Denómase censu, n'estadística descriptiva, al recuentu d'individuos qu'ensamen una población estadística, definida como un conxuntu d'elementos de referencia sobro'l que se faen les observaciones.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El censu d'una población estadística consiste, básicamente, en llograr el númberu total d'individuos pente medies de les más diverses téuniques de recuentu.
El censu ye una de les operaciones estadístiques que nun trabaya sobro una amosanza, sinón sobro la población total.
Ún de los casos particulares de censu pero, coles mesmes, ún de los más comunes, ye'l denomáu censu de población, nel que l'oxetivu ye determinar el númberu de persones humanes que componen un grupu, davezu un país o una nación. Nesti casu, la población estadística abarcaría a los componentes o habitantes del grupu, país o nación.
Polo xeneral, un censu de población puede facer delles actividaes estra que nun se correspuenden específicamente cola operación censal estadística. Búscase calcular el númberu d'habitantes d'un país de territoriu dellimitáu, correspondiente a un momentu o periodu dau, pero aprovéchase igualmente pa llograr una serie de datos demográficos, económicos y sociales rellativos a esos habitantes, consideraes dende un puntu de vista cuantitativu. Ye la fonte primaria de les estadístiques básiques de población que son necesaries pa fines gubernamentales y aspeutos de planificación económica y social.
Úsase:
This article uses material from the Wikipedia Asturianu article Censu de población, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.