التصاقی دیللر
التصاقی دیل‌لرده فعل مۆختلیف اک‌لرین آرتیریلماسی ایله صرف اولونور و فعل کؤکو ثابت دیر، ائله التصاقی آدی دا بو اوزدن بو گروه دیل‌لره وئریلیبدیر.
دیلچی عالیم‌لر ، دونیا دیل‌لرینی آراشدیرماق اۆچون اونلاری موختلیف شیوه‌لر و معیارلارلا آیری – آیری گروه‌لاردا یئرلشدیریرلر. دیل‌لرین نحو و قورولوش مبناسینا اساسلاناراق دونیا دیللری 1 – هئجایی 2 – تصریفی 3 – قالبی 4 – التصاقی بؤلوملره آیریلر.
اوزاق شرق دیللری اوجومله دن چینجه بیرینجی گروهون ان تانینمیش تمثیلچی‌سی دیر.
فارسجا و آوروپا دیللری ایسه تصریفی دیللر سیراسینا داخیل‌دیر.
عربجه ، عبرجه و سامی گروهونون باشقا دیللری ده قالبی دیل کیمی تانینیرلار.
تورکجه میز ایسه، اورال – آلتای دیللری گروهونا داخیل باشقا قوهوملاری ایله بیرلیکده التصاقی دیللری سیراسینا داخیل ائدیلیر.
چاغداش التصاقی دیل‌لرده فعل‌لر چوخ غنی‌دیر، فعل سیستئمی ایسه گوجلو و اولدوقجا انکشاف تاپمیشدیر. سس‌لرین اویوشما قانونو عموما رعایت اولونور، جنس و تعریف حرفی یوخدور. اضافی حرف‌لر کلمه‌نین سونونا آرتیریلیر، صفت ایسه آددان قاباق گلیر. بو دیل‌لرده استثنا چوخ آز گؤزه گلیر و گرامئر قانولاری گئنیش قیاسدا صادق‌دیر. فعل سیستئمی گوجلولوگو، فعل‌لرین غنی اولماسی (تورکجه ده 24000 مصدر واردیر) و گرامئرده استثنالارین اولدوقجا آزلیغی بو دیل‌لرین چوخ قدیم بیر تاریخه مالیک اولدوغونو گؤستریر.
قایناق‌لار
This article uses material from the Wikipedia تۆرکجه article التصاقی دیللر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.