Санкт-Петербург

Санкт-Петербург — Россия тергееде федерал учурлу, Тӱндӱк-Кӱнбадыш федерал округта кала.

Кала 1914 јылда куран айдыҥ 31 кӱнинеҥ ала 1924 јылда чаган айдыҥ 26 кӱнине јетире «Санкт-Петербу́рг» деп атту болгон Петрогра́д, 1924 јылдыҥ чаган айыныҥ 26 кӱнинеҥ ала 1991 јылдыҥ сыгын айыныҥ 6 кӱнине јетире — Ленингра́д болгон, тегин куучында — Питер дежетен, кыскарта — СПб. Эл-јоныныҥ тоозыла Россияныҥ миллионер-калаларыныҥ ортодо экинчи јерде. 1703 јылда кандык айдыҥ 27 кӱнинде Пётр I каан тӧзӧгӧн. 1714—1728 ла 1732—1918 јј. — Россия тергеениҥ тӧс калазы. Кала Финский заливтиҥ јанында Нева сууныҥ јарадында турат. Ленинградский областьла кыйулажат, онойдо ок Финляндияла, Эстонияла талай-кыйуларлу.

Кала
Санкт-Петербург
Санкт-Петербург
Санкт-Петербург
Мааны Кебедел
Мааны Кебедел
HGЯO
Эл-тергее Санкт-Петербург Россия
Федерацияныҥ субъекты Санкт-Петербург
Ич бӧлӱк 18 аймак, 111 муниципал тӧзӧлмӧлӧр (81 округ, 21 јурт 9 кала).
Губернатор Александр Беглов
Тӱӱкизи ле географиязы
Тӧзӧлгӧн јылы 16 (27) мая 1703
Алдында аттары до 1914 — Санкт-Петербург
до 1924 — Петроград
до 1991 — Ленинград
Кала ала 1993 јылдаҥ ала
Текши јери 1439 км²
Бийиги 3 метр
Климады орто талайлык
Ойдиҥ поязы UTC+3:00
Эл-јонныҥ тоозы
Эл-јонныҥ тоозы 5 384 342 кижи (2021)
Ныктазы 3832,27 чел./км² кж./км²
Агломерация Санкт-Петербургский
Агломерацияныҥ эл-јонныҥ тоозы 5,7—6,2 млн кижи
Ук-калыктар орустар — 92,5 %
украиндер — 1,5 %
белорустар — 0,9 %
татарлар — 0,7 %
еврейлер — 0,6 %
узбектер — 0,5 %
армяндар — 0,5 %
Конфессиялар христиандар, кӧп сабазы православныйлар Московский патриархаттыҥ, мусульмандар, иудейлер, буддисттер ле о.ӧ.
Катойконим петербуржецтер,
петербуржец
Окылу тил орус тил
Тоолорлу идентификаторлор
Телефонныҥ коды +7 812
Почтаныҥ индекси 190000—199406.
АТТК-ныҥ коды 40
МТТК-ныҥ коды 40000000
Оноҥ до ӧскӧзи
Кайралдары Кала-герой Ленинниҥ ордени Октябрьский Революцияныҥ ордени Ӱлекер:Кызыл Мааныныҥ ордени
Каланыҥ кӱни кӱӱк айдыҥ 27 кӱни
Окылу эмес аттары Петербург, Питер, СПб, Тӱндӱк тӧс кала, Невада тӧс кала, Ак тӱндердиҥ калазы, Россияныҥ культуралык тӧс калазы, Бандиттердиҥ Петербургы, Криминал тӧс јер, Окно в Европа јаар кӧзнӧк, Град Петров, Петрополь, Тӱндӱк Пальмира, Тӱндӱк Венеция, Невоград, Ленин калазы, Герой-кала Ленинград, Ӱч революцияныҥ калазы.
gov.spb.ru
 (орус.) (англ.)
Санкт-Петербург (Россия)
Санкт-Петербург
Санкт-Петербург
Санкт-Петербург
Москва
Санкт-Петербург (Санкт-Петербург)
Санкт-Петербург
Санкт-Петербург
Санкт-Петербург
Санкт-Петербург
Санкт-Петербург Медиафайлдар Викискладта

Санкт-Петербургта Россия Федерацияныҥ Конституционный суды, Россия Федерацияныҥ Президентиниҥ Геральдический соведи, Тӱндӱк-Кӱнбадыш федерал округтыҥ полпредствозы, Ленинградский областьтыҥ башкарузы туруп јат, мында СНГ-ныҥ Межпарламентский ассамблеязы бар. Онойдо ок РФ-ныҥ Јуучыл-талайчы флоды ла Кӱнбадыш военный округтыҥ штабы.

Питер ӱч революцияныҥ тӧс јери болгон: 1905—1907 јылдыҥ Революциязы, Февральский революция ла 1917 јылдыҥ Октябрьский революциязы. Ада-Тӧрӧл учун Улу јуу тужында 1941—1944 јылдарда Ленинград 872 кӱн блокадада болгон, миллионго јуук кижи божогон. 1945 јылда кӱӱк айдыҥ 1 кӱнинде Ленинградка герой-кала деп нере берилген. 2018 јылдаҥ ала Санкт-Петербургла кожо ӱч кала «Јуучыл мактыҥ калалары» деп атту: Кронштадт, Колпино, Ломоносов.

Санкт-Петербург — Россияныҥ экономикалык, билим ле культуралык тӧс јери, јаан транспортный узел болуп јат. Санкт-Петербургтыҥ тӱӱкилик тӧс јери ле ондо кереестер ле комплекстер Россияда ЮНЕСКО-ныҥ телекейлик энчизиниҥ тоозына кирет (орустап список объектов всемирного наследия ЮНЕСКО); олор туризмниҥ јаан учурлу тӧс јери. Эҥ ле јарлу, јаан тӱӱкилик учурлузы: Государстволык Эрмитаж, Кунсткамера, Мариинский театр, Российский национал библиотека, Государстволык Русский музей, Петропавловский шибее, Исаакиевский собор, Невский проспект. 2019 јылда Санкт-Петербургка 10,4 миллион турист келип јӱрген.

Этимологиязы

Санкт-Петербург 
Апостол Петрдыҥ кереези, Александровский парк (Санкт-Петербург), Санкт-Петербург, скульпторы Михаил Дронов, 2008

