Marburg
Marburg isch e Stadt z Dütschland.
Si lyt im Bundesland Hesse und isch d Chräisstadt (s Hauptort) vom Chräis Marburg-Biedenkopf. Es woone (änds 2018) 76.851 Lüüt i dr Stadt.
| Wappe | Dütschlandcharte | |
|---|---|---|
 |
| |
| Basisdate | ||
| Bundesland: | Hesse | |
| Regierigsbezirk: | Gießen | |
| Landchreis: | Marburg-Biedenkopf | |
| Höchi: | 186 m ü. NHN | |
| Iiwohner: | 77.845 (31. Dez. 2022) | |
| Poschtleitzahle: | 35037, 35039, 35041, 35043 | |
| Vorwahle: | 06421, 06420, 06424 | |
| Kfz-Chennzeiche: | … | |
| Gmeischlüssel: | 06 5 34 014 | |
| Stadtgliderig: | 19 Stadttäil inklusive Chärnstadt | |
| Adress vo dr Stadtverwaltig: | Markt 1 35037 Marburg | |
| Webpräsenz: | ||
| Oberburgermäischter: | Thomas Spies (SPD) | |
| d Lag vu Marburg im Landkräis Marburg-Biedenkopf | ||
 | ||
Geografy
Marburg lyt a dr Lahn und im Marburger Bärgland. Im Stadtbann isch e Bärg, wo dr Gipfel uf 412 Meter über Meer chunt.
D Stadttäil vo Marburg sind: d Altstadt, s Campus-Viertel, s Südviertel, Weidenhausen, Dilschhausen, Elnhausen, Hermershausen, Haddamshausen, Michelbach, Dagobertshausen, Wehrshausen, Cyriaxweimar, Wehrda, Marbach, Ockershausen, Gisselberg, Richtsberg, Cappel, Ronhausen, Bortshausen, Ginseldorf, Bauerbach, Schröck und Moischt.
Gchicht
Dr Ortsname, wo anne 1138 s erscht Mol im ene Dokumänt ufgschriben isch, chunt do drvo: im Mittelalter isch d Gränze, also d March zwüsche Thüüringen und em Land Mainz do duregange. A dr Lahn isch d Burg vo de Landgraafe bout worde.
D Landgräfin Elisabeth von Thüringen het sid 1228 z Marburg gwoont und im Oort es Spital bout. Anne 1235 isch si zun ere Häilige erkläärt worde, und uf iirem Grab het me do grad d Elisabethechile bout, die erschti gootischi Chile z Dütschland.
1527 isch d Uni Marburg gründet worde. 1529 isch ufm Marburger Schloss s Marburger Religionsgsprööch mit em Martin Luther und em Uelrich Zwingli gsi.
1866 het Pröisse Kurfürschtetum Hesse(-Kassel) und dodrmit au Marburg annektiert. 1945 isch es denn a «Grosshesse» (s hüttig Hesse) choo. Vo 1929 bis 1974 isch d Stadt chräisfräi gsi.
Sproochwüsseschaft
Z Marburg isch dr Düütsch Sproochatlas (DSA) domiziliert, es Inschtitut, wo di dütsche Dialäkt dokumäntiert. Dr Georg Wenker het i de 1870er Joor als Bibliothekar a dr Unibibliothek Marburg das Institut gründet.
D Dialäktforschig het a dr Uni Marburg e langi Tradizioon. Au dr Schwiizer Germanischt Jürg Fleischer het z Marburg gschaffet, und früener emool isch dr Schwiizer Walter Haas dr Läiter vom Sproochatlas gsi.
Sache zum go aluege
- d Elisabethkirche
- s Landgrafeschloss
- dr Schlosspark
- d Hüüser i dr Chugelegass
- d Chile Sankt Johannes Evangelist
- d Marburger Fachwäärch-Hüüser
- d Uni
- dr Platz vo dr Synagoge
- s Museum für Kunscht und Kulturgschicht
- d Kilianskapälle
- d Grüner Müli
- d Brugge
- d Bismarcksüüle
- d Michaelskapälle (s „Michelchen“)
- dr Spiegelslustturm
- dr Kaiser-Wilhelm-Turm
- dr Alt Botanisch Garte
- dr Botanisch Garte
- d 77 «Schteine zum drüberstürchle»
Literatur
- Erhart Dettmering: Kleine Marburger Stadtgeschichte. Regensburg 2007, ISBN 978-3-7917-2086-9.
- Ellen Kemp, Katharina Krause, Ulrich Schütte (Hrsg.): Marburg. Architekturführer. Petersberg 2002, ISBN 3-935590-67-9.
- Marburg rauf und runter – Stadtspaziergänge durch Geschichte und Gegenwart. Marburg 2013, ISBN 978-3-939864-15-8.
- Marita Metz-Becker: Hommage an Marburg – Poetische Impressionen durch drei Jahrhunderte. Marburg 2014, ISBN 978-3-89445-493-7.
Weblink
Commons: Marburg – Album mit MultimediadateieThis article uses material from the Wikipedia Alemannisch article Marburg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.