رومانيا (بالرومانية: România) رسمِياً جمهوريَّة رومانيا هي بلاد جات ف لجنوب الشرقي د ؤروپا.
تاتحدّها من الشمال أوكرانيا، من الشمال الشرقي مولدوڤا، من الشرق لبحر لكحل، من لجنوب بلغاريا، و من لغرب صربيا و هنݣاريا.
رومانيا | ||||
România (ro) | ||||
نشيد | نشيد رومانيا الوطني
| |||
لعاصيمة | بوخاريست | |||
الساكينة | ||||
شحال دالسكان | 19,053,815 (2022) | |||
السمية ديال السكان | روماني، رومانية، رومانيين, رومانيات | |||
اللوغات الرسمية | الرومانية | |||
متوسط ديال لعمر | 75.0122 (2015) | |||
لجغرافيا | ||||
لميساحة | 238,397 كم² | |||
لقمة لعالية | قمة مولدوفينو (2,544 م) | |||
لبلاصة الطايحة | لبحر لكحل (0 م) | |||
تاريخ | ||||
توارخ مهمة | توحيد ولاشيا ؤ مولدوڤا (24 يناير 1859 (يوليوسي)) الحرب الروسية العثمانية (10 ماي 1877 (يوليوسي)) يوم الوحدة (1 دجنبر 1918) الثورة الرومانية 1989 (22 دجنبر 1989) معاهدة برلين (13 يوليوز 1878) | |||
لإدارة | ||||
نضام الدولة | نظام شبه رئاسي | |||
رئيس رومانيا | كلاوس يوهانيس | |||
رئيس وزراء رومانيا | Marcel Ciolacu | |||
لبرلمان | البرلمان الروماني | |||
لقتيصاد | ||||
الناتج الداخلي لكامل | 285,404,683,025 $ (2021) | |||
لبيطالة (شوماج) | 7 % (2014) | |||
مؤشر التنمية لبشرية | 0.821 (2021) | |||
لفلوس | ليو روماني | |||
معلومات خرة | ||||
توقيت ديال لبلاد | ڭرينيتش +2 | |||
رمز لبلاد | RO | |||
رمز لانترنيت | .ro | |||
رمز التيليفون | +40 | |||
نماري د ليرجونس | 112 | |||
جيهة د صوڭان | ليمن | |||
السيت الرسمي | guv.ro |
لبلاصة اللي فيها رومانيا عندها تاريخ طويل و حكموها بزاف د لبلدان. ف 1541 حكمات الدولة لعتمانية لمنطقة، و بقات فيها تال 1699، من مورا حرب طويلة دخلات فيها لأراضي د رومانيا مع لإمبراطورية النمساوية لهنݣارية. ف 1866 تأسسات رسميا دولة سميتها رومانيا، و ستاقلات كاملة من الدولة لعتمانية ف 1877. ف وسط لحرب لعالمية التانية، مشاو ل رومانيا شي أراضي لي ولاو طرف من هنݣاريا، و أراضي آخرين خداهم لإتحاد السوڤياتي (و اللي ولاو هوما الدولة د مولدوڤا مبعد). من مورا لحرب ولات رومانيا ديكتاتورية شيوعية، و بقات هاكاك تال 1989 فين وقعات تورة و تعدم فيها الرئيس تشاوشيسكو و مراتو. من ديك الساعة ولات رومانيا ديموقراطية كتر و تبعات النضام الليبيرالي.
تيسكنو ف رومانيا تقريبا 19.5 مليون د الناس، و لعاصمة ديالها هي بوخاريست. اللغة الرسمية د لبلاد هي الرومانية، و لفلوس اللي كاتخدّم هي اللّيوْ. رومانيا داخلة مع بزاف د لمنضمات دولية بحال لأمم لمتحدة، لإتحاد لأوروپي (دخلات ليه ف 2007) و الناطو (دخلات ليه ف 2004). لأغلبية د السكان د لبلاد متبعين الديانة لمسيحية، و بالضبط لأورطودوكسية الشرقية.
سّمية د رومانيا تشتقات من كلمة "رومن" (ب الرومانية: român) و اللي كتعني الرُومان و اللي ب داتها مشتقة من لكلمة اللاتينية "رُومانُوس" (ب اللاتينية: romanus)، و معناها "مواطن من روما".
أقدم بقايا بشرية ف أوروپا لقاوها فواحة لكهف مع عظام فرومانيا لعصرية. و كاترجع ل كتر من 42.000 عام و كتبقى أقدم أتار بشرية من قارة أوروپا، و يمكن يكون أول شعب دخل لأوروپا. لبقايا كاتّعتابر متيرة للهتيمام حيتاش فيها خليط من لأثار.
