ᱰᱤᱵᱽᱨᱩ- ᱥᱚᱭᱠᱷᱚᱣᱟ ᱡᱟᱭᱤᱭᱟ.ᱨᱤ ᱵᱟᱜᱽᱣᱟᱱ
ᱰᱤᱵᱽᱨᱩ- ᱥᱚᱭᱠᱷᱚᱣᱟ ᱡᱟᱭᱤᱭᱟ.ᱨᱤ ᱵᱟᱜᱽᱣᱟᱱ (ᱤᱝᱨᱟ.ᱡᱤ: Dibru-Saikhowa National Park) ᱫᱚ ᱟᱥᱟᱢ ᱨᱮᱭᱟᱜ ᱯᱚᱨᱡᱚᱴᱚᱱ ᱴᱷᱟ.ᱭ ᱢᱩᱫᱽ ᱨᱮ ᱧᱩᱢᱩᱜᱚᱜ ᱞᱮᱱ ᱴᱷᱟ.ᱭ ᱠᱟᱱᱟ। ᱟᱥᱟᱢ ᱨᱮᱭᱟᱜ ᱥᱟᱢᱟᱝ ᱯᱟᱥᱴᱟ ᱨᱮ ᱵᱨᱚᱦᱢᱚᱯᱩᱛᱨᱚ ᱮᱛᱚᱢ ᱱᱟᱠᱷᱟ ᱨᱮ ᱢᱮᱱᱟᱜ-ᱟ। ᱱᱚᱣᱟ ᱫᱚ ᱟᱥᱟᱢ ᱨᱮᱭᱟᱜ ᱰᱤᱵᱽᱨᱩᱜᱚᱲ ᱟᱨ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱨᱮᱭᱟᱜ ᱟ.ᱰᱤ ᱢᱥᱨᱟᱝ ᱡᱟᱭᱜᱟ ᱛᱮ ᱯᱷᱟᱭᱞᱟᱣ ᱟᱠᱟᱱᱟ।
ᱧᱩᱛᱩᱢ ᱚᱢᱚᱱ
ᱰᱤᱵᱽᱨᱩ ᱜᱟᱰᱟ ᱨᱮᱭᱟᱜ ᱠᱚᱭᱮ ᱯᱟᱨᱚᱢ ᱨᱮᱭᱟᱜ ᱥᱤᱢᱟ.ᱱᱟ ᱯᱟᱥᱴᱟ ᱨᱮ ᱯᱷᱟᱭᱞᱟᱣ ᱟᱠᱟᱱ ᱛᱮ ᱟᱨ ᱰᱤᱵᱽᱨᱩ- ᱥᱚᱭᱠᱷᱚᱣᱟ ᱜᱟᱰᱟ ᱜᱷᱟᱴ ᱥᱩᱨ ᱨᱮ ᱢᱮᱱᱟᱜ ᱛᱮ ᱱᱚᱣᱟ ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ ᱨᱮᱭᱟᱜ ᱧᱩᱛᱩᱢ ᱦᱚ ᱰᱤᱵᱽᱨᱩ- ᱥᱚᱭᱠᱷᱚᱣᱟ ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ ᱠᱚ ᱫᱚᱦᱚ ᱠᱮᱫᱟ।
ᱚᱛᱱᱚᱛ ᱩᱱᱩᱨᱩᱢ
ᱰᱤᱵᱽᱨᱩ- ᱥᱯᱭᱠᱷᱚᱣᱟ ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ ᱫᱚ ᱰᱤᱵᱽᱨᱩᱜᱚᱲ ᱟᱨ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱨᱮᱭᱟᱜ ᱓᱔᱐ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ।
ᱰᱤᱵᱽᱨᱩ ᱥᱚᱭᱠᱷᱯᱣᱟ ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ ᱨᱮᱭᱟᱜ ᱥᱟᱢᱟᱝ ᱯᱟᱥᱴᱟ ᱨᱮ ᱢᱮᱱᱟᱜ-ᱟ ᱚᱱᱚᱱᱛᱚ ᱱᱟ.ᱭ, ᱯᱟᱪᱷᱮ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱰᱤᱵᱽᱨᱩ ᱜᱟᱰᱟ ᱟᱨ ᱵᱨᱚᱦᱢᱚᱯᱩᱛᱨᱚ ᱜᱟᱰᱟ, ᱠᱚᱭᱮ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱟᱨ ᱮᱛᱚᱢ ᱨᱮ ᱟᱨᱦᱚ ᱤᱱᱟ. ᱰᱤᱵᱽᱨᱩ ᱜᱟᱰᱟ ᱜᱮ ᱢᱮᱱᱟᱜ-ᱟ᱾
ᱴᱷᱟᱶ
