যীশু (প্ৰায় ৪ খ্ৰীষ্টপূৰ্ব – খ্ৰীষ্টাব্দ ৩০ / ৩৩), যাক নাজাৰথৰ যীশু বা যীশু খ্ৰীষ্ট বুলিও কোৱা হয়, এজন প্ৰথম শতাব্দীৰ ইহুদী প্ৰচাৰক (ধৰ্মীয় মতবাদ) আৰু ধৰ্মীয় নেতা আছিল। তেওঁ হৈছে বিশ্বৰ সৰ্ববৃহৎ ধৰ্ম; খ্ৰীষ্টান ধৰ্মৰ কেন্দ্ৰীয় ব্যক্তি। বেছিভাগ খ্ৰীষ্টান ধৰ্মীয় লোকে বিশ্বাস কৰে যে তেওঁ ঈশ্বৰৰ অৱতাৰ পুত্ৰ আৰু প্ৰতীক্ষিত মচীহ (খ্ৰীষ্ট); যাৰ বিষয়ে হিব্ৰু (ইহুদী) বাইবেলত ভৱিষ্যতবাণী কৰা আছে।
উল্লেখনীয় যে, প্ৰায় সকলো আধুনিক পণ্ডিতে সন্মত হয় যে যীশু ঐতিহাসিকভাৱে বিদ্যমান আছিল। ঐতিহাসিক যীশুৰ অন্বেষণে গছপেল (Gospel) ৰ ঐতিহাসিক নিৰ্ভৰযোগ্যতাৰ ওপৰত আৰু নিউ টেষ্টামেণ্ট ( New Testament) ত যীশুক কিমান নিবিড়ভাৱে চিত্ৰিত কৰিছে সেই বিষয়ে কিছু অনিশ্চয়তা সৃষ্টি কৰিছে, যিহেতু যীচুৰ জীৱনৰ একমাত্ৰ অভিলেখ বোৰ গছপেল (Gospel)-ত অন্তৰ্ভুক্ত আছে। যীশু এজন গালিলান ইহুদী আছিল, যাক জন দ্য বেপ্টিষ্টে বেপ্টিজ্কৰন কৰিছিল আৰু তেওঁ নিজৰ পৰিচৰ্য্যা আৰম্ভ কৰিছিল। প্ৰথমতে মৌখিকভৱে তেওঁৰ শিক্ষাসমূহ সংৰক্ষণ কৰা হৈছিল আৰু তেওঁক প্ৰায়ে "ৰাব্বি" বুলি কোৱা হৈছিল।
This article uses material from the Wikipedia অসমীয়া article যীশু, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.