न्यूमोनिया या निमोनिया फेफडा कय सूजन कय कहत हँय जवन छोट हवा कय थइलि अल्भ्योलाई(Alveoli) कय असर करत हय ।यकरे लक्षन मा कफ या खेखार आईब , खोंखि आइब , सीना पिराब,बोखार आइब औ साँस फूलब होय । यकर गंभिरता ढेर मेर कय होइ सकत हय ।
निमोनिया | |
---|---|
A chest X-ray showing a very prominent wedge-shaped bacterial pneumonia in the right lung. | |
वर्गीकरण औ बहरे कय लिंक | |
विभाग | श्वसन चिकित्सा[*], infectious diseases[*] |
आइसिडी-१० | J12, J13, J14, J15,J16, J17, J18, P23 |
आइसिडी-९ सिएम | 480-486, 770.0 |
डिजिज-डिबी | 10166 |
मेडलाइन प्लस | 000145 |
इ-मेडिसिन | topic list |
प्यासेन्ट युके | न्यूमोनिया |
एमई-एसएच | खाँचा:Mesh2 |
लक्षन औ फिराव | |
---|---|
लक्षन | फिराव |
खोंखि | ७९–९१% |
थकान | ९०% |
बोखार | ७१–७५% |
साँस फुलब | ६७–७५% |
खेंखार | ६०–६५% |
सीना म पीरा | ३९–४९% |
न्यूमोनिया लागल मनईन मा कफ सहित कय खोंखी ,बोखार कय साथ मा जूडि औ कपकपी ,साँस फूलब , सीना मा चोंखलार पीरा,अव हाली हाली साँस लेब होय । बूढ लोगन मा घडबडाहट औ भ्रम भि होइ सकत हय ।बोखार निमोनिया कय पहिचान करय वाला लक्षन नाइ होय बोखा अउर रोगन मा भि होइ सकत हय औ बूढ मनइ ,कुपोषण औ रोग से बचैक क्षमता कम रहय वाले लोगन मा बोखार मौजुद नाइ रहि सकत हय । ५ साल से छोट लरिकन मा खोंखि ,बोखार औ हाली हाली साँस लेवैक लक्षन रहत हय । २ महिना से छोट लरिकन मा खोंखि नाइ रहत हय । छोट लरिकन कय गम्भिर लक्षन मा चमडा कय रङ्ङ निलहा होइ जाब , मिर्गी जइसन दौरा आइब ,खाब पिएब बन्द कइ देब ,बिहोस होइ जाब ,उल्टी करब औ बहुत तेज़ बोखार आइब होय ।स्ट्रेप्टोकोकस नाँव कय किटाणु से होय वाला निमोनिया मा मूर्चा रङ कय खेंखार आवत हय औ क्लिब्जेला नाँव कय किटाणु से होय वाला निमोनिया मा लाल रङ्ङ कय खेंखार आवत हय ।
न्यूमोनिया एक्ठु संक्रमण होय जवन ढेर कइकय भाइरस या बैक्टेरिया से होत हय । इ दुसर किटाणुन से भि होइ सकत हय जइसय फफुंद से या कवनो दवाई से भि इ लागि सकत हय । इ रोग कय जोखिम मा सिस्टिक फाइब्रोसिस , सीओपीडी (क्रोनिक ऑब्सट्रक्टिव पल्मोनरी डिजीज),दमा,डायबटिज़ ,हार्ट फेलिएर कय मरिज़,सिगरेट बिंडि पिय वाले लोग ,बँढिया से खोंखि ना पावै वाले लोग जइसय स्ट्रोक कय मरिज रहत हँय । इ रोग कय पता एकरे लक्षन औ देहि कँय जाँच से लागत हय । खून कय जाँच,सीना कय एक्सरे,खेँखार कय जाँच डायगनोसिस कय पूख्ता करत हय । न्यूमोनिया दुइ मेर कय होत हय एक्ठू समाज मा लागल औ दुसर अस्पताल मा लागल न्यूमोनिया ।
कुछ मेर कय न्यूमोनिया से बचैक भैक्सिन हय ।इन्फ्लुएन्ज़ा भैक्सिन इन्फ्लुएन्ज़ा से होवै वाला निमोनिया से बचावत हय । यसे बचैक दुसर उपाय हाथ धोइब औ सिगरेट बिडि ना पिएब होय । यकर निदान न्यूमोनिया कवनो कारण से भवा हय ओहपे निर्भर रहत हय ।बैक्टेरिया से होय वाले निमोनिया मा एंटिबायटिक दइ जात हय । अगर न्यूमोनिया ढेर गंभिर हय तव बेरमिहा कय अस्पताले भर्ना करब जरूरी हय औ ओन्है आक्सिजन कय जरुरत परि सकत हय ।
This article uses material from the Wikipedia अवधी article न्यूमोनिया, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 के अधीन है जब तक अलग से उल्लेख ना किया गया हो। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki अवधी (DUHOCTRUNGQUOC.VN) is an independent company and has no affiliation with Wiki Foundation.