بوتان

تاتحدُها من لجنوب و الشرق و لغرب لجمهورية د لهند، ومن الشمال الشينوا. تاتفرقها على نيپًال لولاية د سيكيم لهندية، و على بانݣلاديش لولاية د لبنݣال لغربية. تيسمًيو الناس د بوتان بلادهم "دروك يول"، و اللي تاتعني لأرض د التنين.

بوتان
نشيد	نشيد بوتان الوطني [[فيشي:|100px]]
لعاصيمة	تيمفو
الساكينة
شحال دالسكان	807,610 (2017)
السمية ديال السكان	بوطاني، بوطانية، بوطانيين, بوطانيات
اللوغات الرسمية	لغة دزونكا
متوسط ديال لعمر	71.5 (2021)
لجغرافيا
لميساحة	38,394 كم²
لقمة لعالية	جانجخار بوينسوم (7,570 م)
لبلاصة الطايحة	Drangme Chhu (97 م)
لإدارة
نضام الدولة	ملكية دستورية
ملك بوتان	جيغمه خيسار نمجيل وانغشاك
رئيس الوزراء بوتان	لوتاي تشيرينج
لبرلمان	برلمان بوتان
سلطة لقضائية لكبيرة	Supreme Court of Bhutan
لقتيصاد
الناتج الداخلي لكامل	2,539,551,327 $ (2021)
لبيطالة (شوماج)	3 % (2014)
مؤشر التنمية لبشرية	0.666 (2021)
لفلوس	نغولترم بوتاني
معلومات خرة
توقيت ديال لبلاد	ڭرينيتش + 6 توقيت بوتان
رمز لبلاد	BT
رمز لانترنيت	‎.bt‎
رمز التيليفون	+975
نماري د ليرجونس	112، 110 و 113
جيهة د صوڭان	ليسر
السيت الرسمي	bhutan.gov.bt

بوتان فيها الجبال د لهيمالايا و بزاف د لمرتفعات فوق 7000 ميطرو. ف 2006، تكلاصات بوتان أسعد بلاد ف آسيا و تامن أسعد بلاد فلعالم، على حساب دراسة دارتها لجامعة د ليستر ف لينݣليز.

تيسكنو ف بوتان تقريبا 741.000 واحد و لعاصمة ديالها هي تيمفو، اللي هي تا أكبر مدينة فلبلاد. من 2008، ولات السلطة ف بوتان عند الشعب، من مورا ما رد لماليك النظام د لحكم من ملكية مطلقة ل ملكية دستورية. اللغة الرسمية هي الدزونݣخا و لفلوس اللي كاتخدًم هي نݣولتروم. بوتان عضو ف لأمم لمتحدة و الرابطة د جنوب آسيا د التعاون لإقليمي (سارك).

ديانات

مقدر بين تلتين و تلات رباع ديال سكان لي ف بوتان أنهم تابعين دين لبودي د ڤاجرايانا، لي هو دين ديال لبلاد. تقريبان بين ربع و تولوت تابعين دين لهيندوسي. ديانات لخرين مافايتينش %1 ديال سكان. لإطار لقانوني لي كاين دابا، من ناحية لمبدأ كيضمن لحرية د دين؛ والاكين تبشير ممنوع بقرار ملكي و بتأويل قانوني لدوستور.

لبودية دخلات بوتان ف لقرن سابع لميلادي. لماليك تيبيتي صونݣطسين ݣامپو (حكم بين 627 ؤ 649) رجع بودي ؤ طلب باش يتبناو جوج د لمعابد بودية، واحد فبومطانݣ فوسط بوتان ؤ لاخور فكييشو لهاكهانݣ (حدا پارو) ف لواد پارو.