لعاود-ولادة ؤلا لعاولادة ؤلا النوضة (ب نّݣليزية: renaissance، لعربية: النهضة) حاراكة لي بانت ف ؤروپا لي رجّعات لقيمة د لأداب، لفن و لفلسفة ديال ليونان و رّومان، لي كانو فقدوها ف لفترة التاريخية لي كاتسما لفترة لمضلّمة ف ؤروپا.
هاد لحاراكة كانت بدات ف طّاليان، و جات ف لفترة لينتيقالية مابين لقرون لوسطانية و لفترة لعصرية.
ديجا من لقرن 14 كانو شي مدون طاليانية عرفو تطورات تقافية د ما قبل النوضة. معا لمجي د لقرن 15، أغلبية د لمدون د الطاليان، و شي مدون ؤروپية خرة نتاشرات فيهوم هاد لحاراكة، ف هاد لفترة لي كاتسمّا لعاود-ولادة ؤلا "النوضة اللولة". ملي وصل لقرن 16، كانت ؤروپا كاملة دخلات ف لفترة د النوضة.
"النوضة لفنية" هوّا مصطلح لي كيوصف لأعمال لفنية لي تدارو ف هاد لعصر، لي خداو لإلهام ديالهوم من لفن ليوناني الروماني بشكل كبر، و من لفن د لقرون لوسطانية بشكل قل.
هاد لفترة تميّزات تا ب تطور التصورات د لكون، و لإصلاحات دّينية، وسايل جديدة ديال نشر لمعلومات (لمطباعة)، كتيشافات كبار، و تطور قتيصادي لي دعم ؤ تّدعم ب إبداعات و ختيراعات جديدة.
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article لعاود-ولادة, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.