باناصا

باناصا هيّا مدينة مورية أمازيغية رومانية قديمة، كترجع لؤصول ديالها ف لغالب ل لقرن رّابع قبل لميلاد، ؤلا حتا قبل.

باناصا كانت عندها أهمية قتيصادية كبيرة حيت جات علا واد سوبوبوس (واد سبو)، ؤ كانت مكونيكطية مزيان معا رّيزو د تّيجارة لمتوسطية ف لعصر لقديم.

باناصا
باناصا
معلومات عامة
نوع د لموضع تجمع د بنادم، موقع أركيولوجي و مدينة قديمة
لبلاد لمغريب
طرف من موريطانية و لإمبراطورية الرومانية
تّقافة أمازيغ و رومان
تاريخ د لبني 400 قبل لميلاد
مستوى تراتي ترات تقافي ديال لمغريب


من لعصر د لموحدين لموضع ولات عندو أهمية دينية كبيرة ب سباب لأضرحة ديال أوليا بحال سيدي علي بوجنون، سيدي حمد لݣرج ؤ سيدي بوعزة.

مدينة باناصا حدد لموضع ديالها لباحت لفرانساوي شارل جوزيف تيسو ف 1871 من نقيشة تّلقات فيها، ؤ كانت قبل معروفة غير من لمكتوبات رّومانية.

سمية

تحت لحتيلال رّوماني كانت رسميا معروفة ب سمية يوليا والينتيا باناصا Iulia Valentia Banasa. ف لوقت ديال لإمبراطور ماركوس أوريليوس تبدلات سّمية ل كولونيا أوريليا باناصا Colonia Aurelia Banasa. سّباب ديال هاد تّبدال د سّمية ل حد سّاعة مامعروفش، مي تقدر تكون عندها علاقة معا ضطيرابات طرات ف لمدينة.

لموضع

باناصا 
لموضع ديال باناصا

باناصا جات علا طّريق ما بين طنجيس ؤ سالا كولونيا، علا ضّفة لجانوبية ديال سّوبوبوس، 17 كيلوميطر من مشرع بلقصيري.

تاريخ

لفترة لمورية

باناصا 
60 ديناريوس ديال لماليك يوبا لموري تّلقاو ف باناصا ف 1907

لمدينة بدات غالبا كا ڤيلاج موري ف لقرن رّابع ق.م.، ؤلا قبل. كاينين أتار تّلقاو فيها يقدرو يكونو كيرجعو ل لقرن لخامس ؤلا سّات قبل لميلاد. من بعد ما مات لماليك بوكوس تّاني ف 33 ق.م.، لإمبراطورية رّومانية ولات مسيطرة علا مملكة موريطانية بشكل ماشي مباشر. ف لفترة ما بين فاش مات لماليك لّخر د سّلالة لمورية ديال باݣا، ؤ فاش تولا لماليك يوبا لحوكم ف 25 ق.م.، لإمبراطور أوݣوستوس غادي يرد باناصا كولونيا، باش يسكنو فيها لعساكريا لمتقاعدين لي شاركو ف معركة أكتيوم ف 31 قبل لميلاد، ولاكين لحوكم لفيعلي غادي يكون ف يد لماليك يوبا. باناصا كانت من بين تلاتة د لمدون لي ردّها لإمبراطور أوݣوستوس كولونيا رومانية؛ جّوج لوخرين هوما بابّا ؤ زيليس. علا حساب لمؤرّخ لألماني طيودور مومزن، علاين 10000 عساكري روماني ستاقرو ف هاد لمدون ب تلاتة ف لمجموع.

ملي وقع غتيال ديال لماليك پطوليمايوس لموري ف 40 ميلادية، لمدينة ف لغالب عرفات ضطيرابات سياسية ؤ جتيماعية. لكوش د لرض لي كاترجع ل لفترة قبل رّومانية، مغطية دابا ب طبقات غليضة ديال تّرسبات لوادية من فياضانات د واد سبو. يلاه شي جوج بلايص، ف لجانوب ؤ شمال د لمدينة، فين كشفو لعولاما عليها. نقدرو نݣولو بلي باناصا ل حد سّاعة باقة ماكشفات علا أغلبية د لأسرار ديالها. لأتار لقدام لّولين لي تلقاو كانو علا عمق 10 ميترو تقريبا، ؤ هوما عيبارا علا طراف د لفخار لي ماكيشبهو ل حتا شي حاجة خرة تّلقات ف لموضع ؤ ماقدروش لباحتين يأرخوها ب تّدقيق.

