فیلم، ۱۹۴۵ آرشین مال آلان

فیلم باکی کینو استودیوسوندا ایستحصال ائدیلمیشدیر. فیلمده اساس رول‌لاری رشید بهبودوو، لیلا بدیربیلی، علی اکبر‌ حسین‌زاده، اسماعیل افندی‌یئو، منور کلنترلی، لطفعلی  عبدالله‌یئو، فاطما مهرعلی‌یئوا و رحیله مصطفی‌یئوا ایفا ائدیرلر. بو فیلم آذربایجان جومهوریتی‌نین ناظیرلر کابینه‌سی‌نین 7 مه 2019-جو ایل تاریخلی، 211 نؤمره لی قراری ایله آذربایجان جومهوریتینده دؤولت واریداتی اعلان ائدیلن فیلم‌لرین سییاهیسینا داخیل ائدیلمیشدیر.

آرشین مال آلان
یؤنتمن	رضا تهماسیب
یازار	اؤزئییر حاجی بیگوف
اوْیونچولار	رشید بهبودوو، لیلا بدیربیلی، علی اکبر‌ حسین‌زاده، اسماعیل افندی‌یئو، منور کلنترلی، لطفعلی عبدالله‌یئو، فاطما مهرعلی‌یئوا و رحیله مصطفی‌یئوا
گؤرونتو یؤنتمنی	علی‌ستار آتاکیشی یئو ، مختار داداشوو
داغیتیجی	باکی کینو استودیو
یاییلما تاریخی	اوکتوبر 1 1945
اؤلکه	شوروی , آذربایجان
دیل	آذربایجان تورکجه‌سی

 باکی، 20. عصرین اوّلی. گنج تاجیر عسگر(رشید بهبودوو) ائولنمک فیکرینه دوشور. لاکین دؤورون قایدالاریندان فرقلی اولاراق او، قیزی تویدان اؤنجه گؤروب سونرا ائولنمک ایسته‌ییر. بس نه ائتمه‌لی؟ بو مسله‌نین حلّینده دوستو سلیمان(اسماعیل افندی‌یئو) اونون کؤمگینه گلیر...

• فیلم کینو استودیوسونون 1941-جی ایل پلانینا سالینسا دا، بؤیوک وطن ساواشی‌نین باشلانماسی ایله چکیلیشی تاخیره سالینیر.
• موسیقیلی فیلم آذربایجان بسته‌کاری اوزئییر حاجی‌بیگووون عئینی‌ آدلی اوپراسی اساسیندا اکرانلاشدیریلمیشدیر.
• تکجه 1945-جی ایلده بو فیلمه (اکرانا بوراخیلدیقدان سونرا) 16،27 میلیون تاماشاچی باخمیشدیر. 8-جی یئری توتماقلا پروکات لیدری اولموشدور. ( " دوْماشنایا سینماتیکا "  بدیعی فیلم‌لری نین کاتالوقو. موسکو، 1966).
• روسیه کینوسونون 100 ایل‌لیگی موناسیبتیله آپاریلان سوسیولوژی تدقیقات‌لار نتیجه‌سینده شوروی کینوسونون اینکیشافینا اهمیتلی تاثیر گؤسترمیش شوروی فیلم‌لری‌نین و شوروی اکرانیندا اوزون ایل‌لر نوماییش ائتدیریلمیش خاریجی اؤلکه فیلم لری نین آراسیندان  " 100 سئویملی فیلم "  سئچیلمیشدیر. همین فیلم لر اوچ حیصه یه-قیزیل، گوموش و بورونج سیاهی‌لارا آیریلمیشدیر. 1945-جی ایلده ایستحصال اولونموش  " آرشین مال آلان "  کینوکومدی‌سی مشهور کینو موتخصیص‌لری نین یئکدیل رأیی ایله  " قیزیل سیاهی "یا داخیل ائدیلمیشدیر.
• فیلم شوروی دؤورونده 136 اؤلکه ده نوماییش ائتدیریلمیش، 86 دیله ترجومه ائدیلمیشدیر.
• مدنیت و توریزم ناظیرلیگی بین الخالق بانکین مالیه دستگیله  " آرشین مال آلان "  فیلمی نین موسکو فیلم فوندونداکی نوسخه‌سی نین اؤلکه‌میزه گتیریله‌رک، آذربایجان دیلینده یئنیدن برپا اولونماسینی تشکیل ائدیب. 16 مای 2006-جی ایلده فیلم 60 ایل‌لیگینده ایلک دفعه نوماییش ائتدیریلیب.
• فیلم 2013-جو ایلده حیدر علی‌یئو فوندونون تشبوثو، آتا هولدینگین دستگی و  " Peachline "  شیرکتی نین تشکیلاتچی‌لیغی ایله برپا اولونوب و رنگله‌نیب.
• برپا ائدیلمیش و رنگلنمیش  " آرشین مال آلان "  فیلمی 19 سپتامبر 2015-جی ایلده هالیوود نوماییش اولونوب. فیلمین نوماییشی اوزئییر حاجی بیگلی‌نین آنادان اولماسی‌نین 130، رشید بهبودووون 100،  " آرشین مال آلان "  فیلمی‌نین ایسه 70 ایل‌لیگینه حصر اولونوب. فیلمی 650 نفره یاخین تاماشاچی ایزله‌ییب. آذربایجانین لوس آنجلس‌ده کی  باش کونسول‌لوغونون تشکیلاتچی‌لیغی ایله  " آرشین مال آلان "  فیلمی هالیوودون مشهور  " “Ricardo Montalban "  کینوتئاتریندا نوماییش اولونوب. 
• 2018-جی ایلین مارسیندا  فیلم  " خاریجی اؤلکه‌لرین فیلم‌لری "  هفته‌سی چرچیوه‌‌سینده پاریسین  " بالزاک "  (Le Balzac) کینوتئاتریندا نوماییش اولونوب.

 1946-جی ایلده بسته‌کار اوزئییر حاجی‌بیگوو (اؤلوموندن سونرا)، یؤنتمن رضا تهماسیبه، آکتریسا لیلا بدیربیلی‌یه، آکتریسا منور کلنترلی‌یه، آکتیور رشید بهبودووا، آکتیور لطفعلی  عبدالله‌یئوه و آکتیور علی اکبر حسین‌زاده یه شووری دؤولت موکافاتی وئریلمیشدیر.

• اثرین مؤلیفی: اوزئییر حاجی‌بیگوو
• سناریو مؤلیفی: ثابت رحمان
• یؤنتمن: رضا تهماسیب، نیکولای لششنکو
• اوپراتور: علی‌ستار آتاکیشی‌یئو، مختار داداشوو
• رسام: یوری اشوِتس
• بسته‌کار: اوزئییر حاجی‌بیگوو

•  رشید بهبودوو — عسگر  
•  لیلا بدیربیلی (لیلا جاوانشیرووا کیمی) — گولچؤهره
•  علی اکبر  حسین‌زاده — سولطان بیگ
•  اسماعیل افندی‌یئو — سلیمان
•  منور کلنترلی — جاهان خالا
•  لطفعلی  عبدالله‌یئو — ولی  
•  فاطما مهرعلی‌یئوا — تئللی
•  رحیله مصطفی‌یئوا — آسیا
•  میرزآغا علی یئو — مشدی عباد

"آرشین مال آلان" فیلمی (1945)

آرشین مال آلان (فیلم، 1917)