Chuemilch isch e wissligi, undurchsichdigi Löösig bzw.
kolloidali Dispersion vo Proteine, Milchzucker und Milchfett in Wasser, wo vo dr Milchchue stammt. In de mäiste öiropäische Kulture mäint mä mit em Begriff Milch Chuemilch, und für anderi Milcharte wie Gäissemilch usw. brucht mä dr Naame vom Dier, wo d Milch broduziert.
Dr Mensch het vor öbbe 8'500 Joor vor allem in Südostöiropa Uurochse (Ur) afo domestiziere für iir Fläisch und iiri Milch. Im Lauf vo dr Zit si Chuerasse züchdet worde, wo druf spezialisert gsi si, ass si e Hufe Milch gääbe. Chuemilch wird as Roomilch oder verarbäiteti Milch (bastörisiert usw.) drunke und au zu haltbarere wie Chääs Brodukt verarbäitet.
Chuemilch bestoot us öbbe 87 Brozänt Wasser, 4,8 Brozänt Choolehüdraat, 4,2 Brozänt Milchfett, 3,5 Brozänt Äiwiss, und 0,7 Brozänt Spurenelimänt. Si isch vo de wichdigste Milcharte villicht dr Muetermilch am äänligste, het aber e chli mee Äiwiss und e chli weniger Choolehüdrat.
This article uses material from the Wikipedia Alemannisch article Kuhmilch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.