ويكيپيديا ب الداريجة

ويكيپيديا لمغريبية ولا ويكيپيديا ب دّاريجة، هيا ڤيرسيون ديال لموسوعة ويكيپيديا ب داريجة لمغريبية، تدارت ف 20 يوليوز 2020.

و وصل عدد لمقالات ديالها نهار 13 يوليوز 2024 ل 10,116 مقالة، و ف لمجموع 70,916 صفحة، ب 363,843 تبديل. كاينين فيها 13,354 خدايمي مقيّد و 31 خدايمي مداوم (لي دارو تبديل ف شّهر لّخر) ، ب لإضافة ل 5 ديال ليمغارن (إداريين).

ويكيپيديا ب الداريجة
لانطيرفاص ديال صّفحة لّولانية د ويكيپيديا ب دّاريجة

ف يونيو 2023، ويكيپيديا ب دّاريجة تشافت كتر من 640.000 مرة، لي مامحسوبينش فيهوم شّوفات ديال بوتات ؤلا پروݣرامات ؤطوماتيكية. ؤ ف لمجموع تّقراو لمقالات د ويكيپيديا لمغريبية كتر من 11 د لمليون مرة من نهار بدات ف يوليوز 2020.

خلفية

هاذ المشروع جا من بعد ما رتافعت العديد من الأصوات لي كتنادي بالكتابة بالدارجة باش الناس كاملة تفهم و المعلومة توصل بطريقة مباشرة و قريبة للمتلقي، الشي لي خلا فعلا الشركات ف المغرب يلتجؤو للاشهارات بالدارجة، نفس الشي بالنسبة للنشرات الاخبارية الطارئة و لي خاص يفهمها ڭاع الناس فجميع المستويات و الأعمار (حملة التحسيس ضد كورونا كمثال).[مصدر؟]

لكن و ف غياب قواعد للكتابة بالدارجة، مضبوطة مزيان، رجع كل واخد يكتب بطريقة فشكل، شي مرات تلقى مقالات كاتغلب عليها لفرنساوية، و الكلمات لي أصلها عربي بقاو كيكتبوها بطريقة متصبش فعملية النطق ديالها الصحيح، بحال كلمة (مغريب) نقدرو نكتبوها مغرب و نطقولها مغريب حسب اللهجة نتاعنا. مجهودات كبيرة باقين يقدرو يتدارو فهاد المجال حيت حتى الدارجة تطورات و رجعات فيها بزاف المستويات و طرق ديال الهدرة، السياسي لي يتكلم بيها ماشي بنفس الطريقة غيهدر بيها العامل البسيط ولّا الفلاح ولّا شي واحد تزاد ف 2005.[مصدر؟]

و كتبقى اللغة العربية هي اللغة الأكثر تأثيرا على الدارجة وخا كتحتاوي على بزاف ديال الكلمات عبرية و أمازيغية و من لوغات ؤروپية.

تاريخ

ف 2008، كانت ويكيپيديا ب دّاريجة بدات، بحال بزاف د لويكيپيديات لوخرين، ف لانكوباتورلعربية الحاضنة)، لي هوّا سيت خاص تابع ل مؤسسة ويكيميديا كيتدارو فيه لمشاريع د ويكيميديا لي باقين ف لمرحلة تّجريبية. بزاف لي خدمو عليها ف لبدية كانو تابعين ل مشروع كتب داريجة، ؤ كانت لكتابة فيها ب لأساس ب لحروف لّاتينية، وخا بقات نوع د لفوضا ف لكتابة بشكل عام. لمشروع ماتنضّم مزيان تال 2019، فاش بدات لخدمة عليه بشكل جدي، و تڤاليدا الطلب ديال لخروج الرسمي ديالها، و تنفّد ف 20 يوليوز 2020. الناس لي كيكتبو ف ويكيپيديا ب الداريجة فيهوم مغاربا ديال الداخل و ديال لخاريج.

ف ماي 2021، كان لمجموع د شّوفات د ويكيپيديا ب دّاريجة وصل ل 900.000 من نهار بدات.

ف 2023، مابين 25 أبريل و 10 يونيو، ويكيميديا لمغريب نضّمات مسابقة ديال لكتابة ف ويكيپيديا ب اللوغات د لمغريب (لعربية، لأمازيغية و الداريجة) لي يقدر يشارك فيها أي واحد، و لهدف ديالها إغناء لمحتوى لمغريبي ف لأنتيرنيت.

