ৰাছুল: আল্লাহ প্ৰেৰিত বাৰ্তাবাহী ব্যক্তি

ইছলাম ধৰ্মত, ৰাছুল (আৰবী ভাষাত: رسول ৰাছুল্‌ “বাৰ্তাবাহক”, বহুবচন ৰুছুল) হ'ল আল্লাহ প্ৰেৰিত বাৰ্তাবাহী ব্যক্তি। ৰাছুল বুলিলে সিহঁতকেই বুজোৱা হয় যিসকলে আল্লাহৰ পৰা কিতাপ বা পুস্তক প্ৰাপ্ত হৈছে। হাদিছ সহ অন্যান্য ইছলামী কিতাপত এক লাখ চৌব্বিছ হাজাৰ মতান্তৰে দুই লাখ চৌব্বিছ হাজাৰ নবীৰ কথা কোৱা হৈছে। এইসকলৰ মাজত সকলোৱেই কিতাপ প্ৰাপ্ত হোৱা নাই। যিসকলে কিতাপ প্ৰাপ্ত হৈছে সিহঁতেই মাত্ৰ ৰাছুলৰ খিতাব পাইছে। অৰ্থাৎ সকলো ৰাছুলেই ইছলামৰ নবী কিন্তু সকলো নবীয়েই ৰাছুল নহয়। কোৰআন অনুযায়ী, আল্লাহ মানৱজাতিৰ ওচৰত বহুত নবী, ৰাছুল (আম্বীয়া, নবীৰ বহুবচন) প্ৰেৰণ কৰিছে।