इनफ़्लुएंज़ा

इनफ़्लुएंज़ा जवने कय फ्लू भि कहत हँय एक्ठु संक्रमण होय जवन इनफ़्लुएंज़ा भाइरस से होत हय । यकर लक्षन कम से एकदम गम्भिर होइ सकत हय । सबसे आम लक्षन मा बोखार , नकूना बहब , गटइ खसखसाब औ कुछ खाय पिए मा परेसानी होब , गाँठि औ मांसपेसिन मा पीरा , मूड पिराब ,खोंखि औ आलस लागब होय । मनइन कय देहि मा भाइरस हलेक बाद २ से ७ दिन मा यकर लक्षन देखायक सुरु होत हय । खोंखि एक हप्ता से ढेर रहि सकत हय ॥ छोट लरिकन मा पेट झरब , उल्टि आय सकत हय लेकिन बडवारन मा इ लक्षन नाइ रहत हय । यकरे नाते निमोनिया ,दुसर बैक्टेरिया कय संक्रमणा औ साइनस मा संक्रमण होइ सकत हय ।