زهرة الفاسية

زهرة لفاسية، تولدات ف 1905 ف صفرو ؤ ماتت ف 4 نونبر 1994 ف عسقلان، إسرائيل)، هي مغنية مغريبية يهودية تشهرات ف لقرن لعشرين، و ب ضبط مابين ربعينات و ستّينات ب لغنا ديال لعيطة من مورا مابدّلات السكنى ل رباط.

سجلات لأغاني لولين ديالها ف لبدية ديال لعشرينات معا شركة پاطي و ڭراموفون من مورا ما رحلات ل كازا. هاجرات زهرة لفاسية ل فرانسا ف لبدية د ستّينات ومنها ل إسرائيل ف 1964.

زهرة الفاسية
زهرة الفاسية
معلومات عامة
زيادة 1905
صفرو
لموت 4 نونبر 1994 (88/89 عام)
عسقلان
لجنسية إسرائيل
لمغريب
لحرفة مغنية و ملحّين
لّوغات لي كيعرف عربية و لوغات أمازيغية
لفاميلة
لمحيط مارك طوبالي (حفيد)
لإتنية يهود
معلومات خرى
ستيل لملحون، طرب غرناطي، الشعبي و حوزي
لألة صوت
Spotify: 2XToZac3NnHKNPIoxLiXf9 Musicbrainz: 023d3cb4-b047-451d-a210-aa94269d316c Discogs: 6512662 Modifica els identificadors a Wikidata


حياتها

تولدات زهرة ؤلا زوهرة لفاسية ف صفرو، و سميتها لحقيقية هيّ إيستر، ف فاميلة يهودية بسيطة. بّاها هاجر ل فاس باش يتاجر، ولاكين من بعد تحول ل الرباط، و عاود ل الدارلبيضا فين ستاقرات لفاميلة ف بوطويل ف لمدينة لقديمة. بّاها كان كيعرض السلعة ديالو ف درب عوا. بدات زهرة لفاسية علاقتها معا لفن ب تنشيط لحفلات د ليهود، و كانت كاتهرب من لمدراسة باش تّريني معا لفراقي د لموسيقى لمغريبية ليهودية، و منّها تعرّفات على فنانين مغاربا يهود بحال السولامي، سليم عزرا، بوحبوط و شلومو الصويري.

كانت زهرة لفاسية ف اللول كاتلقّب ب الصفريوية، ولاكين باش تّعرف كتر خدات اللقب ديال "لفاسية". تشهرات بزاف عند لعائلات لبورجوازية لمغريبية لي كانت كاتعرض عليها باش تحيي لمناسبات.

تجوّجات زهرة ب قرار من بّاها لمرة اللولة من صنايعي سميتو عزرا من مدينة فاس، و ولدات معاه جوج ولاد. حيت راجلها عتارض على لخدمة ديالها ف لفن، تطلقو، و مشات زهرة ل الرباط، فين عاشت قصة حب معا حوّات و تاجر يهودي طالياني، و تجوّجو.

تحوّلو من بعد ل كازا، و من بعد ل فرانسا، و ف اللخر هاجرو ل إسرائيل. راجها تابيرو كان كيلبس ديما الجلابة لمغريبية و الطربوش، و زهرة لفاسية كان معروف عليها بلي ديما لابسة لقفطان. النهاية ديالها كانت حزينة، حيت بعدما هاجرات ل إسرائيل، تجاهلاتها قنوات لميديا لإسرائيلية لي كانت كاتفضّل لموسيقى لغربية، و بحال بزاف د ليهود من بلدان شمال إفريقيا و الشرق لأوسط تعرّضات ل لحڭرة و لعنصرية. الشاعر ليهودي لمغريبي إريز بيطون ملي سمع قصتها كتب عليها قصيدة، لي ولات دابا جزء من لمقرر د لمدراسة ف إسرائيل.

لأغاني ديالها

تشهرات زهرة لفاسية بتلاتة ديال لأغنيات: عيطة بيضاوية، عيطة مولاي إبراهيم وعيطة نشكي لربي. سجلات ليها وزارة تقافة ف لمغريب كاسيطة خاصة على شكل تكريم ليها، وفيها تمنية ديال لأغاني:

  • حبيبي ديالي فين هو
  • يا محلى وصولكم
  • حبك تلفني على شغالي
  • يا وردة
  • الغربة
  • زاد علي الغرام
  • شعلت النار
  • سعدي ريت البارح

عيون لكلام

زهرة الفاسية 
هادي زريعة ديال مقالة خاصها تّوسع. تقدر تشارك ف لكتبة ديالها.

Tags:

إسرائيلالدار البيضاالرباطصفروعوام 1940عوام 1960عيطةفرانسالقرن 20مغاربا يهود

🔥 Trending searches on Wiki داريجة:

جن عاشقؤروپا1304لعراقدنيا باطماشابأكتوبر11 يوليوزالصفحة اللولاإنسطاڭراملانا روودز10 ماي20 نونبرشاط جي پي تي1988قسيمبلجيكا199711931789مراكش1972181513 يونيومورماي18021289مركوبلمطايفة د غزة و إسرائيل د أكتوبر 2023لامين يامالكوريومتبريدلخميس1993فيلمأليكسي ناڤالنيبوسكةناوروريال مدريدجاپونيةكينيالحماية لفرانساوية على لمغريب16361899بوطولا 1لبنج (راپور)1836182519 يونيوليصوطوسراق الزيتحجيب26 يونيوإيلينويموناكوتولپايود13691308ما18791822صيونص5 يوليوزدير تومليلين29 يناير7 يوليوز6 ينايرآيفون167018208 يونيوشوبيمنى أمرشا1534🡆 More