آبای آدی ایله تانینان ایبراهیم قونانبای اوغلو (قازاق تورکجهسی: Абай Құнанбайұлы ـ 1907-1845) - قازاخ شاعیری، یازیچیسی، فیلسوف، موعاصیر قازاخ یازیلی ادبیاتینین بانیسی، معاریفچی لیبرال ایسلامین اساسیندا قازاخ مدنیتی نین روس و آوروپا مدنیتلری ایله یاخینلاشماسی طرفداری.
اصل آدي ابراهيم اولوب. آما آناسي نين اونا وئرديگي " آباي " (ديقّتلي، ائحتياطلي) لقبي عؤمرو بويو اونون آدي کيمي ايشلنميشدير و او بوتون دونيادا بو آدلا تانينميشدير.
آباي قونانباي اوغلو 1845-جي ايلده سئميپالاتينسکي ويلايتينده، آغاسولطان عاييله سينده آنادان اولموشدور. ايلک تحصيليني موللاخانادا آلميش، سونرا روس مکتبينده داوام ائتديرميشدير. آتاسي اونو دؤولت اورقانلاريندا ايشه دوزلتمک ايسته ميشدير، آما قونانباي اوغلونون يولو باشقا ايدي. او قازاخ ادبياتي نين بانيلريندن بيريدير. همچنین روس و قازاخ ديللرينه ترجومه لري ايله ياددا قالميشدير. ياراديجيليغيني موختليف قايناقلارا اساسلاناراق فورمالاشديرميشدير:
1.شرق ادبياتي، او جومله دن آذربايجان ادبياتي
3. .قازاخيستان شيفاهي خالق ادبياتي.
موعاصيرلري " عقلييه " اثريني اونون ياراديجيليغي نين زيروه سي حساب ائديرلر. يازيچي بو اثري جاوانلارا عونوانلاميشدير. او بورادا موقاييسه لر آپاراراق دؤورون چاتيشمامازليقلاريني گؤسترمه يه چاليشميشدير. آباي بو اثرينده خالقا موراجيعت ائده رک: " ائي منيم خالقيم، بو قدر طبيعي ثروتيميز اولدوغو حالدا نييه يئنه بئله يوخسوللوق ايچينده ياشاييريق؟ خاريجي وارليلار آز دا اولسا دؤولتين اينکيشافي، خالقين گوزاراني نين ياخشيلاشماسي اۆچون نه ايسه ائديرلر، بيزيم قازاخ بيلري ايسه ايکي شئيي باجارير: چوخلو ات يئمگي و چوخلو آرواد آلماغي " - دئيير. " عقليييه " اثرينده روس و تاتار خالقلاري ايله قازاخ خالقي موقاييسه اولونور و يازيچي خالقي نين وضعيتينه آجييير. همچنین اونون روسييايا غئيري-عادي رغبتي ده دويولور. باخماياراق کي، اون دوققوز نجو عصرده روسييا قازاخيستاني ايشغال ائتميشدير. او دوشونور کي، روسييا قانونلارييلا قازاخيستان اينکيشاف ائدير. آما عؤمرونون آهيل چاغلاريندا او روسييانين ايشغالچيليق سيياستيني آنلايير. بونونلا بئله آباي خالقين معاريفلنمه سينده بؤيوک رول اوينايان روس ضياليلارييلا، خالقين قانيني ايچن روس مأمورلاريني عئينيلشديرمير. آباي قونانباي اوغلونون ياراديجيليغي ييرميينجي عصرده خوصوصيله تدقيق ائديلميش، موختليف سندلره اساسن اونون شخصيتي آراشديريلميشدير.
اؤلونجه، يئريم قارا يئر، نملي اولماز مي؟ | کسکين ديل، بير اوتانقاج قيز اولماز مي؟ |
محبت دوشمانليقلا ساواشير، | حئيرت، منيم اورگيم بوز اولماز مي؟ |
چاره سيز قدر، بير گون سيرا گلمز مي؟ | بيرينه اويغون، بيرينه تئز اولماز مي؟ |
ياباني اورك، آياغيني اگري باسان، | يئريني بولورسا گئريده کينه سؤز اولماز مي؟ |
کیمسهلر ایله باغلی بۇ مقاله بیر قارالامادیر. مقالهنی دییشدیرهرک ویکیپدیایا کؤمک ائدین. |
This article uses material from the Wikipedia تۆرکجه article آبای قونانبای اوغلو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.