Quesu: Grupu d'alimentos sólidos derivaos de la lleche
El quesu ye un alimentu sólidu ellaboráu a partir de la lleche cuayao de vaca, cabra, oveya, búfalu, camella ya otros mamíferos.
El lleche cuáyase usando un cuayu. Les bacteries son les encargaes d'aceduficar el lleche, xugando un papel importante na definición del tastu nos más de los quesos. Dalgunos quesos tamién caltienen mofos o fungos microscópicos, tantu na superficie esterior como nel interior.
| Quesu | ||
|---|---|---|
 | ||
| Nome | Quesu | |
| Detalles | ||
| Materiales usaos | lleche | |
| Más información | ||
| Historia | historia del queso (es)  | |
| Caráuter unicode | 🧀 | |
| [editar datos en Wikidata] | ||
Hai centenares de variedaes de quesu. Los sos estremaos estilos y tastos son el resultáu del emplegu de les desemeyaes especies de bacteries y mofos, desemeyaes cantidaes de nata nel lleche, variaciones na xera de curiación, tratamientos nel procesu y según la triba de vaques, cabres, oveyes o mamíferu que s'usen, o entemezu de la lleche d'estes. Otros fautores inclúin la dieta del ganáu y l'amestadura d'axente saborguizantes como yerbes, especies o afumáu. Que'l lleche tea o non pasteurizao tamién afeuta al tastu.
Pa cuayar dalgunos quesos améstase-y vinagre al lleche o zusmiu de llimón. Sicasí, nos más de los quesos, acedufíquense per aciu de les bacteries que tresformen los zucres de la lleche n'acedu llácticu, y dempués añédese-yos el cuayu. El cuayu ye una enzima que s'obtién davezu del estómadu del ganáu llactante, pero anguaño hai sustitutos microbiolóxicos algamaos nel llaboratoriu.
La pallabra quesu remanez del llatín "caseus". Sicasí na dómina romana fízose famosu'l términu formaticum ente los lexonarios, de caseus formatus, que significa quesu moldeáu. Asina caltiénse entá en francés: "fromage", n'italianu: "formaggio" o en catalán: "formatge".
Quesos d'Asturies
Referencies
Enllaces esternos
Wiki Commons tien conteníu multimedia tocante a Quesu.
This article uses material from the Wikipedia Asturianu article Quesu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.