Санкт-Петербург (Агару Петрдыҥ калазы), эҥ ле озо каланы тӧзӧгӧнинеҥ 1703 јылда кӱӱк айдыҥ 27 кӱнинеҥ ала 1914 јылда куран айдыҥ 31 кӱнине јетире каланыҥ ады Нидерланд тилле Sankt Pieter Burch, (Сан(к)тпитербурхъ) болгон; Апостол Пётрга учурлай, Петр I каанныҥ байаназы-коручылы (орустап небесный покровитель). Бажында ла Койон ортолыкта (орустап Заячий остров), 1703 јылдыҥ кӱӱк айыныҥ ортозында тӧзӧлгӧн Петропавловский шибее онойдо адалган, је удабай бу ат шибеенеҥ бастыра ортолыкка јайылган. Каланыҥ ады керегинде окылу акт јок болгон учун, Петр каанды айландыра иностранец-болушчылар ӧскӧ тилдӱ: немец, швед, нидерланд (голланд), англий тилдерле (онойдо ок императордыҥ орус болушчылары база ол тилдерди тузаланган учун), XVIII чактыҥ баштапкы тӧрт јарымында бичимелдерде каланыҥ ады јӱзӱн-башка берилген (30-таҥ артык вариант). Каланыҥ адыныҥ бастыра компоненттери: Санкт, Сант ла Сан; Питер ле Петер (кезикте энчилеечи кубулткышта:Питере, Петере); бург, бурк ла бурх. Топоним бойы бир де, эки де, ӱч те сӧс эдип бичилетен. Онойдо, Петр I каанныҥ самара бичигенинде мындый варианттар туштайт: Санктъпетерсъбурк (20.VII.1703), Сантпитербурх (20.IX.1703), Питербурх (17.V.1706), Санктпетерзбурк (20.XI.1710), Санкт-Питер-Бург (28.IV. 1714), Санктъ Питербурх (13.1.1720). «Санкт-Петербургские ведомости» деп газетте каланыҥ ады мындый варианттарла туштайт: Санктпитербурх (XII. 1703), Сантъпитербург (I.1704), Санктпитерзбурк ла Санктъпетерзбурк (V, VI.1711), је кӧп сабада — Санктъпитербурх, јӱк ле 1724 јылдыҥ јаан изӱ айынаҥ ала «Ведомости» -Питер-диҥ ордына -Петер деп бичип баштайт. Мыны кӧргӧндӧ, каланыҥ эмдиги улай ла тузаланып турган кыска неофициальный ады «Питер», туку 1724 јылдаҥ келген. Петр I каан божогон кийнинде, су-немец формала бичилгени «Санкт-Петербург» 1914 јылга јетире болгон. Неофициал тилле каланы Петербург дежетен, просторечиеде — Питер.

Апостол агару Пётрдыҥ адыла адаган да болзо, табынча Петр I каанныҥ адыла бодоштырылган. Кала Российский империяныҥ табылганыныҥ тӱӱкилик ле культуралык кереези, Россия эмдиги тӱӱкиде европейский улу держава. XVIII чактыҥ бажында каланыҥ ады Сан(к)т-Питер-Бурх деп бичилген. Кала тудуларда адын канайда бичилери керегинде јӧп тургузылбаган, је Петр I каанныҥ самаралары ла «Ведомости» деп окылу газетте кала «Сан(к)т-Питер-Бурх» деп голландский вариантла бичилген (нидерл. Sankt Pieter Burch — «Город Святого Петра»). «Санкт-Петербург» деп баштапкы катап «Ведомости» газетте 1724 јылда бичилген. Баштапкы телекейлик јуу тушта Санкт-Петербургты 1914 јылдыҥ куран айында (на волне антигерманских настроений) Николай II каан каланыҥ адын Петроград деп солыган. 1917 јылда Николай II каан јаҥнаҥ мойноп ийген, јаҥ большевиктерге кӧчкӧн. Граждан јууныҥ ӧйинде јарманныҥ фронты јуук болгон учун В. И. Ленинниҥ башкарузы Москвага кӧчкӧн, 1918 јылдыҥ тулаан айыныҥ 5 кӱнинде кала тӧс кала деп статусын Санкт-Петербург јылыйткан. 1924 јылдыҥ чаган айыныҥ 26 кӱнинде, В. И. Ленин божогон кийнинде, СССР-дыҥ Советтердиҥ Весоюзный II съезди Петросоветтиҥ сурагыла Петроградты Ленинграддеп адаган.

1991 јылдыҥ кичӱ изӱ айыныҥ 12 кӱнинде ӧткӱрилген опрос аайынча турушкан улустыҥ 54,86 % каланыҥ озогы адын ойто јандырзын деген. РСФСР-дыҥ Верховный Совединиҥ Президиумыныҥ Јӧби аайынча (1991 јылда сыгын айдыҥ 6 кӱнинде № 1643-I) каланы ойто Санкт-Петербург деп адаган.

Физико-географиялык темдектери

Санкт-Петербург 
Каланы космостоҥ кӧрзӧ, ≈ 84 км

Кала Российский Федерацияныҥ тӱндӱк-кӱнбадыш келтейинде, Приневская низинада турат. Тӧс јердиҥ координаттары: HGЯO. Кала Нева сууны јараттай, Невская губада, Финский залив ле Невский дельтаныҥ кӧп тоолу ортолыктарында турат, ол тӱндӱк-кӱнбадыштаҥ тӱштӱк-кӱнчыгыш јаар 90 км чӧйилген. Талайдыҥ кемјӱзинеҥ каланыҥ бийиги: ортозы: 1—5 м, тӱндӱк: 5—30 м, тӱштӱк ле тӱштӱк-кӱнбадыш: 5—22 м. Калада эҥ бийик јер: Дудергофские высоты, Красное Селоныҥ јанында 176 м. Каланыҥ јеринде Кронштадтский футшток, нулевая отметка, бийиги ле тереҥиниҥ Балтийский система отсчёта, бир канча тергеелерде Нивелирный сетьтиҥ исходный пункты болот. XX-чакта каланы кечире јаткан Пулковский обсерватория ажыра ӧткӧн Нулевой меридиан Российский империяныҥ карталарында географический долготаныҥ точка отсчетазы болгон.

Гидрографиязы

Санкт-Петербургтыҥ суулары ла каналдарыныҥ узуны јаба 282 км, олордыҥ ӱстиниҥ площади каланыҥ текши јериниҥ 7 % болот. Кала тӧзӧлгӧнинеҥ ала оныҥ гидрологиязы тыҥ кубулган. Јабыс састу јерде тудулган учун кургадарга кӧп каналдар, буунтылар эдерге келишкен. Казылган тобракла јараттарын кӧдӱрген. XIX чактыҥ учында Неваныҥ дельтазында 48 суу ла канал, 101 ортллык болгон. Кала јаанап кӧдӱрилген сайын кӧп суу-каналдар киртип, тайызап кӧмӱлген. XX чакта кӧмӱлген суулар ла каналдар кӧптӧп, ортолыктардыҥ тоозы 42-ге тӱшкен. Тӧс суу магистрали каланыҥ: Нева суу, ол Финский заливте Невский губала Балтийский талайга барып кирет. Дельтаныҥ јаан ла деген јеҥдери: Јаан Нева ла Кичӱ Нева, Јаан Невка ла Кичӱ Невка, Орто Невка ла Кичӱ Невка, Фонтанка, Мойка (суу), Екатерингофка, Крестовка (Орто Невканыҥ кош суузы), Карповка (Неваныҥ јеҥи), Ждановка (суу), Смоленка (суу), Пряжка (суу), Кронверкский пролив; каналдар: Морской канал , Обводный канал, Грибоедовтыҥ каналы ла о.ӧ. Неваныҥ дельтазында јаан деген ортолыктар: Васильевский, Петроградский, Крестовский ле Декабристтердиҥ ортолыгы. Финский заливте јаан ортолык: Котлин. Калада суу-каналдарды кечире 800 кӱр (предприятиелердиҥ кӱрлерин чотобозо), ол тоодо јойу кечер 218 кӱр ле 22 ачылып јабылар кӱр. Ол тоодо Кронштадтта — беш, Пушкин калада — 54, Петергофто — 51, Павловскта — 16, Ломоносов калада — 7 кӱр. Эҥ ле узун кӱр: Јаан Обуховский (вантовый) кӱр (2824 м), эҥ ле јалбак кӱр: Мойка сууда Чаҥкыр кӱр (орустап Синий мост) (99,5 м).

