Dr Obadiah da Bertinoro (Rabbi Obadiah vo Bertinori, Obadja ben Abraham da Bertinoro; * öbbe 1465 z Bertinoro (Forlì); † öbbe 1515 z Jerusalem) isch en italiänische Talmudist gsi.
Dr Rabbi Obadiah isch z Bertinoro Rabbiner gsi. 1486 het er über Egüpte Alija gmacht und het sich 1488 z Jerusalem niidergloo. Er het e Kommentar zur Mischna (us Raschi und Maimonides) verfasst, wo in fast alle Mischna-Usgoobe abdruckt isch.
Uf em Wääg in s Globte Land het er Bricht über d Verfassig vo de Juude verfasst, wo mit iirer Objektiwidäät von ere groosse historische Bedütig für d Forscher vom östlige Juudedum si. Er beschribt, wie under de Mameluke die jüüdische Gmäinde verarmt si und immer mee vo iire Mitgliider dr Glaube vo iire Väter verloo häi. Er het au über d Karäer z Alexandria gschriibe und sä globt für Tugende, wo d Rabbinite iine vilmol abgsproche häi, und über d Samaritaner z Egüpte.
Dr Obadiah het d Jerusalemer Gmäind, wo die Gmäindieltere korrupt gsi si, nöi organisiert. Für d Flüchtling, wo 1492 us Spanie gflüchdet si, het er e Jeschiva ufdoo.
Dä Artikel basiert uff ere fräie Übersetzig vum Artikel „Obadiah_ben_Abraham_Bartenura“ vu de änglische Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Obadiah da Bertinoro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.