Novak Cokoviç

Novak Cokoviç — 2008 Avstraliya Açıq çempionu Serb tennisçi; 2007 Amerika Açıq finalisçısı; 2007 və 2008 Roland Garros (Fransa Açıq) və 2007, 2010 Uimbldon yarım finalçısı, dünyanın Rafael Nadal və Roger Federerdən sonra 3 nömrəli tennisçisi. Böyük Dəbilqə serialı tennis turniri qazanan ilk serb tennisçi. 2008-ci il Indian Vells çempionu. 2007-ci ildə Federeri məğlub edə bilən bir neçə tennisçidən biri. 2007 ili onun üçün bir yüksəliş ili saymaq olar. 2007-də ən böyük uğurunu Amerika Açıq Tennis turnirindəki ikinciliyi olmuşdur. Bu uğurdan əlavə 2007-ci ildə Roland Garros və Uimbldon turnirinlərində yarım final oynamağı isə onun nə qədər qabiliyyətli bir tennisçi olduğunu göstərməkdədir. 2008-ci ildə Avstraliya Açıq Tennis Turnirini Co-Vilfred Tsonqanı 4 setə məğlub edərək qazanmışdır (bu turnirdə bir set məğlub olmuşdur). Bu çempionluqla tarixdə Böyük Dəbilqə serialı tennis turniri qazanan ilk serb tennisçi olmuşdur. Bundan sonra Indıan Vells turnirini Serb Ana İvanoviç ilə qazanmışdır. 2008-ci ildə Roland Garros yarım finalında Rafael Nadala və Uimbldon 2-ci dövründə Marat Safinə 3-0 məğlub olmuşdur. Lakin 2008 Yay Olimpiadalarında Ceyms Bleyki sərt kortda 2-0 məğlub edib sərt kortda nə qədər güclü olduğunu göstərmiş və bronz medalı qazanmışdır. Novak Cokoviç 2009-cu ilə Brisbeyn turnirində, 1-ci dövrdə Ernests Qulbis məğlubiyyətiylə başlamışdır. Sonra qatıldığı Sidney turnirində yarım finala qədər yüksəlmiş lakin bu dövrdə də Nieminenə məğlub olmuşdur. 2009 Avstraliya Açıq turnirində isə dörddəbir finala qədər sadəcə 2 set məğlub olaraq gəlmişdir. Lakin dörddəbir finalda Endi Roddik ilə etdiyi matçda keçirdiyi zədə səbəbi ilə setlərdə 2-1 geridəykən matçdan çəkilmişdir. 2010-cu ilin ilk Böyük Dəbilqə serialı tennis turniri olan Avstraliya Açıqda 1/4 finalda Tsonqaya 5 setdə məğlub olaraq turnirdən kənarlaşmışdır. İlin 2-ci Böyük Dəbilqə serialı tennis turnirində də 1/4 finalda məğlub oldu. Yurqen Melzer 5 setdə matçı qazanmağı bacarmışdı. 2 həftə sonra Uimbldon turnirində isə yarım finalda Tomas Berdiçə məğlub olmuşdur. İlin son Böyük Dəbilqə serialı tennis turnirində isə finala çıxmağı bacardı, lakin finalda Rafael Nadala 4 setdə məğlub oldu. Novak Cokoviçin 2010-cu ildə əldə etdiyi ən böyük uğur Serbiya ilə Devis Kubokunda çempionluğudur. Cokoviçli Serbiya finalda Qael Monfilsli Fransanı məğlub edərək çempionluğu əldə etmişdir.

Cokoviç 2022-ci il mövsümünə ATP Kubokunda iştirak etməklə başlamağa hazırlaşırdı, lakin yarışı tərk etdi. Cokoviç yanvarın 5-də Melburna getdi, lakin Avstraliya Sərhəd Qüvvələri onun peyvənd olunmamış səyahətçi üçün giriş tələblərinə cavab vermədiyini müəyyən etdikdən sonra onu saxladı. Onun vizası ləğv edildi və o, bir neçə gün immiqrasiya təcridxanasında saxlanılaraq məhkəmə iclasını gözləyirdi.