علا عمق 4.5 ميترو، تحت من طّبقة رّومانية، تّلقاو لأتار ديال بني قديم ديال طّين ؤ لقرمود ؤ فرارن ديال لمصاوبة د لفخار كيرجعو ل لقرن تّاني ؤ تّالت ق.م. ل نفس لفترة كيرجعو قبورا لي كاينين ف لجانوب شّرقي ديال لفوروم، ؤ تّلقاو فيهوم مجوهرات ب صيناعة بونيقية لي قدم من لقبورا، ؤ كيرجعو غالبا ل لقرن لخامس ؤ سّادس قبل لميلاد.

لفترة رّومانية

ف 40 ميلادية ولات باناصا تابعة ل رّومان بشكل موباشير. من بين لأتار د لحياة ليومية د هاد لفترة لي تّلقاو كاينين حوانت، مخبازات، فرارن، حمامات ؤ معابد. تّلقاو حتا نقيشات علا لحجر ؤ علا لبرونز، منهوم عاداد د دّيپلومات لعسكارية، ربعة د لمراسم (جمع مرسوم) ديال لپاطروناج، ؤ جوج ديال تّيكستات لقانونية، واحد منهوم كيعفي فيه لإمبراطور كاراكالا سّكان د باناصا من ضّرايب ف عام 216، ؤ لاخور لي كيتسما طابولا باناصيطانا، من لعهد ديال ماركوس أوريليوس ؤ ديال كومودوس، لي كيحدد شّروط باش لأجانب يقدرو ياخدو لجنسية رّومانية، ؤ طّاريقة د تّنضيم ديال لمجلس د لمستشارين.

ف لقرن تّالت لميلادي، تخربات لمدينة ؤ تهجرات، قبل ݣاع من لقرار ديال لإمبراطور ديوكليتيان ف عام 258 باش تّخلا سّلطة رّومانية علا لجانوب د موريطانية طّنجية.

لفترة لعصرية

لمدينة تعرف عليها لباحت لفرانساوي شارل جوزيف تيسو ف 1871 من نقيشة تّلقات فيه، ؤ زاد توكد هادشي ملي تّلقات كمشة فيها لألاف د لعوملات لقديمة حدا ضّاريح د سيدي علي بوجنون ف 1904. ولاكين لبحت لأركيولوجي ف باناصا مابدا حتال 1911، ؤ بشكل فيعلي ف 1933 تحت لإشراف ديال رايموند توڤنو، ؤ ب لمعاونة ديال ؤجين ألبيرطو ؤ أرمان لوكي. هاد لباحتين كانو مهتمين غير ب لأتار رّومانية، ؤ ماتسوقوش ل لبقايا د لحضارة لمورية لي سبقاتها.

لمعمار

لمدينة تّبنات علا سّتيل رّوماني ف عهد أوݣوستوس، علا شكل تربيعة ب توجيه شمال جانوب، ؤ ف لفترة لّخرة ديال لإمبراطورية رّومانية لغربية، تعاود لبني ديال تّربيعة ب توجيه شمال شرقي جانوب غربي.

أقدم بني كشفو عليه لعولاما ل حد سّاعة ف أغلبيتو كيرجع ل لقرن لّول لميلادي. ل هاد لفترة تأرخ لفوروم ف باناصا، لي تّبنا ف وقت لإمبراطور ماركوس أوريليوس فوق من فورومات قدام. هاد لفوروم كاين ف صّونطر د لمدينة، ؤ لأبعاد ديالو 34 ف 37 ميترو. علا جّناب ديالو كاينين پورتيكات (كولوارات رومانيين)، ف شّمال ديالو باسيليكا ؤ ف شّرق ديالو قاعة ب جنب مقوس. ف لجانوب كاينين خمسة د سّيلات قدّامهوم پورتيكة. هاد سّيلات مديورين فوق مينصة لي قدّامها حجرات مربعين لي ف لغالب كانو فوق منهوم تماتيل. لبلان د لبني كيشبه لبلان ديال معابد تّلقاو ف مدون د موريطانية بحال وليلي، شالة ؤ شرشال لي دابا كاينة ف دزاير. حتا بنيان ديني أخور ماتّلقا ل حد سّاعة، من غير مبنى صغير يقدر يكون معبد كيرجع ل فترة مامعروفاش كاين ف لجانوب لغربي د لمدينة.

