अमेरिकी डॉलर संयुक्त राज्य अमेरिका कै राष्ट्रीय मुद्रा होय। एक डॉलर मा सौ सेंट होत हैं। पचास सेंट के सिक्का का आधा डॉलर कहा जात है। पचीस सेंट के सिक्का का क्वार्टर कहत हैं। दस सेंट कै सिक्का डाइम कहा जात है औ पाँच सेंट के सिक्का का निकॅल कहा जात है। एक सेंट का पैनी के नांव से बोलावा जात हय । डॉलर कै नोट १,५,१०,२०,५० औ १०० डॉलर मा मिलत है।
१८ वीं शताब्दी के समय स्पेन के उपनिवेशन म "स्पेनी डॉलर" नांव कै मुद्रा क चलन मा रही और वह्य दौरान ई मुद्रा अमेरिकव म वित्त औ वाणिज्य कै रीढ़ रही। "स्पेनी डॉलर" के कारन ही बाद म अमेरिका कै राष्ट्रीय मुद्रा कै नांव डॉलर परा। सन १७७५ कै अमेरिकी क्रान्ति के समय तौ "स्पेनी मुद्रा" कै सिक्कन कै महत्त्व अउर बढ़ि गवा अव क्रांतिकारियन कै मांग रही की हर उपनिवेश कै आपन मुद्रा होय जेहसे कॉनटिनेंटल कांग्रेस कै भी समर्थन मिलै। डॉलर संबद्ध वइसे तौ अमेरिकी क्रान्ति के २०० साल पहिले से अंग्रेजी भाषा म मुहजबानी चलन म रहा जेहका शेक्सपियर के कइव नाटक में उल्लेख रहा। तेरह उपनिवेशों म "स्पेनी डॉलर" चलन म रहा, जौन बाद म संयुक्त राज्य अमेरिका बना। वर्जिनिया म भी "स्पेनी डॉलर" का कानूनी निविदा के रूप मा मानता मिली रही।
संयुक्त राज्य अमेरिका कै सुरुआती दिनन म, "डॉलर" ऊ सिक्का समझा जात रहा जेहका स्पेन ढाले रहत रहा औ एहका "स्पेनी मिल्ड डॉलर" बोलावा जात रहा। यै सिक्कय वह्य समय देश म मानक मुद्रा के रूप म उपयोग म रहे। २ अप्रैल १७९२ का, अलेक्जेंडर हैमिल्टन, जौन वह्य समय राजकोष सचिव रहें, वंय चांदी कै "स्पेनी मिल्ड डॉलर" के सिक्कन म (जौन वह्य समय चलन म रहे) वैज्ञानिक ढंग से राशि तय कइके राष्ट्रीय कांग्रेस के सामने एक प्रतिवेदन प्रस्तुत किहिस। एह प्रतिवेदन के परिणाम भवा कि, डॉलर परिभाषित कीन गा जेहका नाप कै इकाई माना गवा जेहकै दाम सुद्ध चांदी कै ३७१ अन्नाग्राम कै ४/१६ वां भाग या मानक चांदी ४१६ अन्नाग्राम के बराबर रहा।
डॉलर चिन्हान ($) के पाछे कै इतिहास ई हय कि अमेरिकी डॉलर का देखावै की ताईं अंग्रेज़ी कै US यानी यूनाइटेड स्टेट्स (United States) का जोरि दीन गवा जेहसे अमेरिकी मुद्रा का चीन्हा जाय सकै ।
लेनदेन दर/प्रति $ - ६४.०८६८ रुपिया (सम्प्रति १५ जून, २०१५)।
This article uses material from the Wikipedia अवधी article अमरीकी डॉलर, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 के अधीन है जब तक अलग से उल्लेख ना किया गया हो। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki अवधी (DUHOCTRUNGQUOC.VN) is an independent company and has no affiliation with Wiki Foundation.