Anatomía

Ye una ciencia perantigua, cuyos oríxenes se remonten a la prehistoria. Demientres sieglos les conocencies anatómiques basáronse na observación de plantes y animales diseicionaos. Sicasí, la comprensión afayadiza de la estructura implica una conocencia de la fonción de los organismos vivos. D'esta miente, l'anatomía ye cásique insepartable de la fisioloxía, qu'a vegaes recibe'l nome d'anatomía foncional. L'anatomía, que ye una de les ciencies básiques de la vida, ta mui rellacionada cola medicina y con otres rames de la bioloxía.

Anatomía
rama de la biología (es)
bioloxía

Ye comeniente dixebrar l'estudiu de l'anatomía n'estremaos aspeutos. Una clasificación básase según el tipu d'organismu n'estudiu; nesti casu les subdivisiones cimeres son l'anatomía de les plantes y l'anatomía animal. A la so vegada, l'anatomía animal subdivídese n'anatomía humana y anatomía comparada, qu'establez les similitúes y diferencies ente los estremaos tipos d'animales. L'anatomía tamién pue dividíse en procesos biolóxicos, por exemplu, anatomía del desendolque (por exemplu l'estudiu de los embriones n'estremaes etapes) y anatomía patolóxica o estudiu descriptivu de los muérganos enfermos. Otres subdivisiones, como l'anatomía quirúrxica y l'anatomía artística (como por exemplu na obra Home de Vitruvio de Leonardo da Vinci), basense na rellación de l'anatomía con otres actividaes baxo'l títulu xeneral d'anatomía aplicada. Otra forma más de subdividir l'anatomía depende de les téuniques emplegaes, como por exemplu la microanatomía, que se basa nes observaciones obteníes con aida del microscopiu.

• Anatomía humana
• Anatomía patolóxica
• Anatomía vexetal

• "The vertebrate Body", Alfred Sherwood Romer & Thomas S Parsons, de la qu'había torna al español en Salvat (1981). Introduz el conceutu de Neotenia, y datos interesantes, como que los pexes nel so craniu tienen el mesmu númberu de güesos que l'Humanu, etc.

• E-anatomy
• Guíes de Neuroanatomía
• Anatomía Fractal
• Anatomy