Коштой калалар

Климады

Санкт-Петербургтыҥ (1981—2010 јј., 1881 ала 2021 јылга јетире рекордту кӧргӱзӱлер) климады
Кӧргӱзӱ чаг кочк тулаа канд кӱӱк кизу јизӱ кур сыг ӱлӱ кӱч јаҥ Јыл
Ӱстӱги бажы, °C 8,7 10,2 15,3 25,3 33,0 35,9 35,3 37,1 30,4 21,0 12,3 10,9 37,1
Орто бийиги, °C −3 −3 2,0 9,3 16,0 20,0 23,0 20,8 15,0 8,6 2,0 −1,6 9,1
Орто температура, °C −5,5 −5,8 −1,3 5,1 11,3 15,7 18,8 16,9 11,6 6,2 0,1 −3,7 5,8
Ортолой јабыс, °C −8 −8,5 −4,2 1,5 7,0 11,7 15,0 13,5 8,8 4,0 −1,8 −6,1 2,7
Сыраҥай јабыс, °C −35,9 −35,2 −29,9 −21,8 −6,6 0,1 4,9 1,3 −3,1 −12,9 −22,2 −34,4 −35,9
Јут-чыктыҥ кеми, мм 44 33 36 31 46 71 79 83 64 68 56 51 662
Кайдаҥ алынган:

Ӧзӱмдери

Санкт-Петербургта ӧзӱмдерлӱ јажыл зона каланыҥ 40 % јерин бӱркеген (2002 јыл). 2000 јылда бир кижиге 65 м² ӧзӱмдер келишкен. Ӧзӱмдерлӱ јердиҥ текши кеми калада 31 муҥ га, ол тоодо 68 парк, 166 сад, 730 сквер, 232 бульвар, 750 јажыл ӧзӱмдерлӱ оромдор . Аспактарлу Роща. Кезик парктар јерлик ӧскӧн агаштардаҥ башталган, Карагайлу (парк), Удельный парк. Кӧп парктар јууныҥ кийнинде јаҥынаҥ салынган: Московский парк Победы, Приморский парк Победы. Каланыҥ јаказында агаш массивтер бар, олор тӱштӱк тайга подзонадаҥ арткан: Юнтоловский заказник, Ржевский лесопарк, Охта сууны јараттай, Таллинский шоссениҥ јанында, Нева суу ла темирјолдыҥ ортозында, Москва барар јолдо.

Калада ар-бӱткенниҥ корулу јети јери бар: ӱч тергеелик ар-бӱткен заказник («Юнтоловский заказник», «Гладышевский заказник», «Северное побережье Невской губы») ла тӧрт ар-бӱткендик кереес («Дудергофские высоты», «Комаровский берег», «Стрельнинский берег», «Сергиевка (јурт)»). Санкт-Петербургтыҥ Тӧс ӱлекеринде база беш заказник ле эки ар-бӱткендик кереес јазаар јери бар.

Экологиязы

Россия Федерацияныҥ экологиия ла ар-бӱткен ресурстардыҥ Министерствозыныҥ экологиялык рейтинги аайынча 2011 јылда Санкт-Петербург экинчи јерде болгон. Калада атмосфераныҥ кейиниҥ мониторингин ӧткӱрер 21 автоматикалык станция бар. Атмосферага јайылган кирлӱ кей 2009 јылда 625,3 муҥ тонна болгон. Бир кижиге бир јылда 135,9 кг, единиц площади — 434,5 т бир км²-ге. Бастыра каршулу кирдиҥ 91,9 % -тин транспорт берет. 2009 јылда бу айалга 1 % кӧптӧгӧн, стационар источниктердеҥ — 9,8 %.

Эл-јон

Санкт-Петербургтыҥ эл-јоны: 5 384 342 (2021) кижи. Санкт-Петербург — телекейде эҥ ле тӱндӱктей турган, јоныныҥ тоозы бир миллионноҥ кӧп кала. Онойдо ок Санкт-Петербург Россияныҥ миллионник-калаларыныҥ ортодо эҥ ле кӱнбадыштай турган кала. Европада калалардыҥ ортодо јонныҥ тоозыла ол Москва ла Лондонныҥ кийнинеҥ ӱчинчи јерде турат, јонныҥ тоозыла тӧс эмес калалардыҥ ортодо баштапкы јерде. Инновационный сценарий аайынча 2030 јылга калада 5,9 миллион кижи болор. Кала — Санкт-Петербургский агломерацияныҥ тӧс јери. Текши јери 1439 км², Москваныҥ јерин (2011—2012) јаанатканыныҥ кийнинде Санкт-Петербург јериниҥ кемиле бистиҥ ороондо экинчи јерде.

Эл-јонныҥ тоозы
176417651780178918001811181718251833
149 700150 300174 800217 900220 200335 600363 900424 700442 900
183718401850185218631870188218911897
468 800470 200487 300532 200539 500668 000928 0001 033 6001 264 920
190019011910191419151916191719181919
1 418 0001 439 6001 905 6002 118 5002 314 5002 415 7002 300 0001 469 000900 000
192019211922192319241925192619281930
740 000830 000960 0001 093 0001 221 0001 379 0001 590 7701 688 3002 009 500
193119351939194019411942194319441945
2 236 5152 715 7003 191 3042 920 0002 992 0002 432 000622 000546 000927 000
194619471948194919501955195619591960
1 541 0001 920 0001 998 0002 218 0002 258 0002 797 0002 814 0003 321 1963 432 000
196219651967197019731975197619791980
3 036 0003 777 2003 296 0003 949 5013 679 0004 418 0003 915 0004 588 1834 635 200
198119821983198419851986198719881989
4 669 4004 711 2004 762 1004 806 4004 844 2004 882 2004 931 2004 986 9005 023 506
199019911992199319941995199619971998
5 002 4445 007 4694 986 4054 942 8914 881 5634 845 4074 820 2134 806 6414 783 982
199920002001200220032004200520062007
4 770 8974 741 9234 714 8444 661 2194 656 4744 624 0834 600 0004 580 6204 571 184
200820092010201120122013201420152016
4 568 0474 581 8544 879 5664 899 3444 953 2195 028 0005 131 9425 191 6905 225 690
20172018201920202021
5 281 5795 351 9355 383 8905 398 0645 384 342

2010 јылдыҥ текшироссиялык тооалыжы аайынча Санкт-Петербургта 200-теҥ артык ук-калыктар (национальность ло народность) јуртайт: орустар — 3 миллион 909 муҥ кижи (бойыныҥ угын айткан бастыра улустыҥ 92,5 %), украиндер — 64 муҥ кижи (1,52 %), белорустар — 38 муҥ кижи (0,9 %), татарлар — 31 муҥ кижи (0,73 %), еврейлер — 24 муҥ кижи (0,57 %), узбектер — 20,3 муҥ кижи (0,48 %), армяндар — 20 муҥ кижи (0,47 %), азербайджандар — 17,7 муҥ кижи (0,36 %), таджиктер — 12,1 муҥ кижи (0,29 %), грузиндер — 8,3 муҥ кижи (0,2 %), молдавандар — 7,2 муҥ кижи (0,17 %), казахтар — 3,4 муҥ кижи (0,08 %), финндер— 2,6 муҥ кижи (0,06 %). Кадада 15 јаштаҥ ӧрӧ улустыҥ 31,7%-ти бийик ле јетире божотпогон бийик ӱредӱлӱ 26,7 % — орто специал ӱредӱ, 13,8 % — орто текши ӱредӱлӱ, 2287 кижи (0,06 %) — бичик билбес. 2017 јылдыҥ кӱӱк айында ишјоктордыҥ тоозы иштӱ улуска кӧрӧ 1,6 % болгон. Орто номинал ишјал, 2017 јылдыҥ кандык айында 53 272 салкой болгон (2016 јылдыҥ кандык айына кӧрӧ 112,2 %). Прожиточный минимум 2017 јылда кичӱ изӱ айдыҥ 7 кӱнинде 10 605,7 салковой болгон.

