Microbioloxía: Estudiu d'organismos microscópicos

Esto inclúi eucariotes como los fongos y protistes, y procariotes como les bacteries y dello ocle. Los Virus, pese a nun tar estrictamente clasificaos como organismos vivos, son tamién estudiaos. Microbioloxía ye un términu ampliu que inclúi milenta rames como viroloxía, micoloxía, parasitoloxía y otres. Una persona que s'especializa nel área de microbioloxía ye nomáu microbiólogu/a.

Microbioloxía
rama de la biología (es) y disciplina académica
bioloxía y ciencias exactas (es)

Pese a que ye munchu lu conocíu nel campu la microbioloxía, los avances son daqué constante. ye probatible que sólo se tenga estudiao un 1% de tolos microbios qu'hai na Tierra. Asina, pesie al fechu de que más de trescientos años tienen yá pasáo dende'l descubrimientu los microbios, el campu la microbioloxía podría dicise que ta na so infancia comparada con otres disciplines biolóxiques como la zooloxía, la botánica y la entomoloxía.

La esistencia de microorganismos foi hipotetizada a lo llargo la Edá Media pese a nun poder ser observaos, probaos, o descritos con exactitú hasta la invención del microscopiu nel sieglu XVII. En El Canon de la Medicina (1020), Abū Alī ibn Sīnā (Avicenna) establecía que la secreción corporal ta contaminada por cuerpos terrenales foriatos enantes de ser infestaos, pero nun los consideró como causes primaries d'enfermedaes o dolencies. Cuando la peste negra o peste bubónica algamó al-Ándalus nel sieglu XIV, Ibn Khatima ya Ibn al-Khatib hipotetizaron que les enfermedaes infeccioses yeren debio a microorganismos qu'entraben nel cuerpu humanu. Les bacteries fueron observaes per primer vegada por Anton van Leeuwenhoek en 1676 col emplegu monolentes a mou de microscopiu, diseñaes por él mesmu. El nome de "bacteria" foi presentao munchu más tarde, por Ehrenberg en 1828, derivao del llinguax griegu βακτηριον que quier dicir "palu pequeñu". Dimientres van Leeuwenhoek ye davezu citao como'l primer microbiólogu, la primer observación que mos consta a nivel microbiolóxicu, proveniente de los cuerpos fructíferos de mofu, foi fecha enantes, en 1665 por Robert Hooke. El campu la bacterioloxía (posteriormente una subdisciplina la microbioloxía) ye xeneralmente considarada de tener sío fundada por Ferdinand Cohn (1828–1898), un botánicu cuyos estudios n'ocle y bacteries fotosintétiques lleváron-y a describir a esgaya bacteries incluyendo Bacillus y Beggiatoa. Cohn foi tamién el primeru en formular un esquema pa la clasificación taxonómica de les bacteries. Louis Pasteur (1822–1895) y Robert Koch (1843–1910) fueron contemporáneos de Cohn y son davezu consideraos los fundadores de la microbioloxía médica. Pasteur ye famosu penriba tóu por una serie d'esperimentos diseñaos pa refutar l'antigamente perestendía teoría de la xeneración espontánea, solidificando con ello la identidá de la microbioloxía como ciencia biolóxica. Pasteur tamién diseñó métodos pa la preservación de la comida (pasteurización) y vacunes escontra bayura enfermedaes como l'ántrax, cólera d'aves y rabia. Koch ye más conocíu poles sos contribuciones na teoría de la enfermedá del xermen, probando que enfermedaes específiques yeren causaes por microorganismos patóxénicos. Desendolcó una serie criterios que pasaron a conocese como los postulaos de Koch. Koch foi un de los primeros científicos n'algamar l'aisllamientu bacteries en cultivu puru resultando d'ehí la descripción de bayura bacteries novel incluyendo Mycobacterium tuberculosis, l'axente causativu la tuberculosis.

Magar que Pasteur y Koch son davezu consideraos los fundadores de la microbioloxía, el so trabayu nun reflexó fielmente la verdadera diversidá del mundiu microbianu debio al so esclusivu enfoque en microorganismos con relevancia médica ñidia. Nun foi fasta'l trabayu Martinus Beijerinck (1851–1931) y Sergei Winogradsky (1856–1953), los fundadores de la microbioloxía xeneral (un términu vieyu que recueye aspeutos de la fisioloxía, diversidá y ecoloxía microbianes), cuando la verdadera amplitú de la microbioloxía foi revelada. Beijerinck fizo dos contribuciones mayores a la microbioloxía: el descubrimientu los virus y el desendolcu de téuniques d'enriquecimientu cultivos. Magar que'l so trabayu nel TMV estableció los principios básicos de la viroloxía, foi'l so desenrollu nel enriquecimientu cultivos el que tuvo'l mayor impautu darréu na microbioloxía al permitir el cultivu d'un pergrande rangu microbios con perestremaes fisioloxíes. Winogradsky foi'l primeru en desendolcar el conceutu de quimiolitotrofía y d'ehí la revelación del papel cimeru xugao polos microorganismos nos procesos xeoquímicos.

