Perissodactyla Barlubekdunol

BARLUBEKDUNOL Perissodactyla
giltafa pulara
Bliind	Animalia
Dansok	Chordata
Volveydansok	Vertebrata
Pula	Mammalia
Volveypula	Theria
Tolvolveypula	Eutheria
veem
Perissodactyla
Owen, 1848
Tuveli icde Sulemopa

Gan Owen bak 1848 taneon zo pimtayar.

Pulara

Bat veem vas okolafa yasa isu vaeskolafa isu beicekolafa ruldar. Kotbata katca gu dira va lubekafa metolokuca ( vas tanoy ok baroy lubek ) ke radiminia zo adalad. San-peroya refa kruldesa katca vas kimi ke katceem abdion kruldeyes moe Tawava tadled.

Irubaxo

Yaseem ke bat veem koe milackafo is pokeckafo irubaxo tigir. Okolaf yasolk goviton koe werda is afrikafo ok asiafo letaxo tigid, kore koe kotrafa tamava wetce kwaf sulem ik bonol tigid ; beicekolaf katcolk isu vaeskolaf va wedafa anameda ke asiafa bwaala abdualbad voxe koe Afrika is Geefa Amerika dere tigid.

Kira

Nekev dofa altoza icde lubekeem, barlubekdunol va jontika amidaca icde giltira is lum is altokor atoed. Beicekol va olgafa alma sodir, solve kotar veemolk va drumef im keve cugak ke alto sodir, vaxe bene ault is yinaxa ke okol. Dere tid zegodaf sulem : aldo ke vaeskol tir vas 150 kg- ; telo ke beicekol dile luxeon tir vas lo toloy decitor.

Nazbalkera

Dum kot moukol, bat dunol va oc sotrumapar. Okol is beicekol sotid tawavofamaf sulem ise va tolonga ta nazbalkera anton tazukad.

Malestura

Barlubekdunoleem sotir werdtoraf ise va ruxafa sinka ke gedraf ord malestur.

Sedme Mammal Species of the World (siatos ke 2005), bat veem vas 3 yasa ruldar :

• Okol (Equidae) (Gray, 1821)
• Vaeskol (Tapiridae) (Gray, 1821)
• Beicekol (Rhinocerotidae) (Gray, 1821)

Ara vuestexa

• Barlubekdunol (Perissodactyla) dene Wikispecies

• Kotava winugaf moukolaf ravlemak (Kotava, Latinava, 2019)

Veemeem ke Mammalia (moukoleem)

Veem : Akangoldunol (Monotremata) • Tueskoldunol (Didelphimorphia) • Taruakoldunol (Paucituberculata) • Yuyapoldunol (Microbiotheria) • Tomboldunol (Notoryctemorphia) • Xusoldunol (Dasyuromorphia) • Toradjoldunol (Peramelemorphia) • Tcamoldunol (Diprotodontia) • Wedemoldunol (Afrosoricida) • Ukanoldunol (Macroscelidea) • Sperdoldunol (Tubulidentata) • Nokoldunol (Hyracoidea) • Fuzoldunol (Proboscidea) • Pogdoldunol (Sirenia) • Warkundoldunol (Cingulata) • Mindegoldunol (Pilosa) • Tenecoldunol (Scandentia) • Talakoldunol (Dermoptera) • Jidoldunol (Primates) • Sebadadunol (Rodentia) • Liboldunol (Lagomorpha) • Poegoldunol (Erinaceomorpha) • Elmoldunol (Soricomorpha) • Vesnoldunol (Chiroptera) • Vorbumoldunol (Pholidota) • Cottoradunol (Carnivora) • Barlubekdunol (Perissodactyla) • Tollubekdunol (Artiodactyla) • Megoldunol (Cetacea)      Yaseem is oxieem ke Barlubekdunol (Perissodactyla) Okol (Equidae) ⇒ Okol (Equus) | Vaeskol (Tapiridae) ⇒ Vaeskol (Tapirus) | Beicekol (Rhinocerotidae) ⇒ Beicekol (Ceratotherium) • Beicekol (Dicerorhinus) • Beicekol (Diceros) • Beicekol (Rhinoceros)