Dr Thomas Augustine Arne (* 12.
März">12. Merz 1710 z London; † 5. Merz 1778 z London) isch en änglische Komponist vo dr Vorklassik gsi.
Dr Thomas Arne isch us ere katholische Handwärkerfamilie choo. Si Vater Thomas Arne (1682–1736) isch e Bolsterer gsi, und het en uf s Eton gschickt zum Jura studiere. Nääbebii het er dört au no Giigespiile und Komposizioon bim Michael Christian Festing studiert. Schliesslig het er sich ganz dr Kunst gwidmet. Sis erste Wärk isch d Opere Rosamond (noch eme Libretto vom Joseph Addison) gsi, wo scho groosse Erfolg ghaa het. No besser aachoo isch Thumb, or the opera of operas. 1738 het er d Opere Comus mit eme Teggst vom John Milton) komponiert, er het din e Hufe nazional-britischi Melodie brucht und het sä mit Motiv im italiänische und dütsche Stil, won er erfunde het, gschickt verflochte. 1740 het d Schauspiilere und Sängere Kitty Clive, wo denn seer populäär gsi isch, in dr Uruffüerig vo sinere Opere Alfred d Rolle vo dr Venus und vo dr Emmalo spiile.
Im Joor 1741 het er gege äine vo de füerende Londoner Buchhändler prozessiert, und het em vorgworfe, ass dä sini Urheeberrächt verletzt häig. Es isch zum ene ussergrichtlige Vergliich choo. Dr Arne isch äine vo de erste Künstler, wo iir Urhebeerrächt vom ene Gricht häi lo schütze.
Er isch zwäi Joor lang mit sinere Frau Cecilia Arne, won e Schülere vom Francesco Geminiani und en usgezäichneti Sängere gsi isch, z Irland ufdräte. Denn het er 1745 z London e Stell as Komponist für d Vauxhallgärte überchoo, und het dört groosses Ufseä erregt mit chliine Gsangsstück, wo sini Individualidäät am beste zäigt häi. 1755 het er sich vo dr Cecilia drennt, wil er si für gäisteschrank ghalte het, und het en Affääre mit dr Charlotte Brent aagfange, wo e Schüelere von em gsi isch. Ass er au im italiänische Stiil chönn schriibe, het 1762 si Opere Artaxerxes (noch em Metastasio) bewiise. Er het im ganze 30 ärnsti und komischi Opere gschriibe, meereri Oratorie, wo aber im Vergliich mit deene vom Händel farblos und gschmäggerlig drhäär choo si. Vom Arne stammt au d Melodii vo äinere vo de inoffizielle änglische Nazionalhümne Rule, Britannia!: Es isch dr Schlussgsang us dr Masque of Alfred.
Dr Muusighistoriker und Komponist Charles Burney isch äine vo sine Schüeler gsi.
Dr Thomas Augustine Arne isch am 5. Merz 1778 z London gstorbe. Er isch zämme mit sinere Frau, won er sich mit ere churz vor sim Dood wider versöönt het, in dr St Paul’s Church begraabe. Si unehelig Soon Michael Arne (1740/41–1786) isch au en gschetzte Komponist gsi.
Joor vo dr Publikazioon | Ditel! |
---|---|
1737 | The British Musical Miscellany, vol. vi |
1741 | The Songs and Duetto in The Blind Beggar of Bethnal Green |
1743 | The British Orpheus, vol. iii |
1743–1745 | Universal Harmony |
1745 | Lyric Harmony, vol. i |
1745 | The Music in The Judgment of Paris |
1746 | Lyric Harmony, vol. ii |
1747 | Peter Prelleur's An Introduction to Singing |
1749 | Vocal Melody, vol. i |
1750 | Vocal Melody, vol. ii |
1751 | Vocal Melody, vol. iii |
1752 | Vocal Melody, vol. iv |
1753 | Willem Defesch’s Songs Sung at Mary-bon Gardens |
1753 | The Agreeable Musical Choice, vol. v |
1754 | The Agreeable Musical Choice, vol. vi' |
1755 | A Collection of Poems in Four Volumes by Several Hands |
1756 | The Agreeable Musical Choice, vol. vii |
1757 | A Favourite Collection of English Songs |
1758 | The Agreeable Musical Choice, vol. viii |
1760 | The Monthly Melody |
1760 | British Melody, vol. xi |
1761 | A Choice Collection of Songs, vol. xii |
1761 | The Winter’s Amusement, vol. xiii |
1762 | British Amusement |
1764 | The Royal Magazine, vol. xi |
1764 | A Favourite Collection of Songs, vol. xiv |
1765 | The New Songs Sung at Vauxhall |
1766 | Summer Amusement |
1768 | New Favourite Songs |
1774 | The Vocal Grove |
1777 | The Syren |
This article uses material from the Wikipedia Alemannisch article Thomas Arne, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.