El campu la microbioloxía pue dividise comúnmente en delles subdisciplines:

• Fisioloxía microbiana: L'estudiu de cómo funciona una célula microbiana bioquímicamente. inclúi l'estudiu del crecimientu microbianu, metabolismu microbianu y la estructura de las células microbianas.
• Xenética microbiana: L'estudiu de cómo s'organicen y regulen los xenes en microbios en rellación coles sos funciones celulares. Peraverada al campu la bioloxía molecular.
• Microbioloxía médica: L'estudiu del papel de los microios n'enfermedaes humanes. Inclúi l'estudiu de pathoxénesis microbiana y epidemioloxía y ta rellacionada col estudiu la patoloxía y la inmunoloxía.
• Microbioloxía veterinaria : L'estudiu del papel de los microbios en melecina veterinaria o taxonomía animal.
• Microbioloxía ambiental: L'estudiu de la función y diversidá de microbios nel so mediu natural. Inclúi l'estudiu d'ecoloxía microbiana, la mediación microbiana nel ciclu de los nutrientes, xeomicrobioloxía, diversidá microbiana y biorremediación. Caracteriza los hábitatas de clave bacteriana como rizosfera y filosfera, tierra y [ecosistema|ecosistemes]] acuíferos, océanos abiertos o ambientes estremos (estremófilos).
• Microbioloxía evolutiva: L'estudiu la evolución los microbios. Inclúi l'estudiu la sistemática y taxonomía bacterianeshe study of the evolution of microbes.
• Microbioloxía industrial: L'emplegu de microbios pal so usu en procesos industriales. Inclúyense exemplos como la fermentación industrial y el tratamientu d'agues residuales. Ta mui cercanamente lligada a la bioteunoloxía industrial. Esti campu tamién inclúi la ellaboración de la cerveza, una importante aplicación de la microbioloxía.
• Aeromicrobioloxía: L'estudiu de microorganismos aéreos.
• Microbioloxía de los alimentos: L'estudiu de microorganismos causantes del deterioru los alimentos.
• Microbioloxía farmacéutica: L'estudiu de microorganismos causantes de la contaminación y dañu farmacéuticu.
• Microbioloxía bucal: L'estudiu de microorganismos de la boca, particularmente los causantes de caries y periodontitis.

 

Dimientres los microbios son vistos davezu de forma negativa debio a la so asociación con munches enfermedaes humanes, tamién son responsables de munchos procesos beneficiosos como la fermentación industrial (i.e. la producción d'alcohol y productos d'usu diarios), producción d'antibióticos y como vehículos pa la clonación n'organismos superiores como plantes. Los científicos tamién tienen esplotao el so conocimientu sobre microbios pa la producción d'enzimes bioteunilóxicamente importantes com la Taq polimerasa, xenes marcadores pal usu n'otros sistemes xenéticos y téuniques noveles de bioloxía molecular como'l sistema de dos híbridos.

Los microorganismos son beneficiosos pa la biodegradación o la biorremediación a nivel de consumu domésticu, d'agricultura y d'industria y contaminación superficial en tierra, sedimentos y medios marinos. L'habilidá de ca microorganismu de degradar elementos tóxicos depende de la natura de ca contaminante. En bayura sitios comprenden típicamente múltiples tipos contaminantes, lo más averao a la biodegradación ye usar una meza d'especies bacterianes y colonies, ca una específica pa la biodegradación d'unu o más tipos de contaminantes.

Tamién hai delles afirmaciones no que cinca a la contribución a la salú humana y animal pol consumu de probióticos (bacteries potencialmente beneficioses pal sistema dixestivu) y/o prebióticos (sustancies consumíes pa dá-y puxu al crecimientu de microorganismos probióticos).

Estos rasgos permitieron a Joshua y Esther Lederberg a desendolcar un esperimentu elegante en 1951 demostrando que la mutación adaptativa provién de la preadaptación más que de la mutación dirixía. Por esti propósitu, inventaron lo que n'inglés ye nomáu replica plating, que-yos permitió transferir numeroses colonies bacterianes dende les sos llocalizaciones específiques una placa de petri con agar a llocalizaciones análogues en bayura plaques. Depués de replicar la placa con E. coli, espusieron ca una de les nueves plaques a un bacteriófagu (tamién nomáu fagu). Observaron que les colonies resistentes al fagu presentábense en llocalizaciones análogues en ca placa, permitiéndo-yos concluir que'l rasgu de resistencia al fagu esistía na colonia inicial, qu'inxamás foi espuesta al mesmu, en llugar de surxir posteriormente a que la bacteria fore espuesta al virus.

• Bioquímica
• Bioseguridá
• Bioteunoloxía
• Xenética
• Xeomicrobioloxía
• Microbioloxía ambiental
• Microbioloxía de los alimentos

• Bona práutica microbiolóxica
• Bona práutica de la hixene
• Immunoloxía
• Medicina
• Teunoloxía médica
• Microbioloxía Bucal
• Micoloxía
• Viroloxía
• Arquea
• Bacteria
• Eucariota
• Procariota
• Importantes publicaciones en microbioloxía

Xeneral

• Llibru de testos de Microbioloxía online
• Llibru de testos de Bacterioloxía de Todar
• Llibru de testos de Microbioloxía Mélica Online

Revistes

• Nature Reviews Microbiology (journal home)

Organizaciones profesionales

• Portal d'información pa estudiantes de microbioloxía
• American Society for Microbiology
• Society for General Microbiology
• Fondation Mérieux

•   Wiki Commons tien conteníu multimedia tocante a Microbioloxía.