گؤتورولوبدور. ( تاریخینده یوْخلانیلیبدیر).
This article uses material from the Wikipedia تۆرکجه article اوشو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.