Datolita
La datolita ye un mineral de la clase de los nesosilicatos.
Foi afayáu en 1806 pol noruegu Jens Esmark, que lo nomó por δατεῖσθαι, "estremar", y λίθος, "piedra", n'alusión a la testura de granos separaos que tienen les variedaes masives.
Datolita | |
|---|---|
 | |
| Xeneral | |
| Categoría | especie mineral (es)  |
| Subclase de | datolite mineral group (en) y ciclosilicato (es) |
| Fórmula química | CaB(SiO₄)(OH) |
| Epónimu | separación (es) (griegu antiguu) |
| Clasificación | |
| Nickel-Strunz 8ª ed. | VIII/B.29 |
| Nickel-Strunz 9ª ed. | 9.AJ.20 |
| Nickel-Strunz 10ª ed. | 9.AJ.20 |
 | |
Carauterístiques químiques
Pertenez al llamáu "grupu de la gadolinita-datolita".
La estructura molecular de la datolita consiste en fueyes d'aniellos de cuatro o ocho eslabones xuníos pol cantu, alternáu tetraedros de (HBO4) y (SiO4), lo que lo clasifica como un filu-boro-silicatu. La fórmula unidá del anión ye (HBSiO5)n, siendo (HBSiO5) la unidá que se repite. Amás de la forma anterior, la fórmula amás de como (HBSiO5) tamién puede escribise como (BSiO4OH) o (BSiO4(OH)), indicando que'l protón ta enllazáu a unu de los átomos d'osíxenu. El mineral nun contién nengún ion hidróxidu aislláu, ye un nesosilicato de calciu y borio.
Amás de los elementos que componen la so celda unidá, suel llevar numberoses impureces que-y dan munches tonalidaes de color, ente les que destaquen: manganesu, magnesiu, aluminiu y fierro.
Formación y xacimientos
Ye un mineral relativamente abondosu, que puede apaecer como mineral secundariu en roques ígnees de tipu máfico. Tamién se-y puede atopar en geodas de roques sedimentaries, serpentinitas, esquistos o en filones.
Suel apaecer acomuñáu a otros minerales como: minerales del grupu de les zeolitas, minerales granates, prehnita, danburita, calcita o minerales del grupu de la axinita.
Referencies
- Datolita, uned.es.
- Datolita, mindat.org.
- Datolita, webmineral.com.
- Manual de datolita, Mineral Data Publishing.
This article uses material from the Wikipedia Asturianu article Datolita, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.