Кудай јаҥы

Социологиялык шиҥжӱ аайынча Санкт-Петербургтыҥ улузыныҥ тал ортоноҥ кӧби кудайга бӱдет (ВЦИОМ-ныҥ јетиргениле 2002 јылда 67 %). Православныйлар кӧп сабазы (57 %) болгон, экинчи јерде мусульмандар, оноҥ протестанттар ла католиктер. Ӧскӧ кудай јаҥнаҥ буддисттер ле о.ӧ. Калада бастыра јаба 268 община конфессиялар ла религиозный биригӱлер: орус православный серикпелер (131 биригӱ), Пятидесятниктер, Христиан евангельский јаҥ (23), Россияда Евангелическо-Лютеранский серикпе (19), Евангельский христиан-баптисттер (13), старообрядческий, Римско-Католический серикпелер, Армян Апостольский серикпе, адвентисттердиҥ, иудейлердиҥ, буддийлердиҥ, мусульмандардыҥ, бахайлардыҥ.

Тӱӱкизи

Санкт-Петербург 
Санкт-Петербургтыҥ кебедели 1730 јылда
Санкт-Петербург 
Нева сууныҥ оозы 18 чактыҥ бажында. Шведтердиҥ «Ингерманландия деп провинциязыныҥ генеральный картазыныҥ ӱзӱги» 1704 јылда

1703 јылдыҥ кӱӱк айыныҥ 16 (27) кӱнинде Петр I каан Санкт-Петербург каланы тӧзӧгӧн. 1712—1918 јылдарда — Россия тергеениҥ тӧс калазы. Санкт-Петербургтыҥ јеринде мӧҥкӱ тош кайыларда, эмдиги каланыҥ јерине улус келген. Кайда да 12 муҥ јыл кайра тош ыраарда улус келген. Кӱнчыгыш славяндардыҥ ильменские словене лекривичтер керегинде VIII—IX чактаҥ ала јарлу. Олордо Подсечно-огневое земледелие, мал азыраары, аҥдаш ла балыкташ, коштой калыктарга табарып тонооры болгон. IX чакта бу јерлер Киевский Русь, Јебрен орус государствого кирген, ол Улу Новгородко кирип Водская пятина, Нева сууныҥ оҥ јарадыла Карельский јер деп адалган, сол јаны — Ижорский јер. VIII—XIII чакта мында суула јол «из варяг в греки» Скандинавиядаҥ кӱнчыгыш Европа ажыра Византияга јетире болгон. Бу ӧйдӧ Новгородский республика улай ла Швецияла јуулашкан. 1240 јылдыҥ јаан изӱ айыныҥ 15 кӱнинде новгородский ополчениеле швед черӱниҥ ортозында Невага Ижора суу киргенинде јуу-јепселдӱ тартыжу болгон. Орус черӱни князь Александр Ярославич Невский баштаган. 1300 јылда шведтер Охты суу Невага киргенинде Ландскрона деп шибее туткан, је бир јылдаҥ новгородтыҥ дружиназы ла тургун карелдери биригип, шибеени орды јок эткен. Бу шибее болгон јерде Кеваныҥ оозында новгородский саду ӧдӧр јер рынок болгон. XV чакта Новгородский республикада Ижорский јер Великое княжество Московскоеге бириккен. Орус-швед јууда (1610—1617) орус черӱ јеҥдиртеле (Столбовский мир, 1617) Неваныҥ јанында јерлер Шведский Ингерманландияга кирген, саду ла администрациялык тӧс јери Ниен калада, 1611 јылда Ландскрона деп шибеениҥ ордына тудулган Ниеншанц деп шибееде болгон.

Экономиказы

Санкт-Петербург — Россия Федерацияныҥ јаан учурлу экономикалык тӧс јерлериниҥ бирӱзи. Каланыҥ
Валовый региональный продукты (ВРП) 2015 јылда Росстаттыҥ статистиказы аайынча 3,024 трлн салкой болгон (2013 јылда — 2,491 трлн салковой). Экономиканыҥ тӧс бӱдӱмдери (ВРП 2014 јылда):

  • оптовый ла розничный саду, кӧӧлик транспортты јазаары, мотоциклдерди, бытовой эдимдерди (21,5 %);
  • обрабатывающий производство (19,9 %);
  • недвижимый имущество, аренда ла услугалар јетирери (19,3 %);
  • транспорт ло связь (11,8 %);
  • эмчилик ле социал услугалар (6 %).

Россияда каланыҥ регионал финансовый рынкогы кемиле экинчи јерде турат. Мында Санкт-Петербургский валютный биржа, товарный биржа «Санкт-Петербург», Фондовый биржа Санкт-Петербург, Санкт-Петербургский международный товарно-сырьевой биржа иштейт. Калада 31 банк (јаан дегендери: ВТБ, «Россия (банк)», «Санкт-Петербург (банк)», «Таврический (банк)», Балтинвестбанк) ла ӧскӧ региондордыҥ банктарыныҥ 100-теҥ артык представительстволоры
Mercer бичигениле , 2017 јылда Санкт-Петербург калаларда јӱрӱмниҥ чыҥдыйыныҥ телекейлик рейтингинде 231 јердиҥ ортозында 176-чы јерде.

Санкт-Петербургтыҥ экономиказына 2012—2017 јј. 2,8 триллиона салковой кирген.

Промышленность

Промышленностьтыҥ тӧзӧгӧзи болуп 700-теҥ артык јаан ла орто предприятиелер, онойдо ок 20 муҥ кичӱ предприятиелер иштейт. 2016 јылда аткарылган продукцияныҥ кеми 2340,5 миллиард салкой болгон, алдында јылга кӧрӧ 6,9 % кӧп. Аткарылган продукцияныҥ 30 %-ти транспортко, машиналар ла башка-башка бӱдӱмду оборудованиеге келижет, 15,7 % — курсак-тамак, суузындар, таҥкы, 5,7 % — металлургияныҥ эдимдери ле темирдеҥ эдилген продукция.

