سّبع حيوان من لكلاص ديال تدييات ؤ من لفاميلة د لقطيطيات، ؤ هوا واحد من لقططيات رّبعة لكبار، كاينتاميو لݣنس پانطيرا (باللاتينية Panthera)، ؤ هو تاني لكبير فيهم مورا النمر د آسيا، سبع دكر كايوزن كتر من 250 كيلوݣرام.
بزاف د سّبوعا لّي باقية ف لخلا فهاد لوقت عايشة ف إفريقيا جنوب صّحرا، ؤ باقة فرقة صغيرة منهم عايشة ف آسيا، ب ضبط ولاية لݣوجارات ف شمال غرب لهند.
شحال هادي، كان لمجال لحيوي د سّبع كبير بزاف، حيت كان يتلݣى ف لمغرب لكبير ؤ شّرق لأوسط ؤ آسيا لغربية، و بداو تاينقارضو غير شي قرون هادي، و مؤخرا ف لبدية د لفترة لعصرية (لهولوسين، جوايه 10،000 عام) كانو السبوعا كايتعتابرو تاني التدييات (كايولدو) فلينتشار مورا بنادم، حيت كانت ف بزاف د لبلايص ف إفريقيا و شلا بلايص ف ؤراسيا من ؤروبا لغربية تالهند و ف قارة أميريكا من واد يوكون تال پيرو.
تقدر تزيد شوف بزاف د تّصاور و لمعلومات ديال Panthera leo ف ويكيميديا كومنز. |
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article سبع, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.