Ano ‘arawen ko likisi(歷史) no Taywan a tamaw a matayal pakayra toya ‘aol hananay i, alatek pakaalaay to topinapina a mihecaan, o ‘aol to ‘orip no tamdaw haw i, caay pakaliyas to kalo’aol hananay, ano do’edoen no mita ko fana’ no mikingkiway(研究), ma’edeng sepat ko ka ralaylay nira.
Sakacecay : I’ayaw no 1946 mihcaan, o pipasifana’ to ninanamay to tayal to ‘aol.
Sakatosa : naitini i 1947~1969 a mihcaan, ma’edeng to pakano kamay a misanga’ to kalomaanmaan to ralodisan no ‘aol.
Sakatolo : naitini i 1970~1986 mihcaan, kalokikay to ko sapisanga’ to kalomaanmaan no tamdaw to ‘aol.
Sakasepat : naitini i ikol no 1987 a mihcaan, tangasasa imatini caayto pakaliyas to ‘aol a ma ‘orip ko tamdaw.
Omaan ko misangaan no tamdaw ato icowaay ko tamdaw a misatapang ato cimako mipasifana’ay
to tamdaw to tayal no kalo’aol, onian haw i, o haharatengen no mita, ano solinga’en a somowal i,
o ‘aol hananay, adi:hay ko kanga’ayan nira a misanga’ to kalomaanmaan to saka ‘orip no tamdaw,
ano o ‘arapi to, ano o pongki to, ano o pa^dangan to, ano o hatapes to … to kalomaanmaan i,
saheto saan o sakanga’ay no tamdaw a ma’orip, itini i kadipongan ho(日本時期) a misatipang, ato
itini i Cusaan(竹山)no Nanto(南投) hananay misalingato a mipasifana’ to tayal to samaanen
a misanga’, iraay kopinanaman a picodadan, ato iraay ko mipasifana’ay a singsi, tiya a itini a macakat
kofana’ no tamdaw to pakayraay to ‘aol ko saka’orip.
Nai’ayaw no 1929 amihecaan, yao Dipongho(日本時期) komikowanay to Taywan(台灣) i, iraay to
Itini i Nanto(南投) arotokan a mara’afas topi sa’aolan, o todongay to tadamaanay ko ‘aol itini i
kalo’orip no tamdaw, aca mara’afa’afas ami pakafan’ag to sakafana’aw ami sanga to kalomaamaan
tosaka ‘orip, itiyasato amarenak kofana’ no kalocimaci:ma ami sanga to masamaanay a ralodisan
to ‘aol hananay, romasa mikilim to matatodongay a singsi ami nanam.
Likorsato itini i 1947 amihcaan, toniya milaliw toko Dipong(日本), oyama ’osaway sangra a
‘aol’aolan oya kaholaman(華人) to a Conghamingo(中華民國) hananay , cangra toko citodongay
toya para, yaitiraay a tamdaw i napinapi:na cangra ami salongoc toya ‘aol’aolan a omah. Itiyasato a
adihay a masadak ko masamaamaa:nay a missanga’an to ‘aol a sakatayal, aca ami pacakay to saka
cakataw no ‘orip, nano o kamayay hoko sapisanga’, dodo sato o kikay to komisanga’ay, sahawi
saadihay sato a masanga’ kokalo maama:an, tangasangasa sato i romaroma a finacadan, ano i
Taynan(台南),ano i Taycong(台中) to icowacowa:ay a niyaro’ ama pacakay.
Itini i 1970 – 1986 amihcaan, o kikay to komatayalay amisanga’, naitini i ka Diponan(日本)
ami salingato nao tamdawan ho o kamay kosaka tayal ami sanga, tangasa to imatini o kikay toko
sakatayal, sanaw kalamkam to amasanga’ ko sasanga’en, tata’ak toko e^tan, adihay toko pida,
satata’ak sa adihay to ko katayalan, aca iraho ko pipadang no safo(政府), ano o ‘alapi to,
ano o ‘anengang to, to polong no ralodisan to lomaloma’an, iraay ami pacakay, naitini i Nanto
Kanmiaw(南投關廟) tangasangasa sato i loma a kanatalan.
Masamaannay ko tayal tosapi pakafanga’ to ralodisan a ‘aol tangsa i matini ?
Ano’arawen ko tayal to pakayniay pisanga’ to ‘aol a rarodisan, nanitini i 1987 a mihcaan tahatini i,
maaraay to pinapina a mihcaan, sa’ayaw yomangaay to a tayra i Tayriok(中國大陸) amipatireng to
kofa(工廠) i adihay ko mipacomodan i Tayriok(中國大陸) to ‘aol, sanaw itini i Taywanay(台灣的) a
misa’aolay i, adihay to ko marasawaday a kofa(工廠), dodosato itini i 1999. 9 a folad to mihcaan,
iraay ko ta^kayai a ‘atoray no Taywan itini i Nanto(南投) tora 921 hananay a ‘atoray, sa itiyahaca a
makali’ang ko misa’aolay, sanawhaw i kelor sato komisa’aolay, saywayni iraay ko pipadang ami
padama no Sayfo(政府), tora Kongyanyan(工研院), ato Linwoci(林務局), ato Lawiyhay(勞委會),
miriyaw aca amapalowad kora tayar pakayraay i ‘aol hananay, tongar haca amisanga’ to tadamaanay
sasanga’en tora misa’aferay to ‘aol(竹炭), ato misasimaray tora ‘aol(竹醋液).
Saikolay to a sowal, o sasatapangan no kapisanga’ to kalo’aol ami samaamaan i naitiniay i
Nantocosan(南投竹山) ato Taynankanmio(台南關廟) hananay a lingato, ato itira i 1987 amihcaan
amisatapang a ira ko pitilidan ami pasifana’ , tiya caay karasawad koka fana’ topisanga’ to
kalomaama:an, tangasa imatini a iraay hoko minanamay ato mipasifana’ay, romasato tangasa
imatini, caay kanga’ay a pacefa sato amiparoma ato miretek to ‘aol, nawhani o koka(國家) toko
cidodongay ami sinanot amatayal to ‘aol a tayal, matalaw to kafaliyosan ama ranar ko rotok ato
‘aro, misanga satora’aol i, o Sayfo(政府) to kamipalalanay toka lacecay no tayal topa kayraay i
‘aol atayar. (suman2023/06/08)
Ø Naitini amiara : ‘AOL NO TAYWAN(TAIWAN BAMBOO SOCIETY)
This article uses material from the Wikipedia Pangcah article Tayal no 'aol, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ano awa sa ko roma a sowal i, o CC BY-SA 4.0 sarocek a tilid ko sapipatorod tona maemin Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pangcah (DUHOCTRUNGQUOC.VN) is an independent company and has no affiliation with Wiki Foundation.