Промышленностьтыҥ тӧзи: уур индустрия. Калада судостроительный предприятиелер база иштейт: «Адмиралтейские верфи» (Россия Федерацияныҥ Јуучыл-талайчы Флодыныҥ керептери, танкерлер, суу алдыныҥ кемелери), «Орто-Невский судостроительный завод» (катерлер, ВМФ-ныҥ тральщиктери), «Балтийский завод» (Морфлотко керептер, ледоколдор), «Тӱндӱк верфь» (ВМФ-ныҥ ла Морфлоттыҥ керептери). Машиностроениениҥ предприятиелери: «Компрессор (предприятие)» (компрессорный оборудование, нефтегазовый оборудование), «Ленинградский металлический завод» (паровой, газовый ла гидравлический турбиналар), «Электросила (завод)» (электромашиналар, генераторлор), завод «Электропульт», «Севкабель» (силовой кабельдер, медный прокаттар), «Кировский завод» (тракторлор, металлопродукцилар, сельскохозяйственный техника), «Арсенал (завод, Санкт-Петербург)» (космический спутниктер, артиллерийский установкалар, компрессорный станциялар), «Ижорский завод» (прокатный оборудование, специальный оборудование, атомный реакторлор), «Ленинец» (авиация ла јуу-јепселдиҥ оборудованиези, радиоэлектронный оборудование), «Светлана (компания)» (рентгеновский трубкалар, радиоэлектронный аппаратура, комплектующийлер), ЛОМО (оптический приборлор) ло о.ӧ. Транспортный машиностроение ӧзӱм алынган: «Вагонмаш» (пассажирский вагондор темирјолго ло метрополитенниҥ электровагондоры), Ford, Toyota, General Motors ло MAN компаниялар кӧӧлик заводтор, Россияда садылып турган кӧӧликтердиҥ 25 %-ти 2016 јылда 9 айдыҥ туркунына чыгарылган. Јуу-јепсел чыгырар предприятиелер каланыҥ промышленный производствозында јаан кемдӱ. Калада кара ла ӧҥдӱ металлургия («Северсталь» компанияныҥ Ижорский трубный заводы) ла («Красный выборжец»), химический («ВМП-Нева»), јеҥил, полиграфический промышленность ӧзӱм алынган. Аш-курсак промышленностьтыҥ јаан предприятиелери: «Балтика (пивоваренный компания)» деп завод, алкоголь јок суузындар, минерал суулар, Heineken компанияныҥ пивзаводы, Степан Разинниҥ Пивоваренный заводы, Московский аймактыҥ хлебозаводы Fazer компанаяныҥ болот (хлебобулочный, мучнистый кондитерский эдимдер), Крупскаяныҥ фабриказы (конфет ле шоколад), эткомбинат «Парнас-М» (колбасный эдимдер, эттӱ консервалар ла полуфабрикаттар), «Кировтыҥ теермени» (крупа, кулур), сӱт комбинат «Петмол» (Danone), минерал сууныҥ заводы «Полюстрово», эткомбинаттар, кондитерский эдимдердиҥ предприятиези, балык продукция ла о.ӧ..

Промышленный предприятиелерде ишмекчилердиҥ тоозы статистика аайынча 2018 јылда 346,9 муҥ кижи (99,8 % 2017 јылда), промышленностьто ишчилердиҥ ортоайлык ишјалы — 65,4 муҥ салковой (109,7 % 2017 јылда).

Туризм

Туристический бизнес каланыҥ экономиказында јаан учурлу, Россия ла гран ары јаныныҥ айылчыларын уткууры, оныла колбулу сфера обслуживанияныҥ ӧзӱми база. Кала тӱӱкилик-культурный энчизиле бай, бу айалга туризмди калада экономиканыҥ тӧс отрасль эдер арга берет. Европаныҥ эҥ-ле кӧп туристтер јӱрер калаларыныҥ ортодо Санкт-Петербург 2012 јылдыҥ турулталарыла 10 јерде (2010 јылда — 7-чи јер) болгон.

2018 јылда Санкт-Петербургка 8,5 миллионго шыку турист келген (2017 јылда — 7,5 миллион), олордоҥ Россияныҥ туристтери — 5,5 миллион кижи, ӧскӧ ороондордоҥ — 4,9 миллион кижи. 2016 јылда 6,9 миллион турист (Тӱндӱк-кӱнбадыш федерал округтыҥ јериле ӧткӧн иностранный граждандардыҥ тоозы 2016 јылда 2847,2 муҥ кижи болгон кӧп сабазы Финляндия, Германия, США, Швеция ла Францияныҥ туристтери. Калада 260-наҥ артык јаан ла кичинек гостиницалар ла мини-отельдер, 27 муҥ кыптар (ол тоодо «Гранд Отель Европа» деп гостиница, «Астория», «Коринтия Санкт-Петербург», «Прибалтийский (гостиница)», «Пулковский (гостиница)», «Санкт-Петербург (гостиница)», «Москва (гостиница)», «Россия (гостиница, Санкт-Петербург)», «Октябрьский (гостиница)», «Азимут (гостиница»), пансиондор. Васильевский ортолыкта јаҥы Морской пассажирский порттыҥ терминалы ачыларда туризмге кыска ӧйгӧ јӱрер визовый режим эдилерде, кала Европаныҥ круизный туризминиҥ база бир тӧс јери боло берген. 2016 јылда тӱндӱк столицага 457 муҥ круизный турист келип јӱрген (209 судозаход).

2016 јылдыҥ јаҥар айында Санкт-Петербург туриндустрия аайынча World’s Leading Cultural City Destination деп номинацияла World Travel Awards деп сый алган (2016), «орустап Туристическая столица мира».

Ӱредӱлик ле билим

2012 јылдыҥ дошкольный образованиезинде 1054 детсад ла ясли болгон. Олор бастырага јуук муниципалитеттиҥ балансында болгон. Калада 690 ортоӱредӱлик учреждение, ол тоодо 609 школ, олордыҥ 135 предметерди тереҥжиде ӱредер, 72 гимназия, 45 лицей, 21 эҥирги школ, 40 коррекционный школ, 8 школ-интернат, 19 спецшкола, 58 допобразованиениҥ учреждениелери, 48 баштамы ла орто профессионал образованиениҥ учреждениелери. Олордыҥ ортодо А. Я. Ваганованыҥ адыла адалган орус балеттиҥ Академиязы, М. П. Мусоргскийдиҥ адыла адалган Санкт-Петербургский музыкальный колледж, военный заведениелердеҥ Санкт-Петербургский суворовский јуучыл училище, Нахимовский военно-морской училище, Петр Великийдиҥ военно-космический кадетский корпусы, Морской кадет корпус ла о.ӧ..

Санкт-Петербург 
Он эки коллегияныҥ туразы.
Санкт-Петербургский государственный университет

Санкт-Петербургта 56 государстволык ла 45 таҥынаҥ бийик ӱредӱлӱ заведениелер иштейт, ол тоодо јарлу Санкт-Петербургский государственный университет, Санкт-Петербургский государственный архитектурно-строительный университет, академик И. П. Павловтыҥ адыла адалган Санкт-Петербургский государственный медицинский университет, Император Александр I адыла адалган Петербургский государственный университет путей сообщения, Санкт-Петербургский государственный морской технический университет, проф. М. А. Бонч-Бруевичтиҥ адыла адалган Санкт-Петербургский государственный университет телекоммуникаций, Санкт-Петербургский государственный политехнический университет, Санкт-Петербургский государственный технологический институт (технический университет), Санкт-Петербургский государственный электротехнический университет, Санкт-Петербургский государственный экономический университет, Санкт-Петербургский государственный горный институт, Санкт-Петербургский национальный исследовательский университет информационных технологий, механики и оптики, А. И. Герценниҥ адыла адалган Российский государственный педагогический университет, Санкт-Петербургский государственный лесотехнический университет, Санкт-Петербургский государственный институт кино и телевидения ла о.ӧ. Калада бир канча военный бийик ӱредӱлӱ заведениелер: А. Ф. Можайскийдиҥ адыла адалган Военно-космический академия, С. М. Кировтыҥ адыла адалган Военно-медицинская академия, Михайловский военный артиллерийский академия, Санкт-Петербургский военно-морской институт, Военный инженерно-технический университет, радиоэлектрониканыҥ Санкт-Петербургский высший военный училищези, Санкт-Петербургский институт ФСБ России ле о.ӧ..

