كوكب ڤينوس

تسما ڤينوس علا ڤينوس، ربة د لجمال ؤ لبغو رّومانية. ڤينوس هوّا تاني جسم كايضوي فسّما فليل مورا لقمر، ؤ يمكنلو شي مرّات يدير ضل ف لأرض ؤ يتشاف ب لعين فوسط نّهار.

ڤينوس
ڨينوس مصور بلون مبدل مزيود فلكونطراسط
الرمز
تسمى على	ڤينوس (ربة)
لبيانات لمعبورة
نص لقطر	6,051.8 كم
لكتلة	4,867.5 يوغ
حرارة السطح	K
التفلطح	0
لبيانات دلمدار
نص لمحور الرئيسي	108,208,930 كم
لحضيض	0.7184327 AU
لأوج	0.7282312 AU
لينحيراف لمداري (e)	0.00677672
زاوية لحضيض (ω)	°
الدورة (P)	224.7 ي
زاوية لميلان (i)	دقيقة قوسية

ف 2 يونيو 2021، علنات لوكالة د لفضاء نازا بلي ختارت جوج مهمات جداد غادي يسيفطو مركبات ل ڤينوس، ف لفترة ما بين 2028 ؤ 2030، هوما داڤينتشي+ ؤ ڤيريطاس. لمهمة لّخرة لّي تسيفطات ل ڤينوس كانت ب لمسبار پايونير ڤينوس ف دجنبر 1978، ؤ ستامرات حتال أكتوبر 1992. لهدف ديال هاد لمهمات جّداد هوّا باش يعرفو لعولاما كيفاش ڤينوس ولّا كوكب حامي بزاف بحال شي جحيم، وخا عندو خاصيّات كتيره كاتشبه ل لأرض، ؤ يقدر يكون ف شي وقت كانو فيه محيطات ؤ مناخ بحال ديال لأرض.

ڤينوس كيتّعتابر واحد من 4 د لكواكب لأرضية ف لمجموعة الشمسية، يعني بلي الساس ديالو من الصخور بحال لأرض. ڤينوس كيتسمى شي مرات "التويّم د لأرض" حيت كيشبه ليها بزاف ف لمزيّات ديالها. بسباب الضوران التقيل ديالو، الشكل ديالو قريب يكون كورة كاملة. عندو دياميطر ديال 12103,6 كلم، يعني غير 638,4 كلم قل من لأرض، و لكتلة ديالو كاتساوي 81,5% لكتلة د لأرض.