باکتریلرین فعالیّتینه مانع اوْلان ماده «آنتیبیوتیک» آدلانیر.
«آنتیبیوتیک» – یونان سوزو اوْلوب معناسی: آنتی- «قارشی»، بیوس ایسه «حیات» دئمکدیر. آنتیبیوتیکلر آشکار ائدیلنه قدر عفونت نوخوشلوقلر میلیونلارلا اینسانین اؤلومونون اساس سببی ایدی. ایلک آنتیبیوتیک اوْلان پنیسیلین ۱۹۲۹-جو ایلده ایسکاتلندلی باکتریولوق آلکساندر فلمینق طرفیندن کشف ائدیلمیشدیر. بۇ، ۲۰. یوز ایل ایل ان بؤیوک کشفی، طیبده ایسه حقیقی بیر اینقیلابا سبب اوْلدو. آنتیبیوتیکلر ایکی جور ائتکی و تاثیر گؤستره بیلر: اوْنلار یا باکتری لرین آرتماسینی دایاندیریر (باکتریوستاتیک آنتیبیوتیکلر)، یا دا باکتری لری بیرباشا اؤلدورور (باکتریسید آنتیبیوتیکلر). آنتیبیوتیکلر باکتری لر طرفیندن تؤردیلن بیر چوْخ نوخوشلوقلرین مۆالیجهسینده ایستیفاده اوْلونور. بۇ نوخوشلوقلرین آراسیندا حیات اۆچون تهلوکهلی عفونتلار (مثلاً، مننژیت) و حتی عادی مسئله ساییلان سیزاناق دا وار. آنتیبیوتیکلر ویروسلار طرفیندن تؤردیلن نوخوشلوقلارا ایستیفاده اوْلونمور، چونکی آنتیبیوتیکلر ویروسلارا ائتکی گؤسترمیر. باکتری هر هانسی بیر آنتیبیوتیکین ائتکییندن قورونما قابیلیتینی اینکیشاف ائتدیریرسه، دئمهلی، اوْ، آنتیبیوتیکلره داواملیلیق الده ائدیب. یعنی همین آنتیبیوتیک آرتیق بۇ باکتریا ائتکی گؤسترمیر. ایللر عرضینده بیر چوْخ نوخوشلوقلر تؤرهدن باکتریانین مۆختلیف آنتیبیوتیکلره داواملی اوْلماسی آنتیبیوتیکلرین حَددیندن چوْخ و یا غئیری-دوزگون ایستیفادهسینین نتیجهسیدیر. آنتیبیوتیکلره داواملیلیغین یارانماسی چوْخ ناراحات ائدیجی حالدیر، چونکی مؤوجود اوْلان بیر چوْخ آنتیبیوتیکلر آرتیق باکتریلر ائتکی گؤسترمیر. بئلهلیکله ده باکترییا منشألی نوخوشلوقلرین مۆالیجهسی چَتینلشیر. حاضیردا دۆنیادا تخمیناً ۲۰۰ نؤع آنتیبیوتیک حاضیرلانمیشدیر.
This article uses material from the Wikipedia تۆرکجه article آنتیبیوتیک, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.