Санкт-Петербург — Россияда јаан билим-ӱредӱлик тӧс јерлердиҥ бирӱзи, мында ороонныҥ 10 % билим потенциалы: бу 350 билим организация, ол тоодо 70 организация РФ-ныҥ Билим Академиязыныҥ ла о.ӧ. государстволык академиялар, ондо 170 муҥ билим сотрудниктер, ол тоодо 9 муҥ билимниҥ докторлоры, 26 муҥ билимниҥ кандидады. Россия Федерацияда кала билим-ӱредӱлик сферада улустыҥ тоозыла экинчи јерде. Мында Санкт-Петербургский билим тӧс јер (Санкт-Петербургский научный центр Российской академии наук), 60-наҥ артык академический институттар ла ӧскӧ билим-шиҥжӱ ӧткӱрер учреждениелер; кӧп тоолу Научно-исследовательский институттар. Каланыҥ тӱштӱк јанында Пулковская обсерватория иштейт (астрономическая обсерватория Российской Академии наук).

Эмчилик

Санкт-Петербургта кӧп саба эмчилик учреждениелер Российский Федерациянныҥ эмчилик Министерствозыныҥ системазына кирип, тӧрт бӧлӱкке бӧлӱнет: Санкт-Петербургтыҥ Башкарузыныҥ эмчилик аайынча Комитедине башкарткан, РФ-ныҥ Минздравыныҥ федерал учреждениелериниҥ, ФМБА-ныҥ федерал учреждениелериниҥ ле Ленинградский областьтыҥ учреждениелериниҥ (каланыҥ јеринде). Санкт-Петербургтыҥ башкарузыныҥ эмчилик Комитеди государстволык јаҥныҥ эмчилик политикада бӱдӱрер органы болуп јат. РФ-ныҥ Минздравыныҥ системазына кирип турган учреждениелеринеҥ ӧскӧ калада ӧскӧ ведомстволордыҥ учреждениелери бар, онойдо ок негосударственный учреждениелер.

Калада 106 амбулаторно-поликлинический учреждение, 33 стоматологический поликлиника, башка профильдӱ 44 диспансер, 83 эмдеер стационар учреждение, 24 больница, 57 станция скорой помощи. Олор ортодо С. М. Кировтыҥ адыла адалган Военно-медицинский академия, Александровская больница (Санкт-Петербург), јуучыл ветерандарга госпиталь, каланыҥ психиатрический больницалары: П. П. Кащенконыҥ адыла адалган психиатрический больница, Агару Николай Чудотворецтиҥ психиатрический больницазы № 1, С. П. Боткинниҥ адыла адалган Клинический инфекционный больница, грипптиҥ НИИ-зи, Д. О. Оттыҥ адыла адалган Российский НИИ акушерства и гинекологии, Раухфустыҥ адыла адалган балдардыҥ эмчилиги, Н. Ф. Филатовтыҥ адыла адалган балдардыҥ клиникалык № 5 эмчилиги ле о.ӧ. 2005 јылдаҥ ала эмчиликтиҥ калада системазын јаҥыртары јанынаҥ национальный приоритетный проект «Здоровье» башталган,.

2015 јылда калада здравоохранениениҥ кеми Россияда бир канча кӧргӱзӱлерле бийик, онойдо ок ороондо эҥ ле јабыс ӧлӱм (орустап смертность). 2012 јылдаҥ ала медицинский оборудованиениҥ модернизациязы ӧткӱрилет, јонныҥ диспансеризациязыныҥ чыҥдыйын кӧдӱрер программа иштейт, медицинский ишчилердиҥ јадар јерлериниҥ айалгазын оҥдолторы јанынаҥ программа база иштейт.

Культура ла кеендик

Санкт-Петербург — телекейлик учурлу культуралык тӧс јер, Россияны «Культуралык столица» дежет. Калада 8464 культуралык энчиниҥ объекти (тӱӱки ле культураныҥ кереези), ол тоодо 4213 федерал учурлу объекттер, бастыра кереестердиҥ 10 %, Россия Федерацияныҥ корулу объекттери. Санкт-Петербургта бир канча јайаандыкла колбулу вузтар: Н. А. Римский-Корсаковтыҥ адыла адалган Санкт-Петербургский государственный консерватория, А. Я. Ваганованыҥ адыла адалган орус балеттиҥ Академиязы, Сценический кеендиктиҥ Российский государственный институды, Репинниҥ адыла адалган Санкт-Петербургский институт живописи, скульптуры и архитектуры, А. Л. Штиглицтиҥ адыла адалган Санкт-Петербургский государственный художественно-промышленный академия, Рерихтиҥ адыла адалган Санкт-Петербургский художественный училище,Кино ло телевидениениҥ Санкт-Петербургский государственный институды. Калада 10-го јуук киностудия, олор ортодо «Ленфильм», «Леннаучфильм».

Музейлер

Санкт-Петербургта 200-теҥ артык музейлер ле олордыҥ филиалдары иштейт, ол тоодо Государственный Эрмитаж (ӱч миллионго шыку кеендик иштер ле телекейлик культураныҥ кереестери), Орус Государственный музей (орус кеендиктиҥ эҥ ле байлык музеи), Центральный военно-морской музей, Россияныҥ художествозыныҥ Академиязыныҥ музейи, городской скульптураныҥ Государственный музейи, Санкт-Петербургтыҥ тӱӱкизиниҥ Государственный музейи, Петр Великийдиҥ антропология ла этнографияла музейи (Кунсткамера), «Рерихтердиҥ билезиниҥ музей-институды», дворцово-парковый музей-заповедниктер: Петергоф (дворцово-парковый ансамбль), Ораниенбаум (дворцово-парковый ансамбль), Царское Село (музей-заповедник), Павловск (музей-заповедник), Арт-центр «Пушкинская, 10», Эрарттыҥ эмдиги ӧйдиҥ кеендигиниҥ музейи, А. С. Пушкинниҥ Текшироссиялык музейи, Ленинградтыҥ обороназыныҥ ла блокадазыныҥ Государственный мемориальный музейи ле о.ӧ.; выставочный комплекс «Ленэкспо».

Театрлар, фестивальдар

Санкт-Петербургта 70-неҥ артык театр, ол тоодо Мариинский театр, Александринский театр, Михайловский театр, Г. А. Товстоноговтыҥ адыла адалган Јаан драма театр, Н. П. Акимовтыҥ адыла адалган комедияныҥ Санкт-Петербургский академический театры, Малый драматический театр (Европаныҥ театры), Ленсоветтиҥ адыла адалган Санкт-Петербургский академический театр, «Балтийский дом», имени В. Ф. Комиссаржевскаяныҥ адыла адалган Академический драматический театры, «Лицедеи» деп клоунаданыҥ театры, Санкт-Петербургский государственный цирк ле о.ӧ. 2011 јылда Санкт-Петербургта 1000-га јуук выставкалар, 120 премьера, 300-ке јуук фестиваль, олордыҥ ортодо: международный фестиваль балета «Мариинский», международный фестиваль искусств «Звёзды белых ночей», международный зимний фестиваль «Площадь Искусств», международный фестиваль балета «Dance Open», международный музыкальный фестиваль «Дворцы Санкт-Петербурга», международный фестиваль джаза «Свинг белой ночи», международный фестиваль искусств «От авангарда до наших дней», международный кинофестиваль «Фестиваль Фестивалей», международный фестиваль байкеров в Ольгино (исторический район), международный театральный фестиваль «Балтийский дом», международный конкурс-фестиваль детско-юношеского творчества «Праздник детства».

Библиотекалар

Санкт-Петербургта 1100 библиотека (эҥ јаан дегени Российская национальная библиотека (Публичная), Библиотека Российской академии наук, Президентская библиотека имени Б. Н. Ельцина); 50-неҥ артык культурно-досуговый учреждение; 50-неҥ артык кинотеатрлар.