باناصا 
ستيلة رومانية مكتوبة ب لّاتينية

من بين لمباني لعمومية لي تّكشف عليهوم، كاينين لحمامات، لي تّلقاو منهوم خمسة غير ف لبلاصة لي تحفرات ل حد دابا. ب لإضافة ل ماكيلوم (سوق مغطي) كاين ف لغرب ديال لفوروم، لي كان شاد تقريبا حي كامل بوحدو.

دّيور د سّكنى د لأغنيا ف باناصا ماكيختالفوش علا دياول وليلي، من غير بلي ماشي مرفّحين ب نفس لمستوى. دّيور د نّاس لعاديين مامنضمينش مزيان، ؤ لبلان ديالهوم كيشبه ل دياول ليكسوس ؤ تامودا. بزاف د لحوانت حتا هوما تّكتاشفو، من بينهوم مخبازات، لي تّم تّعرف عليهوم ب دّوزان لي فيهوم، شّي لي كينساجم معا نّوع د لمنتوج د لمنطقة بحال لݣمح، عكس لمعاصر د زّيتون لي قلال يلا قارنّاهوم معا لي كاينين ف وليلي. لمضهر لعيان ديال هاد لمباني سبابو هوّا تّخدام د مواد رخيصة ف لبني، حيت لمقالع د لحجر ب جودة مزيانة كانو بعاد علا لمدينة. لقرمود لمقطع مزيان علا شكل مستطيل مخدمينو غير ف لمباني لعمومية، ؤلا ف تّزواق، لي زاد تطور ف لقرن تّاني ؤ لقرن تّالت ميلادي ب زّليج لي تأمپورطا من بلايص خرين، ؤلا مرسومات د لحيط (فريسكوات).

تصاور تخادو من سّما بينو بلي كاينين أتار ديال قشلة عسكارية ؤ قلعة ديفاعية ف لجانوب شّرقي د لمدينة، مي علا لرض مالقاو لعولاما حتا شي أتار باينة.

لقتيصاد ؤ لموارد

صّيناعة د لفخار

لأتار ديال فرارن د لفخار من لقرن تّاني ؤ تّالت قبل لميلاد كاتدل علا صّيناعة لمحلية ف باناصا. صّناع لباناصيين كانو كينتجو ماعون د لفخار مصبوغ ب ستيل لي كان متأتر ب سّتيل د لفخار لإيبيري ؤ لبونيقي لي كانو معروفين ؤ منتاشرين بزاف ف لمنطقة د لبحر دّخلاني.

طّقوس دّيانية

كاينين نقيشات كيدلو علا لممارسة د طّقوس ديال دّيانة رّومانية ف باناصا. ب لإضافة ل رّبايب د ليونان بحال رّبة سيبيل، ؤ رّبة لمصرية إيزيس.

عيون لكلام

مزاود

شوف تا

باناصا  تقدر تزيد شوف بزاف د تّصاور و لمعلومات ديال Banasa (Morocco) ف ويكيميديا كومنز.

Tags:

باناصا سميةباناصا لموضعباناصا تاريخباناصا لمعمارباناصا لقتيصاد ؤ لمواردباناصا طّقوس دّيانيةباناصا عيون لكلامباناصا مزاودباناصا شوف تاباناصاأمازيغلإمبراطورية الرومانيةمورواد سبو

🔥 Trending searches on Wiki داريجة:

الجيش الملكيخديجة الرياضي1898عبد الإله بنهدارفيرميومسپانيا11 يوليوزنيكي ميناج9 يوليوزنيوبيومكانادا1289140630 يونيوآيت داود1650ݣابرييل بن سمحونفريدا كاهلوالنضام الشمسي1207شفق20 أكتوبرعوام 1540أيل لأطلسلمغريب6 يونيوزينة الداوديةنمرة دريةوانزةكوريوم1920توريا جبرانلمرابطينديبمورعومان (بلاد)رئيس لوزارا2006لهندجن عاشقالوداد البيضاويبوݣودراضي بن عبدسلامليبيا19751450لخميسأيل حمرليونيسكو19671304فرقة لهناوات2002خالد الضاويعبد الحفيظ بن الحسن1821سفنجتسوناميإقليممايموناكو3 ينايرأوپيك1893ياسمين مرابطيوتوببني يزناسن1297سينيڭالأحمد جوادباباغيو20187 يوليوز1735🡆 More