Charles Dickens

Charles Dickens bak 1812 koe Portsmouth koe Engla kobliyir.

Charles Dickens
1812-1870
Englavaf britanaf suterotik

Vieli tir 12-daf rumeuca tiyir kalafa. Va waberga jebetesa bak kotafa kaikifa blira bam levgayar. Nope erbadanuks inafe gadikye koflintayar ; Charles va wawakluca di grupeyer ise miv vanpison dodelik koe sebekaxiaxe va eaftafi bali ke iaxekobas rumeik kosmayar. Bata bagala noveyer da in icde wawikeem is copikeem di suteyer jonte agelton da inafa nega va takra ke konak celemoy belisik tsedayad ise gretcayad. Tuke batcoba, Dickens tel losanef ugalaf berpotik va yona seltafa artazukara bak Victoriugal koe Engla gorukon turestayar. Nekev tunuyara va gadikye, in me davon ten mejeyer. Koe iaxe ware tandamon kobayar abdida ko bema rodimpiyir. Inafa gadikya en batceyer da in va viroyaks jovleyer.

Ba inaf 24-eaf ilanuk, inaf negeem ko Lordekseem ke Boz karba zo katanayad. Neva tiyir davafa kiewatca aze askiyir da va zubi ta sutelara va atedafa neva pu in piskusik di drageyer. Ton skulta bak 20 aksat Yona eluxa ke Pickwick baton kozwiyir. Bata neva tir klecafa nega ke stuveem ke opelkaf vundnizdef gijanizdef koredik is Sam Weller inaf kwik is boxo dem anamef diveavik. Kiewataca va Dickens mea di buluyur isen in koe Engla va warzaf berpot belon di sanegayar. Amerikik va inyon berpot satcon albayar. Tulon, tiyir tari viele tota vanstasa va ironakaf sanegaks komoltaweyer.

Dickens meviele ixeyer pu gadikya dana al yovayar enide in koe iaxe co zavzagiyir, azon wetce teza ke akoyadafa is greciafa gadikya koe Nicholas Nickleby berpot va inya narayar. Koe sanefa bema Charles azon bardon zo uneyer abdida va ar rundak di trasiyir, batviele wetce unenik koe mwopikaf ilput. Bata kobara tiyir argasa, acum Dickens vanpiyir ugaldusik icde Dotamaga. Tison 23-daf, al vanpiyir grupen felusik ise gan Morning Herald vielfela zo segeyer. Dickens levi seotara va bat play toz sorduyur. Bak 1833 va berpotaf teliz icde blira koe London stakseyer pu Monthly Magazine dane sanegatar ise va aryon erutur. Dickens va inafa keldaskira ekeyuyur acum yolton gu Boz bat berpotam zo sanegayad.

Radimi braf Yona eluxa ke Pickwick, vanmiae berpotafa joya kan Oliver Twist bak 1838 is Nicholas Nickleby bak 1839 Dickens linveyer. Bata reizkoraca, vegeduyuna aname fereon mivizvaf istef koredik, va lanyon krilt ke savera va tel lodacik ( satcon va rumeik ) ixam nedid. Koe Savsaciaxe bak 1840, tolon tir folvafi bali ke velikya dani va forendasa rankera va enmeayuca ke rabatamava gan sutesik nover.

Dickens va tulodaludevara va intafa seltafa is swavopafa luzdara dere kiewaskiyir. Vanmiae bat suterot, Dombey is Nazbeik sanegayan bak 1848 tir akidaf delt va bat glastikeem ke dan mo raba tufa zo kolnayar. Voxen va inaf David Copperfield suterotap sanegayan bak 1849 nelkon zo gonamir. Bata mivizvafa nega nedisa va kobas is copaf London win gan velaf iteem wan tir tel lokotgrupaf is tel lobelin berpot ke Dickens.

Inafa bruca isu agraluca pu in va sanepuca vodayad. Ayevapaf purik, va intafa kotgrupapuca meviele vanpison radjaf impavantayar. Dickens dere tiyir gadesik va wenyasistu wenyuyusu bak 1851 kadime gazik. Wori, va tozurafa waberga ke rumeuca mei ilaf zvakeem kotaf kiewatceem meviele rolumisayad. Skedapara va Ellen Ternan jotafa wenyusikya va kurenik is sintaf sanoy nazbeik gan in bak 1858 va bulura jupayar.