Кӱӱ

1981 јылдаҥ ала 1990-чы јылдардыҥ бажына јетире Ленинградта Ленинградский рок-клуб иштеген, калада рок-коллективтердиҥ легализациязы башталган. Клубтарды тӧзӧӧринде «Пикник (группа)», «Аквариум (группа)», «Зоопарк (группа)», «Мифы (группа)» деп группалар турушкан, кийнинде дезе «АукцЫон», «Кино (группа)», «Алиса (группа)», «Поп-механика», «ДДТ (группа)», «Ноль (группа)» ло о.ӧ.. Эмди калада клуб-музей Виктора Цоя, «Камчатка (котельная)», Богословское кладбищеге Цойдыҥ мӧҥкӱзине кӧп улус келет.

2013 јылдыҥ кӱӱк айыныҥ 26 кӱнинде каланыҥ тӧзӧлгӧнинеҥ 310-јылдыгында Санкт-Петербург керегинде кожоҥдор кожоҥдолгон. 4335 кижи Исаакиевский тепсеҥде симфонического оркестрдиҥ ойыныла 1 частыҥ туркунына 14 кожоҥ кожоҥдогон. Бу керек Гиннесстиҥ рекордторлу бичигине кирердеҥ айабас.

Транспорт

Санкт-Петербург — Россияныҥ тӱндӱк-кӱнбадыжында јаан деген транспортный узел, Москваныҥ кийнинеҥ ороондо экинчи јерде. Бого темирјолдор кирет, талай ла суу транспорт, кӧӧлик јолдор ло авиалиниялар. Каланы кечире: эки евразий транспортный коридор «Тӱндӱк — тӱштӱк» ла «Севсиб», паневропейский транспортный коридор № 9, европейский автомобильный маршрут E 18, Скандинавияны Россияныҥ ортозыла колбойт. 2010 јылда Санкт-Петербургта тартылган кош: темирјолло 101 миллион тонна, трубопроводныйла 85 миллион тонна, талайла 9 миллион тонна, кӧӧлик јолло (таҥынаҥ предпринимательство јокко) 4 миллион тонна, ичиндеги суу јолло 1,2 миллион тонна.

Кӧӧлик јолдор

Каланы айландыра кӧӧлик магистральдарды когызадарга транзит транспортко кольцевой кӧӧлик јол тудулган (КАД). Санкт-Петербургты ӧскӧ региондорло колбойтон тӧс трассалар (Финский заливтеҥ кӱнниҥ аайыла): Приморский шоссе, Выборгский шоссе (Санкт-Петербург), Приозерское шоссе, Рябовское шоссе, Мурманское шоссе, Петрозаводское шоссе, Московское шоссе (Санкт-Петербург), скоростная автомагистраль Автомагистраль Москва — Санкт-Петербург, Пулковское шоссе — Псков (автодорога), Таллинское шоссе, Петергофское шоссе. Санкт-Петербургтыҥ администрациязыныҥ Транспортной инфраструктураныҥ ӧзӱми аайынча комитединиҥ јетиргениле 2017 јылда сыгын айда каланыҥ ичбойында јолдорыныҥ 37 % коомой айалгада; 2020 јылга мындый једикпести 20 % астадар деп амадайдылар.

Суу транспорт

Каланыҥ ичинде Санкт-Петербург деп јаан порт бар, ого беш бассейн кирет (Восточный, Барочный, Пассажирский, рейд Лесного мола ла Угольный Гавань); ого коштой Василеостровский грузовой порт, Кронштадтский порт, порт Ломоносов. Бу порттор ажыра мындый кош аткарылат: нефтепродукт, металл, агаш груз, контейнерлер, кӧмӱр, руда, химический кош, металлолом. Јаан порттыҥ грузообороды 2010 јылдыҥ баштапкы јарымында 26,35 млн тонна (2009 јылга кӧрӧ 6,4 %-ке кӧп). Бу порт талайла Морской канал (Санкт-Петербург) ажыра колболгон, узуны 27 миль, керептер кирер јолы јыл айландыра ачык. Васильевский ортолыктыҥ кӱнбадыш учында морской пассажирский терминал иштейт, ого круизный лайнерлер ле паромдор келет.

Кейде транспорт

Пассажирлер тартар кейде транспорт Пулково аэропорт ажыра ӧдӧт, каланыҥ тӱштӱк јанында. Пассажир тартар бир ле аэропортту калалардыҥ ортодо Санкт-Петербург Европада эл-јоныныҥ тоозыла јаан калалардыҥ бирӱзи. 2018 јылда пассажиропоток 18 млн кижи болгон. 2013 јылдыҥ јаҥар айынаҥ ала јаҥы централизованный пассажирский терминал иштейт, ол международный рейстерди јеткилдейт. Калада государстволык авиакомпания «Россия» бар.

Темирјол

Санкт-Петербургский темирјол узел — ороондо московскийдиҥ кийнинеҥ экинчи јерде, тудулган ӧйиле Россияда баштапкы темирјол — темирјолдыҥ тӱӱкизинде (Царскосельский темирјол) XIX чакта мында башталган. Ол Октябрьский темирјолдыҥ бир бӧлӱги болот, бого беш јаан темирјол вокзал кирет: Балтийский вокзал (Санкт-Петербург), Витебский вокзал, Ладожский вокзал, Московский вокзал (Санкт-Петербург), Финляндский вокзал; јети радиальный ууламјы: Выборгский, Приозёрный, Волхостроевский, Киришский, Московский, Новгородский, Витебский, Варшавский, Нарвский, Ораниенбаумский; сортировочный станциялар: Санкт-Петербург-Сортировочный-Московский, Шушары (железнодорожный станция); тӧрт припортовый станциялар: Автово (железнодорожный станция), Новый Порт (станция), Ораниенбаум, Бронка. Калада ОАО «РЖД» Октябрьский темирјолдыҥ управлениези бар. Пассажирлерди тӱргени тыҥ «Сапсан» деп поездле Санкт-Петербург — Москва ортодо тартадылар, онойдо ок «Аллегро» деп тӱрген поезд Санкт-Петербург — Хельсинки деп маршрутла, электропоезд «Ласточка», 2018 јылдаҥ ала пригородло јӱрет: Сосновый Бор (кала), Псков, Тосно, Сортавалдаҥ ала турист комплекс Рускеалага јетире.

1955 јылдаҥ ала Петербургский метрополитен иштейт. 2019 јылдыҥ бажында Петербургский метрополитенде беш линияда 72 станция болгон, јети пересадочный узел, линиялардыҥ узуны 124,7 км.

2001 јылда Санкт-Петербургта телекейде јаан Санкт-петербургский трамвайный сеть иштеген. Калганчы јылдарда кезем кыскарган. Калада онойдо ок Санкт-петербургский автобусный ла троллейбусный линиялар иштейт.

Спорт

Санкт-Петербургта любительский ле профессионал спорт ӧзӱм алынган. Калада 1649 спортивный зал, 118 бассейн, 18 чанаа база, 17 туйук искусственный тошту объект, 13 стадион тибуназында 1500-теҥ кӧп јерлӱ, 11 гребной база ла каналдар, 10 спорттыҥ ӧргӧӧзи, велотрек. Олордыҥ ортодо стадиондор «Газпром Арена» ла «Петровский (стадион)», Юбилейный (спортивный комплекс, Санкт-Петербург), Ледовый дворец, Зимний стадион, спортивно-концертный комплекс «Петербургский» (јаҥыртылып јат), «Сибур Арена», плавательный бассейн СКА. Университет имени Лесгафта — јаан учурлу спортивный тӧс јер.

