Südamerika

Zsämme mit de Länder vo Middelamerika, wo mä Schbanisch schwätzt, wird s hüfig au Latiinamerika gnennt. Südamerika lit zum gröschde Deil in dr südlige Hemisphäre, aber immerhi öbben ä Vierdel isch uf dr nördlige Ärdhalbchugle. Dr Flechi noch isch s dr viertgröschd Kontinänt, Asie, Afrika und Nordamerika si grösser und het die fümft gröschdi Bevölkerig mit öbbe 382 Millione Mensche. Wie in Nordamerika isch d Bevölkerigsdichdi mit e chli meh as 21 Iiwohner pro km² chli. Im Norde si d Karibik und dr Atlantik, im Oschde isch dr Atlantik und im Weschde dr Pazifik.

Südamerika
Flechi	17,840,000 km²
Iiwohner	382,000,000 (2005)
Bevölkerigsdichdi	21.4/km²
Demonym:	Südamerikaner
Regierige	12 Länder
Schbrooche	Bordugiisisch, Schbanisch, Französisch, Ketschua, Aymara, Guaraní, Italiänisch, Änglish, Dütsch, Holländisch, Japanisch und vili anderi

Südamerika het si Name vo de Kartographe Martin Waldseemüller und Matthias Ringmann übercho noch em Amerigo Vespucci, wo dr erscht Europäer gsi isch, wo behauptet het, ass Amerika nit in Oschdindie wur ligge sondern ä neuji Wält sig.

• Hans-J. Aubert, Ulf-E. Müller: Südamerika. München: Bruckmann, 2. durchgesehene Auflage, 1981 (mit Bibliografie, Namens-, Orts- und Sachregister) ISBN 3-7654-1732-7
• König, Hans-Joachim: Kleine Geschichte Lateinamerikas. Bonn: Bundeszentrale für politische Bildung, 2006. ISBN 3-89331-723-6