In verton laxuyur ise va intyon suterot skeweson beliyir, acum batcoba va inafa saluca tuacayar. Puskenon, bak 1870 koe tawaday inkewer ta belira va Bula ke Edwin Drood titis berpot. Voxe vamosinon, ba 09/06/1870 koe Gadshill awalkeyer. Va kotafa tamava bata giva ve tugabentayar. Henry Longfellow amerikaf ezlik di suteyer : « Va tanoya awalkera ke sutesik nazbasa va loa vanmanasuca meviele al wí… Kotafa patecta tir sugawalkafa. » In koe ezlikxo koe Wetsminster Ecey zo kotawayar.

Charles Dickens

Charles Dickens

 Koblira  07/02/1812,
 Portsmouth, Britana
 Awalkera  09/06/1870,
 Gadshill, Britana
 Vedeyot  Britana
 Ava  Englava
 Suterind  Berpot
  Suterot 
  • The Pickwick Papers - Yona eluxa ke Pickwick (1836)
  • Oliver Twist (1838)
  • Nicholas Nickleby (1839)
  • The Old Curiosity Shop (1841)
  • Barnaby Rudge (1841)
  • Martin Chuzzlewit (1844)
  • Dombey and Son (1848)
  • David Copperfield (1850) - David Copperfield
  • Bleak House (1853)
  • Hard Times (1854)
  • Little Dorrit (1857)
  • A Tale of Two Cities (1859)
  • Great Expectations (1861)
  • Our Mutual Friend (1865)
  • The Mystery of Edwin Drood (1870)
Charles Dickens  Tuveli icde Suteroteem  Charles Dickens

Tags:

🔥 Trending searches on Wiki Kotava:

SidlekeugalBrasilia2-e ke taneaksatTcoley (Odontophorus)Ipomdunol (Gruiformes)19-e ke balemeaksatTeresa Wilms MonttGaussier mefta is Saint-Paul waba (trutca ke Van Gogh)Werpol (Tamiasciurus douglasii)1963Ipom (Antigone)Ipomay (Aenigmatolimnas)MalaboSidopugaleemTawavopa va CostarikaTcabanera va faldol koe Franche-Comté‚ winka (trutca ke Courbet)Surbol (Madoqua saltiana)Louise LabéMedjitol (Cercopithecus hamlyni kahuziensis)ToltecaSwaxiliavaRopexo koe ropexe ke Arles (trutca ke Van Gogh)Medjitol (Cercopithecus wolfi elegans)Stukol (Pecari tajacu tajacu)Vesnol (Syconycteris australis crassa)Taelaftara lev piluda (trutca ke Munch)Álvaro de MendañaAyafa opaKudjotya ke KostyonkiVesnol (Melonycteris fardoulisi fardoulisi)1984 (suterot)53 recela ke Tōkaidō vawaSperdol (Orycteropus afer afer)Soyora (Prunus dulcis)Yalestaca dem fenkuyune kramte (trutca ke Boudin)WienTaka ke Yoan grekik (trutca ke Ingres)Surbol (Madoqua kirkii)Sperdol (Orycteropus afer matschiei)Tamavafa gadakiewega koe TcadaSespasikya (trutca ke Vermeer)Taka ke tawadayikya dem ebeltafa takaxa (2) (trutca ke Van Gogh)Vesnol (Pteropus alecto)Surnati (Aepypodius)Moskva1949SlovenskavaStephen CraneFélix VallottonMariol (Semnopithecus)KaunasTawavopaAvopaStukol (Catagonus wagneri)Gazda koe bwaxo (trutca ke Church)Rossiafa artowasikyaJean-Baptiste Camille CorotBalemeaksat1922BergamoSurbol (Raphicerus campestris capricornis)TanzaniaMwanzaGolaSeine bost is Sainte-Catherine krimpa koe Rouen bak fentugal (trutca ke Pinchon)Camille PissarroSempuz (Chordeiles)Anton Tcexov🡆 More