پولونيا
پولونيا، رسميا لجمهورية د پولونيا (ب لپولونية: Rzeczpospolita Polska) هي بلاد لمساحة ديالها 312.696 كم² جات ف لوسط د ؤروپا، و مقسومة على 16 لإقليم.
كاتحدّها ليتوانيا و روسيا من الشمال الشرقي، بيلاروسيا و أوكرانيا من الشرق، لبحر د لبلطيق من الشمال، صلوڤاكيا و التشيك من لجنوب، و ألمانيا من لغرب. لبلاد فيها طبيعة متنوعة داخلين فيها الجبال و لغابات و لبحورا.
پولونيا | ||||
| Rzeczpospolita Polska (pl)
| ||||
| نشيد | شطحة دومبروڤسكي (26 فبراير 1927)
| |||
| لعاصيمة | وارسو | |||
| الساكينة | ||||
| شحال دالسكان | 38,382,576 (2019) | |||
| السمية ديال السكان | پولوني، پولونية، پولونيين, پولونيات | |||
| اللوغات الرسمية | لپولونية (لغة رسمية) | |||
| متوسط ديال لعمر | 77.45122 (2015) | |||
| لجغرافيا | ||||
| لميساحة | 312,683 كم² | |||
| لقمة لعالية | ريسي (2,499 م) | |||
| لبلاصة الطايحة | جولاڤي ڤيسلان (−1.8 م) | |||
| تاريخ | ||||
| أعياد | لعيد لوطني د لإستقلال (11 نونبر) راس لعام (1 يناير) عيد لإيپيفانيا (6 يناير) التنين د پّاك (پّاك + نهار) عيد شغل (1 ماي) عيد لخمسين (پّاك + 49 نهار) عيد لميلاد (25 دجنبر) عيد جسم لمسيح (پّاك + 60 نهار) النهار د الدستور د 3 ماي (3 ماي) نهار سيدي سطيفان (26 دجنبر) النهار د لقوات لمسلحة (15 غشت) | |||
| لإدارة | ||||
| نضام الدولة | نضام برلماني، دولة مركزية و نظام شبه رئاسي | |||
| رئيس بولندا | أندجي دودا | |||
| رئيس وزراء بولندا | دونالد توسك | |||
| لبرلمان | لبرلمان د پولونيا | |||
| سلطة لقضائية لكبيرة | لمحكمة لعليا د پولونيا | |||
| لقتيصاد | ||||
| الناتج الداخلي لكامل | 679,441,900,611 $ (2021) | |||
| لبيطالة (شوماج) | 3 % (2020) | |||
| مؤشر التنمية لبشرية | 0.876 (2021) | |||
| لفلوس | زلوتي | |||
| معلومات خرة | ||||
| توقيت ديال لبلاد | التوقيت د وسط أوروپا ڭرينيتش + 1 ڭرينيتش +2 ؤروپا/وارسو التوقيت الصيفي د وسط ؤروپا | |||
| رمز لبلاد | PL | |||
| رمز لانترنيت | .pl | |||
| رمز التيليفون | +48 | |||
| نماري د ليرجونس | 112، 986، 998، 999 و 997 | |||
| جيهة د صوڭان | ليمن | |||
لبلاصة اللي فيها پولونيا عندها تاريخ قديم و دازو عليها بزاف د لبلدان و لحضارات. أول مرّة اللي يقدر يتقال فيها باللي تجمعات فيها لبلاد ديال پولونيا كانت ف 966، و كانت ف نفس لوقت اللي دخلات فيه لمسيحية للمنطقة. ف 1025 تأسسات مملكة ف لبلاد، و كانت مدخّلة معاها ليتوانيا ف بلاد وحدة. هاد التحالف كان من أكبر لبلدان ف ؤروپا ف لقرون 16 و 17، و كانت أول بلاد أوروپية دارت دستور جديد (ف 3 ماي 1791). ف اللخر د لقرن 18 بدات هاد لبلاد لكبيرة تتقسم، و بزاف د لبلدان خداو منها طراف. من مورا لحرب لعالمية اللولا، ستاقلات لجمهورية د پولونيا، و ولاّت هي لبلاد اللي عندها لحدود ديال دابا. من 1939 ل 1989، تحكمات لبلاد بالنضام الشيوعي، و ملّي طاح دخلات للنضام الرأسمالي و وّلاو فيها لأحزاب بزاف، و دخلات ف لمرحلة د الديموقراطية.
تيسكنو ف پولونيا تقريبا 38.3 مليون د الناس و لعاصمة ديالها هي وارسو. اللغة الرسمية د لبلاد هي لپولونية، و لفلوس اللي كاتخدّم هي الزلوتي. لإقتصاد ديالها تيتطوّر مزيان (سادس أكبر قتصاد ف لإتحاد لأوروپي)، و فيها 16 موقع ديال الترات لعالمي ديال ليونيسكو. هي داخلة مع بزاف د لمنضمات دولية بحال لأمم لمتحدة و لإتحاد لأوروپي و الناطو و لمنضمة د التعاون لإقتصادي و التنمية، و لمنضمة لإقتصادية لأوروپية.
عيون لكلام
 | تقدر تزيد شوف بزاف د تّصاور و لمعلومات ديال Poland ف ويكيميديا كومنز. |
This article uses material from the Wikipedia داريجة article پولونيا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.