চক্ৰধ্বজ সিংহ (ইংৰাজী: Chakraddhaj Singha) হৈছে সাহিত্যৰথী লক্ষ্মীনাথ বেজবৰুৱাদেৱৰ দ্বাৰা ৰচিত এখন উল্লেখযোগ্য ঐতিহাসিক নাটক। এই নাটকৰ কথাবস্তু বেজবৰুৱাই প্ৰধানকৈ হেমচন্দ্ৰ গোস্বামীৰ শৰাইঘাটৰ যুদ্ধ নামৰ প্ৰবন্ধৰ পৰা চয়ন কৰিছে। অসমৰ অতীত গৌৰৱ অসমীয়াৰ আগত দাঙি ধৰিবলৈহে বেজবৰুৱাই এই নাটকখন ৰচনা কৰিছিল। ঐতিহাসিক নাটকৰূপে এই নাটকখনৰ অসমীয়া নাট সাহিত্যৰ বুৰঞ্জীত এক সুকীয়া স্থান আছে।
চক্ৰধ্বজ সিংহ | |
---|---|
লিখক | লক্ষ্মীনাথ বেজবৰুৱা |
চৰিত্ৰসমূহ | প্ৰিয়ৰাম গজপুৰীয়া |
প্ৰথম প্ৰদৰ্শনৰ ঠাই | অসম |
মূল ভাষা | অসমীয়া |
শৈলী | ঐতিহাসিক |
লক্ষ্মীনাথ বেজবৰুৱা (ইংৰাজী: Laksminath Bezbarua; ১৮৬৪-১৯৩৮) আধুনিক অসমীয়া সাহিত্যৰ এজন পথ-প্ৰদৰ্শক। কবিতা, নাটক,গল্প, উপন্যাস, প্ৰৱন্ধ, ৰম্যৰচনা, সমালোচনা, প্ৰহসন, জীৱনী, আত্মজীৱনী, শিশুসাহিত্য, ইতিহাস অধ্যয়ন, সাংবাদিকতা আদি সকলো দিশতে বেজবৰুৱাৰ অৱদান অমূল্য। কৃপাবৰ বৰুৱা ছদ্মনামত বেজবৰুৱাই সাহিত্য সৃষ্টি কৰি এজন সমাজ সংস্কাৰক হিচাপেও চিনাকি দিছে।
স্বৰ্গদেউ চক্ৰধ্বজ সিংহৰ ৰাজত্ব কালত লাচিত বৰফুকনৰ নেতৃত্বত মোগল সৈন্যৰ বিৰুদ্ধে দুটা সাৰ্থক অভিযান চলোৱাৰ কথা নাটকখনত নাট্যৰূপ দিয়া হৈছে। নাটকখনৰ কথাবস্তুৰ অন্তৰ্গত স্বৰ্গদেউ চক্ৰধ্বজ সিংহৰ সেই সাৰ্থক অভিযান দুটা হ’ল:
চক্ৰধ্বজ সিংহৰ নাটকখনত শ্বেইক্সপীয়েৰৰ নাটকৰ প্ৰভাৱ আছে। এই সম্পৰ্কত নাটকখনৰ পাতনিতে বেজবৰুৱাদেৱে কৈছে, “মহাকবি শ্বেইক্সপীয়েৰৰ প্ৰিন্স হেনৰি, ফলষ্টাফ আৰু তেওঁলোকৰৰ লগৰীয়াসকলৰ চৰিত্ৰৰ চানেকিৰ কিছু দূৰ অনুসৰণ কৰি এই নাটৰ প্ৰিয়ৰাম আৰু গজপুৰীয়া প্ৰভৃতিৰ চৰিত্ৰ গঠন কৰা হৈছে। মহাকবিৰ পদাংক অনুসৰণ কৰি তেওঁৰ আশীৰ্বাদৰ কণমান লাভৰ ভিকহু হোৱাহে লেখকৰ মনস্কামনা।”
বেজবৰুৱাদেৱে প্ৰিয়ৰাম, গজপুৰীয়া আদি চৰিত্ৰকেইটা শ্বেইক্সপীয়েৰৰ ‘চতুৰ্থ হেনৰী’ নাটকৰ ৰাজকুমাৰ হেন্ৰী, ফলষ্টাফ আৰু তেওঁলোকৰ লগৰীয়াসকলৰ আলমত নিৰ্মাণ কৰিছে। তেওঁ প্ৰতিটো চৰিত্ৰকে অসমীয়া সাঁচত একোটা মৌলিক চৰিত্ৰলৈ ৰূপান্তৰ কৰিছে।
ৱিকিউৎসত চক্ৰধ্বজ সিংহ বিষয় সংক্ৰান্তীয় মূল পাঠ্য আছে। |
This article uses material from the Wikipedia অসমীয়া article চক্ৰধ্বজ সিংহ (নাটক), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.