اسماعیل حیدری
اسماعیل حیدری مراغه‌ای (دوْغوم: ۱۳۲۸ ماراغا - اؤلوم: ۲۳ دسامبر ۲۰۱۷ (۶۸ یاش) - کرج) آذربایجانلی استنداپ کوْمدین دیر.
اوْنون ایجرالاری‌نین چوْخو آذربایجان تۆرکجه‌سینده دیر. ۱۳۹۶ ایلینده قند نوْخوشلوغونا گؤره دۆنیادان گئتدی.
| اسماعیل حیدری | |
|---|---|
| آد | اسماعیل حیدری |
| قیسا بیلگی | کوْمدین |
| دوْغوم تاریخ | ۱۳۲۸-(۱۹۴۹) ماراغا |
| اؤلوم تاریخ | ۲ دی ۱۳۹۶ ۲۳ دسامبر ۲۰۱۷ (۶۸ یاش) کرج |
| اؤلوم سببی | قند نوْخوشلوغو |
| میللیت |  ایران |
مراغانین خواجه نصیر اوخولوندا درس اوخوماغا باشلایان اسماعیل حیدری، دوققوزونجو کیلاس دا، سئوگی و عشق ماجرالارینا گؤره درسی بوراخیب ارتشه گیردی. آناسینین ریضایتی اولمادیغی اۆچون ده ارتش دن چیخیب، یول ایداره‌سینده ایستیخدام اولدو.[قایناق گؤسترین] آتمیش و یئتمیشینجی ایللرده، ائولرده اولان قوناقلیق‌لارا دعوت اولوب واونون کاست ناوارلاری و ویدئولاری میلت آراسیندا الدن اله اولوب.
هوشو و ژیلی، مشهد، باغ وحش، قوسما داواسی، اوتو میخون دیبینده، اینه‌نن خال دؤومک، دور بزن، نائب، کاسیب و دؤلتلی‌نین یاس تؤره‌نی، کارمند شعری و باشقا ایفالار، اوستادین ان سئویملی ایفالاریندا اولدولار. بو آرادا "مشهد خاطیره‌سی" هر ایفادان چوخ میلت آراسیندا یئر آلدی. کند و کندلی لرین مشهده گئتمک ماجرالارینا طنز قاتیب و سرگیله‌ین اسماعیل حیدری، آرتیق تبریز دئییل، بوتون آذربایجان دا تانیندی.
۱۳۹۴ جی ایل ده اسماعیل حیدرینین اؤلوم خبری مدیالاردا یاییلدی و آرتیق بیر ویدئو دانیشیقیندا بو خبرین یالان اولدوغونو سؤیله دی آنجاق خسته‌لیگینین شیددتلی اولدوغوندا بیلدیردی. او تاریخدن بو یانا اوستادین قند خسته‌لیگی نَدنی ایله، ایفالاری آزالیب، کامرا اؤنونه چیخیش ائتمه‌دی. قند خسته‌لیگی نَدنی‌نه گؤره ایکی آیاغین دا کَسمگه مجبور قالدی و آرتیق ۱۳۹۶ جی ایلین دی آیینین ایکی سینده دونیانی ترک ائتدی.
قایناقلار
This article uses material from the Wikipedia تۆرکجه article اسماعیل حیدری, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.