ট্ৰান্সজেণ্ডাৰ

ট্ৰান্সজেণ্ডাৰ যৌন অভিমুখীতাৰ পৰা সম্পূৰ্ণ স্বাধীন আৰু পৃথক বিষয়। ট্ৰান্সজেণ্ডাৰ ব্যক্তিয়ে নিজকে বিপৰীতকামী, সমকামী, উভকামী, অযৌন ইত্যাদি হিচাপে যৌন অভিমুখী হব পাৰে। ট্ৰান্সজেণ্ডাৰ বা ৰূপান্তৰিত লিংগ 'ইণ্টাৰচেক্স' বা 'উভয়লিংগ' নামৰ অৱস্থাৰ পৰা পৃথক। উভয়লিংগ ব্যক্তিয়ে পুৰুষ আৰু মহিলা দুয়োৰে প্ৰজনন অংগৰ সৈতে জন্ম লাভ কৰে আৰু তেওঁলোকক দ্বিলিংগ পদ্ধতিত পুৰুষ বা মহিলা বুলি চিনাক্ত কৰা টান। ট্ৰান্সজেণ্ডাৰৰ বিপৰীত শব্দ সৈতে চিচজেণ্ডাৰ। চিচজেণ্ডাৰ ব্যক্তিয়ে জন্মতে লাভ কৰা জৈৱিক লিংগক নিজৰ পৰিচয় হিচাপে গ্ৰহণ কৰে।

যদি কোনো ব্যক্তি তেওঁৰ নিৰ্ধাৰিত জৈৱিক যৌনতাক স্বীকৃত জীৱনযাপন কৰিবলৈ বিচাৰে অথবা যদি কোনো ব্যক্তি তেওঁৰ লিংগ পৰিচয়ৰ ফলস্বৰূপে সামাজিক দুৰ্ব্যৱহাৰ আৰু হতাশা অনুভৱ কৰেসেই ক্ষেত্ৰত তেওঁলোকৰ লিংগ হতাশাৰ (Gender Dysphoria) সমাধান হিচাপে চিকিৎসা বিজ্ঞানত এই সমস্যাক এক অসুস্থতা হিচাপে গ্ৰহণ কৰি ইয়াৰ বিশ্লেষণ আৰু সঠিক কাৰণ নিৰ্ণয় কৰা হয়। বহুতো ট্ৰান্সজেণ্ডাৰ ব্যক্তিয়ে হৰমন ৰিপ্লেচমেণ্ট থেৰাপি, চেক্স ৰিএচাইনমেণ্ট চাৰ্জাৰী বা চাইক'থেৰাপিৰ যোগেৰে লিংগ সলনি কৰিবলৈ বিচাৰে। কিন্তু সকলো ট্ৰান্সজেণ্ডাৰ ব্যক্তিয়ে এনে ব্যৱস্থা গ্ৰহণ নকৰে। বিত্তীয়, চিকিৎসা সংক্ৰান্তিয়, আইনী আৰু সামাজিক ব্যৱস্থা ইয়াৰ মুখ্য কাৰণ।

বহু ট্ৰান্সজেণ্ডাৰ ব্যক্তিয়ে সমাজত অৱহেলাৰ চিকাৰ হয়। লগতে তেওঁলোক কৰ্মক্ষেত্ৰত বৈষম্যৰ বলি হয়। ইয়াৰ লগতে তেওঁলোক উপযুক্ত স্বাস্থ্য সেৱাৰ পৰাও বঞ্চিত হোৱা দেখা যায়। বহু ঠাইত তেওঁলোক বৈষম্য আৰু সামাজিক বহিষ্কাৰৰ পৰা আইনী ৰক্ষা লাভ নকৰে। ভাৰতত ট্ৰান্সজেণ্ডাৰ ব্যক্তিক নিজৰ লিংগ সলনি কৰা আইনী বিধান আছে। ইয়াৰ লগতে তৃতীয় লিংগকো ভাৰতে স্বীকৃতি প্ৰদান কৰিছে।

অসমৰ ট্ৰেন্সজেণ্ডাৰ সমাজৰ মূলভেটি ৰূপে সদৌ অসম ট্ৰেন্সজেণ্ডাৰ সংঘ (All Assam Transgender Association) প্ৰধান। স্বতী বিধান বৰুৱা অসমৰ বিখ্যাত ট্ৰেন্সজেণ্ডাৰ গৰাকীয়ে ২১ বছৰ বয়সত নিজৰ লিংগ পৰিবৰ্তনৰ বিষয়ত ন্যায়ালয়ৰ কাষ চাপি ৰাষ্ট্ৰীয় সংবাদমাধ্যমত চৰ্চাৰ বিষয় হৈ পৰিছিল। পাছত তেখেত অসমৰ সৰ্বপ্ৰথম ৰূপান্তৰলৈঙ্গিক ন্যায়াধীশ হয়।

• সমকামিতা
• উভকামিতা
• এলজিবিটি
• ৰূপান্তৰকামিতা
• কুইয়াৰ