جوج د لأبحات لي صدرو ف 2022 و 2023، و قارنو مابين ويكيپيديا ب الداريجة و ويكيپيديا ب لعربية و ويكيپيديا ب لمصرية، بيّنو بلي النسخة ديال الداريجة صغيرة ف عدد لمقالات ديالها (جوايه 5000 تال 6500 فاش تدارو الدراسات بجوج)، ولاكين لمحتوى ديالها "كيمتّل التقافة و التعبير ديال الناطقين ب اللوغة لأم"، ف لوقت لي النسخة لمصرية كبيرة ف حجمها، ولاكين لمحتوى ديالها سطحي، حيت مولّد ف أغلبيتو بشكل ؤطوماتيكي. النسخة لعربية هيّ لوحيدة من بين التلاتة لي كاتجمع مابين لحجم لكبير و التمتيلية لمزيانة ديال اللوغة لي مكتوبة بيها، و هادشي كيخليها مناسبة ل تطبيقات ديال لپروصيصاج د اللوغة الطبيعية NLP.

كرونولوجيا

  • 20 يوليوز 2020: لبدية د السيت بشكل رسمي.
  • 1 غشت 2020: ويكيپيديا ب الداريجة وصلات 1194 مقال (أول إحصاء ديال عدد لمقالات ديالها ف ميطاويكي).
  • 7 غشت 2020: ويكيپيديا ب الداريجة فاتت 10000 تبديل.
  • 23 غشت 2020: ويكيپيديا ب الداريجة فاتت 2000 مقال.
  • 24 أكتوبر 2020: ويكيپيديا ب الداريجة فاتت 1000 خدايمي مقيّد.
  • 31 غشت 2021: ويكيپيديا ب الداريجة فاتت 100 ألف تبديل.
  • 2 مارس 2022: ويكيپيديا ب الداريجة فاتت 5000 مقال.
  • دابا: ويكيپيديا ب الداريجة فيها 10,116 مقال.

مؤسسين

لكتاتبيا لي خرّجو ويكيپيديا ب دّاريجة من لانكوباتور:

إحصائيات عامة

ويكيپيديا ب دّاريجة:

  • فيها كتر من 67000 صفحة (منهوم مقالات، تصنيفات، موضيلات، صفحات د شّرح ؤ لمعاونة...)
  • تكتبو ف لمقالات ديالها ل حد سّاعة كتر من مليون و 880 ألف كلمة
  • تشافو صّفحات ديالها كتر من 11 د لمليون مرة من نهار بدات

عيون لكلام

ويكيپيديا ب الداريجة  تقدر تزيد شوف بزاف د تّصاور و لمعلومات ديال Moroccan Arabic Wiki ف ويكيميديا كومنز.
ويكيپيديا ب الداريجة 
هادي زريعة ديال مقالة خاصها تّوسع. تقدر تشارك ف لكتبة ديالها.

Tags:

ويكيپيديا ب الداريجة خلفيةويكيپيديا ب الداريجة تاريخويكيپيديا ب الداريجة إحصائيات عامةويكيپيديا ب الداريجة عيون لكلامويكيپيديا ب الداريجةداريجةويكيپيدياويكيپيديا:إمغارن

🔥 Trending searches on Wiki داريجة:

إيرانتعليملماطقسيمفيلملجمعية لمغريبية د حقوق لإنسان169511 يونيو1540باباغيوتويترسپانيا2001كوكا كولا6 مايالأخ رشيديوتوب1580كينيا19981674خوامتليةمصطفى لبراهمة188015581942أوم1291إيلينوي1126يوليوزأنجيلا وايتعوام 1540هانوي1848لموحدين140618532إسرائيلخديجة الرياضيتسكويل14 ينايرسينيڭالبيليز8 يوليوزمناوشات ناڭورنو كاراباخ 2023ماليك14801636لمطايفة د غزة و إسرائيل د أكتوبر 20232 يناير2018لبنج (راپور)نمرة درية1762لحرب لعالمية الجاوجةيوتالكرديةلإماراتحجيبإتحاد طنجةقلقولةتسوناميبوسكة15 يوليوزلعلويينتازمامارتهاواي (موناضة)🡆 More