Калада профессионал клубтар:

  • Футбол: «Зенит (футбольный клуб, Санкт-Петербург)» — Российский премьер-лигада тыҥ клубтардыҥ бирӱзи, Кубок УЕФА 2007/2008|2007/08, Суперкубок УЕФА 2008|2008); «Динамо (футбольный клуб, Санкт-Петербург)».
  • Хоккей: СКА (хоккейный клуб) — Континентал хоккейный лиганыҥ тыҥ (КХЛ) клубтарыныҥ бирӱзи, Гагаринниҥ Кубогы КХЛ сезондо 2014/2015|2014/2015 о.ӧ..
  • Баскетбол: «Зенит (баскетбольный клуб)».
  • Волейбол: «Автомобилист (волейбольный клуб, Санкт-Петербург)»].
  • Пляжный футбол: «Кристалл (пляжный футбольный клуб)»
  • Мини-футбол: «Политех (огош-футбольный клуб)»
  • Гандбол: «Университет Лесгафта — Нева»
  • Хоккей на траве: «Метрострой (ӧлӧҥдӧ хоккейле клуб)» (ӱй улустыҥ хоккейный клубы).
  • Американ футбол: «Грифоны» — американ футболло Россияныҥ Чемпионады .

Кереестер

Архитектуралык

1990 јылда Санкт-Петербургтыҥ тӱӱкилик ортозы ла пригородто дворцово-парковый ансамбльдары Россияда ЮНЕСКО-ныҥ Телекейлик энчилериниҥ объекттериниҥ тоозына кийдирилген. Государствоныҥ корузында 8 муҥга шыку архитектураныҥ кереестери кирет. 2005 јылда Петербургская стратегия сохранения культурного наследия јӧптӧлгӧн. Каланыҥ Архитектуралык ансамбли оныҥ Улу бӱдӱмин кӧргӱзет, тӱс оромдор, элбек тепсеҥдер, садтар ла парктар, суулар ла кӧп тоолу каналдар, набережныйлар, кӱрлер, узорлу оградалар, монументал ла декоратив скульптуралар. XVIII—XX чактардыҥ Архитектурный ансамбльдары: Петропавловский крепость, Александро-Невский лавра, Смольный институт, Дворцовый тепсеҥде Зимний дворец, Адмиралтейство, Невский проспект, Васильевский ортолыктыҥ стрелказында Биржаныҥ туразы, Сенатский тепсеҥ Медный всадник, Петр I каанга кереес, Зодчий Россиниҥ оромы ла Островскийдиҥ тепсеҥи, Искусствоныҥ тепсеҥи, Исаакиевский тепсеҥ ле XX чакта табылган Площадь Восстания.

Петербургтыҥ тӱрген ӧзӱми кайкамчылу болгон, качан ӧскӧ калалар канча чактарга јаанаган. Пётр I каан каланы Венеция ла Амстердам чылап тударга амадаган: таш оромдордыҥ ордына каналдар, ло каналдарла улус јеҥил керептерлӱ јӱрер. Санкт-Петербургты тудар Генеральный планныҥ авторы (1716 јылда) итальян архитектор Доменико Трезиниболгон: јаҥы тӧс каланыҥ тӱс оромдоры, јалбак «прошпекттери» аҥылу болгон. Петр I каан бойы Невский проспект, Адмиралтейство, Петропавловский крепость тудулар јерлерди кӧстӧгӧн, кату градостроительный дисциплина тургускан. Бастыра тураларды таштаҥ тудар деп Јасак чыгарган (бу ла ӧйдӧ ороондо ӧскӧ калаларда тураларды таштаҥ тударга јаратпаган). Ол ӧйлӧрдӧ Петровский барокко деп стиль јайылган, бу стильле иштеген архитекторлор итальянецтер Д. Трезини, Дж. М. Фонтана, Н. Микетти, француз Жан-Батист Леблон, немцтер А. Шлютер, Г. Маттарнови, орус М. Земцов. Бу стильле туткан бир канча тура арткан: Петропавловский шибее ле Петропавловский собор, Петр I каанныҥ Јайгы ӧргӧӧзи, Кунсткамера, Он эки коллегияныҥ туразы, Меншиковтыҥ ӧргӧӧзи. XVIII чактыҥ ортозында Елизаветаныҥ бароккозы деп стиль кӧптӧгӧн: Ф. Б. Растрелли (Зимний дворец, Смольный монастырь, Јаан Петергофский ӧргӧӧ Петергофто, Јаан Екатерининский ӧргӧӧ Царский Селодо), Чевакинский Савва Иванович (Никольский морской собор).

Јарлу улузы

Јуруктардыҥ кӧмзӧзи

Комментариелер

Ајарулар

Тайантылар

This article uses material from the Wikipedia Алтай article Санкт-Петербург, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ӧскӧзи кӧргӱзилбеген болзо, контентти CC BY-SA 4.0 лицензияла эдинерге јарар. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Алтай (DUHOCTRUNGQUOC.VN) is an independent company and has no affiliation with Wiki Foundation.

Tags:

Санкт-Петербург ЭтимологиязыСанкт-Петербург Физико-географиялык темдектериСанкт-Петербург Эл-јонСанкт-Петербург ТӱӱкизиСанкт-Петербург ЭкономиказыСанкт-Петербург Ӱредӱлик ле билимСанкт-Петербург ЭмчиликСанкт-Петербург Культура ла кеендикСанкт-Петербург ТранспортСанкт-Петербург СпортСанкт-Петербург КереестерСанкт-Петербург Јарлу улузыСанкт-Петербург Јуруктардыҥ кӧмзӧзиСанкт-Петербург КомментариелерСанкт-Петербург АјаруларСанкт-Петербург ТайантыларСанкт-ПетербургКандык айдыҥ 27 кӱниКуран айдыҥ 31 кӱниРоссияСыгын айдыҥ 6 кӱниЧаган айдыҥ 26 кӱни

🔥 Trending searches on Wiki Алтай:

Кочкор айдыҥ 15 кӱниКаспий талайТилҮЈаҥар айдыҥ 22 кӱниБольшой ЯломанЕлдепова, Карлагаш ГавриловнаМакаоЈолдуайры (суу)Чаган айдыҥ 10 кӱниӰлӱрген айдыҥ 19 кӱниЈаан изӱ айСеби-ОозыСыгын айдыҥ 29 кӱниКӱчӱрген айдыҥ 7 кӱниЈаҥар айдыҥ 2 кӱниЈаҥар айдыҥ 27 кӱниМехикоКочкор айдыҥ 25 кӱниГонконгКӱӱк айдыҥ 18 кӱниЧаган айдыҥ 28 кӱниЈаҥар айБӧрӱЈаҥар айдыҥ 28 кӱниКалкин, Алексей ГригорьевичКебезенКӱӱк айдыҥ 1 кӱниЧаган айдыҥ 15 кӱниКуран айдыҥ 6 кӱниАлтай РеспубликаОроондордыҥ тоозыАбкназиаТулаан айдыҥ 11 кӱниКуран айдыҥ 10 кӱниКош-Агаш аймак??? ???Тулаан айдыҥ 15 кӱниТатар тилКара-Кӧкшиниҥ јурт јеезезиЈаҥар айдыҥ 12 кӱниУлаганӰлӱрген айдыҥ 18 кӱниТулаан айдыҥ 24 кӱниКандык айдыҥ 12 кӱниҰ🡆 More