Di politisch Gmeind isch die wichtigscht Gmeindsform i dr Schwiiz.
Gmainde i de Schwiz |
---|
|
Dialäkt: Züritüütsch (See) |
I de Kantön Aargau, Appezäll Usserrhode, Basel-Landschaft, Basel-Stadt, Bärn, Obwalde, Soleturn, Uri und Zug gheisst si Iiwohnergmeind, i de Kantön Jura und Wallis Munizipalgmeind, i de Kantön Friburg, Gämf, Luzern, Nöieburg, Schaffhuse, Schwyz, Tessin und Waadt eifach Gmeind, im Kanton Appezäll Innerrode Bezirk, und bis Ändi 2010 hät mer ere im Kanton Glaris Ortsgmeind gseit.
Wänn vo dr Gmeind d Reed isch, dänn isch i dr Regle di politisch Gmeind gmeint. Au die Ort, wo en Stadt sind, händ als Gebietskörperschafte d Rächtsform von ere Gmeind. E Stadt isch i dr Schwiiz also immer au e politischi Gmeind.
Di politisch Gmeind verfüegt über di sogenannt allgemein Kompetänz i kommunale Aaglägeheite. Si ninnt alli kommunale Uufgabe wahr, wo s übergordnet Rächt nöd em Würkigschreis vomene andere Gmeindstyp (z. B. Chilegmeinde, Schuelgmeinde) zuewiist. Für bsunderi Uufgabe, wo mer besser im überkomunale Rahme chan lööse, bildet d Gmeinde spezielli Zwäckverbänd.
Pildet worde sind di politische Gmeinde, wo me di alte Gmeinwäse vom Ancien Régime im früene 19. Jarhundert uufteilt hät i Gmeinde, wo all Iiwoner dezueghööred (politischi Gmeinde oder Iiwonergmeinde), und Gmeinde für di Altiigsässene, wo denen iri Güeter verwalted (Bürgergmeinde).
Dä Artikel basiert uff ere fräie Übersetzig vum Artikel „Politische_Gemeinde“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Politische Gemeinde, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.