ف لعصور لوسطانية عاشو الرومانيين فتلاتة د لمناطق: ڤالاكيا، مولداڤيا و طرانسيلڤانيا. من لقرن حضاش رجع جزء كبير من طرانسيلڤانيا تحت لحكم الداتي تابع ل مملكة هنݣاريا، و رجعات مستاقلة بسمية إمارة طرانسيلڤانيا ف لقرن سطاش حتى 1711. ف ڤالاكيا و مولداڤيا بانو بزاف ديال لإمارات ف لقرن ربعطاش تابعة لهم باش يكافحو التهديديات لعتمانية. ف 1541 ݣاع لجزيرة لبلقانية و جزء كبير من هنݣاريا رجع تحت السيطرة لعتمانية. ڤالاكيا، مولداڤيا و طرانسيلڤانيا رجعو تابعين للعتمانيين حتى هما. و بقاو بحال ولايات عتمانية حتى نص لقرن تسعطاش (طرانسيلڤانيا حتال 1699). ف لّخر ديال لقرن سبعطاش، هنݣاريا و إمارة طرانسيلڤانيا رجعو جزء من لإمبراطورية النمساوية لهنݣارية. و ف 1718 ؤلتينيا اللي هي جزء مهم من لأراضي الرومانية تزادت حتى هي ل لإمبراطورية النمساوية لهنݣارية.
رومانيا لعصرية تنشئات باتحاد إمارة مولدوڤا و إمارة والاشيا عام 1859، و ففترة انتخابات لحاكم موحد لهاد زوج الإمارات، تجبر ل أليكسندرو أيوان كوزا على مغادرة الأراضي الرومانية. و ف 1881 تّوج كارول اللول ك ملك د رومانيا، و ف عام 1913 دخلات رومانيا ف لحرب لعالمية اللولة مع دول الحلفاء عكس جارتها المجر، منين تسالات الحرب تاحدات ترانسيلڤانيا مع رومانيا ف 1 دجنبر 1918.
ف 30 دجنبر 1947 تعلنات الجمهورية الشعبية الرومانية. رجع نيكولاي تشاوشيسكو رئيس الحزب الشيوعي الروماني عام 1965 و رئيس للدولة عام 1967. عانى الشعب فيها فترة من الجوع و الفقر حيتاش كان خاسهم يشدو الصف لسوايع باش ياخدو الخبز و الفرماج و غيرهم. واخا هاكا، كانت رومانيا قوية اقتصاديا فالصناعة و الزراعة.
ستامرات الفترة الشيوعية من 1964 حتى عام 1989 تحت قيادة الديكتاتور نيكولاي تشاوتشيسكو، و ف هاد العام ناضت الثورة الرومانية اللي كملات بقتل الديكتاتور نيكولاي تشاوتشيسكو و مراتو إلينا تشاوتشيسكو ب لقرطاس، تبث الإعدام ديالو ف التلفازة الرومانية و العالمية.
مورا الثورة اللي طيحات بالديكتاتور تشاوتشيسكو رجعات رومانيا دولة ديموقراطية و بدات تقرب كتر ل لمعسكر الغربي، حيت حتى عسكريا دخلات ل حلف الناطو ف 2004 اللي كيجعلها تحت حماية ݣاع الأفراد ديال الحلف بحال ميريكان.
دفعات رومانيا باش تدخل للاتحاد الأوروپي ف1995، و دخلات نيشان هي و بلغاريا نهار فاتح يناير 2007م، مورا ما نفدات متطلبات الاوروپية بحال محاربة الفساد اللي كان متمثل بالرشوة داخل المؤسسات الحكومية و زيد لها بزاف ديال الإصلاحات الاقتصادية لي دارتها.
مصاص الدم "دراكولا" هي شخصية كيرجع أصلها ل رومانيا، و كان سميتو ڤلاد لخوازقي (بالرومانية:Vlad Țepeș)، سماوه ب "لخوازقي" حيتاش كان كيستعمل الخازوق فتعديب و قتل لعديان و الأسرى ديالو.
اللغة الرومانية هي خامس أكبر اللوغات اللاتينية من حيت عدد لهاضرين بيها. كيهضرو بيها ك لغة أم 24 مليون شخص، و هي لُغة رَسمِيّة فجُمهُورِيّة رُومَانِيا وجُمهُورِيّة مُولدُوڤا. يمكن لك تلقى بزاف اللي كيتكلمو الرومانية ف صربيا و الجبل الكحل (مونتينيݣرو)، الطاليان، سپانيا، ميريكان، كانادا، فرانسا، ألمانيا، روسيا، ؤكرانيا، هنݣاريا، و البلقان. و اللغة الرومانية عندها مكانة رسمية فجمهورية رومانيا و جمهورية مولدوڤا، و حتى دولة ترانسنيستريا اللي ماشي معتارف بيها و إقليم ڤويڤودينا ف جمهورية صربيا و اللي كاتمتع ب حُكمٍ داتِيّ. و الرومانية وحدة من اللغات الرّسمِيّة ديال لإتّحاد الأوروبّي و لإتّحاد اللّاتِينِيّ.
دخلات بعض الكلمات العربية ل اللغة الرومانية إما على طريق:
تقدر تزيد شوف بزاف د تّصاور و لمعلومات ديال Romania ف ويكيميديا كومنز. |
This article uses material from the Wikipedia داريجة article رومانيا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.