ناضور

سميت الناظور مشي قديمة بزاف يݣولو بلي بانت غي فبداية ديال لقرن لعشرين من قبل كانت ذيك لبلاصة تتسمى مززوجا. وفالتاريخ كانت تبان غير قبيلت ݣلعيا.

و كاين لي كايقول بلي هاد السمية تعطات لهاد البلاصة حيت عندها واحد الموقع استراتيجي، باش يشوفو العديان و يحضيو التحركات ديالهم

اللوغة لي كيهدروها صحاب الناظور هي تاريفيت،لي ريافة كايقولو لها تمازيغت. ولكن موجودة الدارجة لمغريبية وكايهضرو بيها صحاب الناظور مع الناس لي ميعرفوش تاريفيت.

الناظور معروف بلبحيرة ديالو لي سميتها مارتشيكا لي تعني بصبنيولية البحر الصغير لي كيحدو على لبحر لبيض لمتوسط وحد الخط ديال اللرض سميتو بوقانا.

الناظور يعتبروه باب لمغريب لؤروپا لحقاش كيتحد معا مليلية لي حتلتها الصبليون فمدينة بني نصار و فرخانة. ومن زمان طويل بزاف تتعرف بالتهريب لي كيتسما بلهدرة لمحلية تراباندو وجاي من اللوغة صبنيولية. ولكن قبل مدة وقفت الدولة هاذ التهريب بشكل كامل.

ومدينة الناظور عدها علاقات توأمة مع شي مدن من اوروبا بحال مدينة أميان العاصمة ديال مقاطعة السوم وأقليم بيكاردي.

• نسبة لأمية (نّاس لّي ما كايعرفوش يقراو ولا يكتبو) : 24,8%
• نسبة سّكان لّي قاريين فوق تّانوي (تانوي و جامعة): 18,4%

• نسبة نّاس نّشيطين (لّي يقدرو يخدمو): 49,2%
• نسبة لبطالة (نّاس لّي ما خدامينش و تايقلبو على خدمة): 20,2%
• نسبة نّاس اللي خدامين ف دّولة (ولا لعاطلين اللي سبق ليهوم خدمو): 10,8%
• نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو):45,3%