ᱟᱥᱟᱢ ᱨᱮᱭᱟᱜ ᱥᱟᱢᱟᱝ ᱱᱟᱠᱷᱟ ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱯᱟᱨᱚᱢ ᱮᱛᱚᱢ ᱱᱟᱠᱷᱟ ᱨᱮ ᱰᱤᱵᱽᱨᱩᱜᱚᱲ ᱟᱨ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱨᱮᱭᱟᱜ ᱵᱟᱱᱟᱨ ᱯᱟᱥᱴᱟ ᱢᱤᱞᱟ.ᱣ ᱠᱟᱛᱮ ᱰᱤᱵᱽᱨᱩ- ᱥᱚᱭᱠᱷᱚᱣᱟ ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ ᱫᱚ ᱥᱤᱨᱡᱟ.ᱣ ᱟᱠᱟᱱ। ᱵᱟᱜᱽᱣᱟᱱ ᱫᱚ ᱫᱚᱨᱭᱟ ᱥᱟᱦᱴᱟ ᱠᱷᱚᱱ ᱑᱑᱐-᱑᱒᱖ ᱢᱤᱴᱟᱨ (ᱜᱚᱲ ᱑᱑᱘ ᱢᱤᱴᱟᱨ) ᱪᱮᱛᱟᱱ ᱨᱮ ᱢᱮᱱᱟᱜ ᱟᱠᱟᱫᱟ। ᱱᱚᱣᱟ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱠᱷᱚᱱ ᱢᱟᱛᱨᱚ ᱑᱓ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧ ᱨᱮ ᱢᱮᱱᱟᱜ-ᱟ। ᱰᱤᱵᱽᱨᱩ- ᱥᱚᱭᱠᱷᱚᱣᱟ ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ ᱫᱚ ᱠᱚᱭᱮ ᱚᱠᱷᱟᱦᱤᱥ ᱒᱗ ᱰᱤᱜᱽᱨᱤ ᱓᱐ ᱢᱤᱱᱤᱴ ᱠᱷᱚᱱ ᱒᱗ ᱰᱤᱜᱽᱨᱤ ᱔᱕ ᱢᱤᱱᱤᱴ ᱦᱟ.ᱵᱤᱡ ᱟᱨ ᱥᱟᱢᱟᱝ ᱫᱨᱟᱜᱷᱤᱢᱟ ᱜᱟᱨ ᱠᱷᱚᱱ ᱙᱕ ᱰᱤᱜᱽᱨᱤ ᱑᱐ ᱢᱤᱱᱤᱴ ᱠᱷᱚᱱ ᱙᱕ ᱰᱤᱜᱽᱨᱤ ᱔᱕ ᱦᱟ.ᱵᱤᱡ ᱯᱟᱥᱱᱟᱣ ᱟᱠᱟᱱᱟ।
ᱦᱚᱭ ᱦᱤᱥᱤᱫ
ᱱᱚᱱᱰᱮ ᱱᱟᱜ ᱦᱚᱭ ᱦᱤᱥᱤᱫ ᱫᱚ ᱱᱟᱛᱤᱥᱤᱛᱚᱥᱱᱚ ᱝᱮᱭᱟ ᱢᱮᱱᱮᱛ ᱞᱚᱞᱚ ᱦᱚ ᱵᱟᱝ ᱟᱨ ᱨᱮᱭᱟᱲ ᱦᱚ ᱵᱟᱝᱟ। ᱥᱮᱨᱢᱟ ᱨᱮ ᱜᱚᱲ ᱦᱤᱥᱟ.ᱵᱽ ᱫᱟᱜ ᱧᱩᱨᱩᱜ-ᱟ ᱒᱓᱐᱐ ᱢᱤ. ᱢᱤ. ᱠᱷᱚᱱ ᱮᱦᱚᱯ ᱠᱟᱛᱮ ᱓᱘᱐᱐ ᱢᱤ. ᱢᱤ. ᱦᱟ.ᱵᱤᱡ। ᱱᱚᱣᱟ ᱡᱟᱭᱜᱟ ᱨᱮ ᱡᱩᱱ, ᱡᱩᱞᱟᱭ, ᱟᱜᱚᱥᱴᱚ ᱟᱨ ᱥᱮᱯᱴᱮᱢᱵᱚᱨ ᱪᱟᱱᱫᱚ ᱨᱮ ᱵᱟ.ᱲᱛᱤ ᱫᱟᱜ ᱧᱩᱨᱩᱜ ᱜᱮᱭᱟ। ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ ᱨᱮ ᱨᱮᱭᱟᱲ ᱱᱟᱝ ᱚᱠᱛᱮ ᱨᱮ ᱟᱨ ᱞᱚᱞᱚ ᱱᱟᱝ ᱚᱠᱛᱮ ᱨᱮ ᱜᱚᱲ ᱞᱚᱞᱚ ᱨᱮᱭᱟᱜ ᱯᱷᱟᱨᱟᱠ ᱗ ᱰᱤᱜᱽᱨᱳ ᱥᱮᱞᱥᱤᱭᱟᱥ ᱠᱷᱚᱱ ᱓᱔ ᱰᱤᱝᱽᱨᱤ ᱥᱮᱞᱥᱤᱭᱟᱥ ᱦᱩᱭᱩᱜ ᱨᱮᱭᱟᱜ ᱠᱷᱚᱵᱚᱨ ᱧᱟᱢ ᱟᱠᱟᱱᱟ। ᱡᱩᱞᱟᱭ ᱟᱨ ᱟᱜᱚᱥᱴᱚ ᱱᱚᱣᱟ ᱵᱟᱱᱟᱨ ᱪᱟᱱᱫᱚ ᱫᱚ ᱟ.ᱰᱤ ᱵᱟ.ᱲᱛᱤ ᱞᱚᱞᱚᱣᱟ ᱟᱨ ᱰᱤᱥᱮᱢᱵᱚᱨ ᱡᱟᱱᱩᱣᱟᱨᱤ ᱱᱚᱣᱟ ᱠᱤᱱ ᱵᱟᱨᱭᱟ ᱪᱟᱱᱫᱚ ᱟ.ᱰᱤ ᱵᱟ.ᱲᱛᱤ ᱨᱮᱭᱟᱲᱟ।
ᱥᱟ.ᱠᱷᱭᱟ.ᱛ
This article uses material from the Wikipedia ᱥᱟᱱᱛᱟᱲᱤ article ᱰᱤᱵᱽᱨᱩ- ᱥᱚᱭᱠᱷᱚᱣᱟ ᱡᱟᱭᱤᱭᱟ.ᱨᱤ ᱵᱟᱜᱽᱣᱟᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.