أنضورا

أنضورا، ولا رسميا إمارة أنضورا (بلكاطالانية: Principat d'Andorra)، هي بلاد ماعندهاش بحر و ميكروبلاد جات ف جبال لپيريني ف لجنوب لغربي د أوروپا مابين فرانسا و صبانيا اللي حادينها بجوج.

عايش فيها تقريبان فيها 80 ألف واحد و لعاصمة ديالها هي أنضورا لقديمة. كايحكمها مقيم عام صبليوني و رئيس ديال فرانسا، و لحوكومة هي ديموقراطية برلمانية.

أنضورا

Andorra (ca)

أنضورا أنضورا
نشيد إل ڭران كارلماني

لعاصيمة أنضورا لقديمة
الساكينة
شحال دالسكان 85,101 (2023)
السمية ديال السكان أنضوري، أنضورية، أنضوريين, أنضوريات
اللوغات الرسمية لكاطالانية
لجغرافيا
لميساحة 468 كم²
لقمة لعالية كوما پيدروسا (2,942 م)
لبلاصة الطايحة ڭران ڤاليرا (840 م)
تاريخ
أعياد راس لعام (1 يناير)
نهار الدستور (14 مارس)
نهار ميريتشيل (8 شتنبر)
عيد لميلاد (25 دجنبر)
لإدارة
نضام الدولة إمارة مقاسمة و برلمانية
لأمير لفرانساوي
لأمير د لكنيسة
خوان إنريك ڤيڤيس
إمانويل ماكخون
لوزير اللّول د أندورا شابيير إسپوت سامورا
لبرلمان لمجلس لعام د أنضورا
لقتيصاد
الناتج الداخلي لكامل 3,325,145,407 $ (2021)
مؤشر التنمية لبشرية 0.858 (2021)
لفلوس أورو
معلومات خرة
توقيت ديال لبلاد التوقيت د وسط أوروپا
أوروپا/أنضورا
رمز لبلاد AD
رمز لانترنيت .ad
رمز التيليفون +376
نماري د ليرجونس 112، 110، 116 و 118
جيهة د صوڭان ليمن
السيت الرسمي govern.ad

أنضورا هي دولة لاباس عليها بسباب سياحة أساسا؛ كايزورها سنويا 10.2 مليون سائح.

أنضورا ماداخلاش فلإتحاد لأوروبي، و واخا هاكاك كاتخدم لأورو.

لوغة رسمية هي لكاطالانية و فنفس لوقت كاتستعمل صبليونية، لفرانساوية، و لبرتغالية.

رياضة

أنضورا معروفة برياضات ديال شتوة، عندها أراضي كبيرة ديال هبطات د سكي ف جبال لپيريني (3100 هكتار و350 كلم ديال لهبطات) و جوج ديال محطات د سكي، ݣراندڤاليرا هو أكبر واحد منهم و لي مشهور كتر. رياضات خرين كيتعلبو ف أنضورا بحال لكورة، ريݣبي، لباسكيط، ولهوكي بجراير.

بنسبة لهوكي بجراير، أنضورا موالفة تلعب فلبوطولة د ؤروپا و كاس لعالم. فـ2011، نضمات أنضورا لفاينال أيت د بوطولة د ؤروپا د لفراقي.

ف كورة لبلاد ممتلة ب لمونتاخاب د أنضورا د كورة. لفرقة ربحات أول ماتش رسمي ديالها ف 13 أكتوبر 2004 ضد مقدونيا فتصفيات د كاس لعالام، و أول ماتش ربحاتو ف تصفيات د كاس ؤروپا كان ف 11 أكتوبر 2019 ضد مولدوڤا. لكورة ف أنضورا مكلفة بيها لجاميعة لأنضورية د كورة لي تأسسات ف 1994، لي كاتنضم لمسابقات د كورة (پريميرا ديڤيزيون، كاس دوستور، و سوپيركوپا) و لفوتصال. أنضورا دخلات ليويفا و ل فيفا ف نفس لعام، ف 1996. إف سي أنضورا، لي كاين ف أنضورا لقديمة و تأسس ف 1942، كيلعب ف شومپيونات د صبانيا.

ريݣبي هي رياضة شعبية ف أنضورا، حيت مأترة بزاف بشعبية ديالها ف لجنوب د فرانصا. لمونتاخاب د أنضورا د ريݣبي، لي مسميين عليه إلس إزاردس، كيشارك ف نيڤو دولي ف ريݣبي د سبعة و ريݣبي د خمسطاس. ڤي پي سي أنضورا 15، لي هي فرقة د ريݣبي ف أنضورا لقديمة، كاتلعب ف لبوطولة د فرانصا.

شعبية ديال لباسكيط طلعات ف أنضورا ف تسعينات، ملي فرقة من أنضورا بي سي أنضورا طلعات لقيسم لول د صبانيا. مور 18 لعام لفرقة عاود رجعات لنفس نيڤو ف 2014.

رياضات خرين كيتلعبو ف أنضورا، بحال پيكالات، لڤولي، جودو، لكورة د ؤسطراليا، لهوند، لعومان، جيمناستيك، تينيس، و لماطر. ف 2012، أنضورا قادات أول فرقة ديالها د لكريكيت ولعبات ماتش ف بلادها ضد فرقة من هولاندا، لي هو أول ماتش ملعوب ف تاريخ أنضورا ف علو ديال 1300 ميترو.

أنضورا شاركات لمرة لولا ف لعاب لؤلمپية ف 1976، من داك لعام ولبلاد ديما مشارك ف لعاب لؤلمپية د شتوة. أنضورا كاتشارك حتا ف لعاب ديال لبلدان صغار د ؤروپا، لي نضماتهم جوج د لمرات ف 1991 و 2005.

عيون لكلام

أنضورا  تقدر تزيد شوف بزاف د تّصاور و لمعلومات ديال Andorra ف ويكيميديا كومنز.

Tags:

🔥 Trending searches on Wiki داريجة:

ليونانفاطمة الفهريةسيمو السدراتيرمضانحرشةسپانياعبد العزيز الستاتيوضعية د السيكس بجنب5 دجنبرالعبودية ف المغربيوجينيو زامبيجيمونية لمكيملالشينواإيرانكوڤيد-19سيكس (بيولوجيا)كيلڤين كيپتوم26 مارسأنترنيتلحدمراپاريدوليا قمريةعزيز داداسزعزعليبيرياإسلانداالسعوديةأنس زروريطوبيسأدب تشلحيتكاناداالجيش الملكيأبريلدكا صطيناعيمولودية وجدة1833أنطاركتيكاالقائم بأمر الله السعديمحسن لغمريجون رونالد رويل تولكينتقويم ميلاديفكرونحياةليزبيانةبن خلدونليونيل ميسيفرانسالپولونيةطاجيندنيا بوطازوت21 دجنبرحرتوكا17 يونيوعبد لحق الشراطليمن (سياسة)2015ويقاموسمحمد بن عبد الكريم الخطابيسطاتنيوزيلانداعبد الله بليندةليتوانياليبياݣعيد على لوجهلڤوليمحمد أكوناضلونطروپيالتشيك🡆 More