Sarvepalli Radhakrishnan

Sarvepalli Radhakrishnan
	;
Nome orixinal	(te) సర్వేపల్లి రాధాకృష్ణన్
Biografía
Nacemento	5 de setembro de 1888 ; Thiruttani, India (pt)
Morte	17 de abril de 1975 (86 anos); Chennai, India
Presidente da India
	13 de maio de 1962 – 13 de maio de 1967 ; ← Rajendra Prasad (pt) – Zakir Husain (en) →
Vice-presidente da Índia (pt)
	13 de maio de 1952 – 12 de maio de 1962 ; ← sen valor – Zakir Husain (en) →
Member of the Constituent Assembly of India (en)
	6 de xullo de 1946 –
Vice-chancellor of Andhra University (en)
	1 de maio de 1931 – 19 de maio de 1936
Member of the Lok Sabha (en)
Datos persoais
País de nacionalidade	India (1950–); Dominio da India (1947–1950); Raj Británico (–1947)
Relixión	Hinduísmo
Educación	Madras Christian College (en) - filosofía (1905–1906); Universidade de Delhi ; Universidade de Madras (pt) ; Universidade de Calcuta ; Voorhees College (en)
Actividade
Ocupación	político , tradutor , historiador , filósofo , diplomático , profesor universitario
Empregador	Universidade de Calcuta ; University of Mysore (en)
Partido político	Partido do Congresso Nacional Indiano (pt)
Membro de	Academia Serbia das Ciencias e das Artes (foreign member (en) ) (1965–1975); Academia Británica
Lingua	Lingua inglesa e lingua hindi
Outro
Título	Knight Bachelor (pt)
Cónxuxe	Sivakamu (en)
Fillos	Sarvepalli Gopal (en)
	Premios (1975) Prêmio Templeton (pt) ; (12 de febreiro de 1965) Grand Cross with Collar of the Order of the White Rose of Finland (en) ; (1963) Orde do Mérito do Reino Unido; (1962) Membro da Academia Britânica (pt) ; (22 de outubro de 1961) Premio da Paz do Comercio Libreiro Alemán; (1959) Placa Goethe da Cidade de Frankfurt am Main (pt) ; (1954) Bharat Ratna (pt) ; (1954) Orde do Mérito das Ciencias e as Artes; doutor honoris causa pola Universidade de Calcuta; Honorary doctor of the University of Zagreb (en) ; Knight Bachelor (pt) ; Pour le Mérite ;

Está considerado unha das máximas autoridades indias do século XX en relixión comparada e filosofía.

Traxectoria

Primeiros anos

Sarvepalli naceu no seo dunha familia brahmana telegúa nunha aldea preto de Thiruttani no distrito de Chittoor da presidencia de Madrás, preto do actual límite dos estados de Andhra Pradesh e Tamil Nadu. Pasou os seus primeiros anos e estudou en Thiruttani e Tirupatim, o ensino secundario realizouno en Walajapet.

Educación

Radhakrishnan recibiu bolsas de estudo ao longo da súa vida académica, estudou no Voorhees College en Vellore e logo no Madras Christian College con 17 anos, graduándose en 1906 en filosofía. A súa tese foi "The Ethics of the Vedanta and its Metaphysical Presuppositions", e constituía unha réplica á acusación do sistema vedanta carecer de espazo para a ética .

Actividade académica

En abril de 1909 entrou no departamento de filosofía do Madras Presidency College, e dende 1918 foi profesor de filosofía da Universidade de Mysore, dando clases no Maharaja's College . Nesa época seus artigos comezan a aparecer en reputados xornais internacionais como The Quest, Journal of Philosophy ou o International Journal of Ethics. Completou o seu primeiro libro, The Philosophy of Rabindranath Tagore, no que avogaba que a filosofía de Tagore era a verdadeira manifestación do espírito indio. O seu segundo libro, The Reign de Religion in Contemporary Philosophy publicouse en 1920.

Dende 1921 foi profesor de filosofía ocupando a cátedra rei Xurxo V de ciencias mentais e morais da Universidade de Calcuta, á que representou no Congreso das Universidades do Imperio Británico en xuño de 1926 e no Congreso Internacional de Filosofía na Universidade Harvard en setembro de 1926. Outro evento académico importante deste período foi a invitación para realizar a conferencia da Hibbert Lecture de 1929, sobre os ideais de vida, que deu no Harris Manchester College, en Oxford e que posteriormente publicou en forma de libro como An Idealist View of Live.

En 1929 asumiu o cargo que deixara vacante J. Estlin Carpenter no Harris Manchester College, logrando así a oportunidade de ensinar relixión comparada ao alumnado da Universidade de Oxford. Polos seus servizos na educación Xurxo V outorgoulle o título de cabaleiro en xuño de 1931. En abril de 1932 o gobernador xeral da India, o conde de Willingdon investiuno formalmente. Así e todo deixou de usar o título de sir despois de obter India a independencia, preferindo o título académico de 'doutor'.

Foi vicechanceler da Universidade Andhra entre 1931 e 1936. En 1936 foi profesor de relixións orientais e ética na Universidade de Oxford. Ese mesmo ano, e de novo, en 1937, foi candidato ao premio Nobel de Literatura. Foi vicechanceler da universidade Banaras Hindú de 1939 ata 1948.

Actividade política

Radhakrishnan comezou a súa carreira política xa na madurez da súa vida, despois do éxito da súa carreira académica . En 1931 formou parte do Comité de Cooperación Intelectual da Liga das Nacións. Cando a India se converteu en independente, en 1947, Radhakrishnan represententou ao seu país na UNESCO (1946-52) e máis tarde foi embaixador da India na Unión Soviética (1949-1952). Tamén foi membro da Asemblea Constituínte da India. Foi o primeiro vicepresidente da India, en 1952, e o segundo presidente da India (1962-1967).

Radhakrishnan non tivo unha militancia destacada no Partido do Congreso, nin foi activo na loita contra o poder británico, mais era un símbolo da cultura hinduísta, e a defensa do hinduísmo contra a "crítica desinformada occidental".

Notas

This article uses material from the Wikipedia Galego article Sarvepalli Radhakrishnan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.